1Kwa 6:9 - Hdi

⁹ Sna a kaghuni kazlay: Haɗ vla gwal ta ga dmaku ma ga mghama Lazglafta wu kəʼa ra? Ma nanə kuni ta ghəŋa ghuni. Ɗina ka snaŋta ghuni kazlay: Gwal ta ga sliʼiŋsliʼiŋ, nda gwal ta wuya skwi, nda gwal ta hliri, nda gwal ta hani zgun nda zgun, marakw nda marakw,

1Kwa 6:9 Mawu Ofanana

Zlrafta 19:5

Ka hag həŋ ta Lut, ka həŋ mantsa: « Ga tsa mnduha ta sam da ghuni hawu na ya na? Hləgaŋnap hla ta həŋ ka hana ŋni ta hani nda həŋ, » ka həŋ.

Sabi 23:1

« Yaha kuni da tuza gwaɗa tsakalawi. Yaha kuni da gwafta wi nda ghwaɗaka mndu ŋa nzakway ka ghwaɗaka masləmtsək.

La Levi 18:20

Yaha ka da hanata nda markwa sləvda gha, dzaʼa nighis na ka mndu ta tsaɗ lu.

La Levi 18:22

Yaha ka da hanata nda zgun manda ya ta hanata lu nda marakw, manzakɗaway tsaya.

La Levi 19:15

Ma tsə kuni ta makɗiŋilŋila guma. Ma sisin kuni ta pɗu, ma ŋliŋ kuni ta mndu dagala. Guma tɗukwa dzaʼa tsə kuni ta ghəŋa mndu.

La Levi 20:13

Ka hana hana zgun nda sana zgun manda ya ta han lu nda marakw, maga maga hahəŋ his his ta manzakɗaway. Pslatá həŋ his his, dguv ta ghəŋa taŋ usa taŋ.

Mata 19:29

Dər wati ma mndu ta zlanavatá həga ni, ka zwana ma ni a tsi, ka kwaghama ni a tsi, ka da ni a tsi, ka ma ni a tsi, ka zwana ni a tsi, ka vwaha ni a tsi, ta ghəŋa gwaɗa ta iʼi ná, dzaʼa mutsay həŋ ta dərməkata ni, ka malaghuta a tsi, ŋa mutsay taŋ ta hafu ŋa kɗekedzeŋ guli ta ghəŋa ni.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Lukwa 21:8

« Ɗaswa ka kuni da nanaghunaftá lu, kabga nda ndgha gwal dzaʼa sagha ka klaftá hga ɗa ka mnay kazlay: “Iʼi *Kristi, ndusak ndusa fitik,” ka həŋ dzaʼazlay. Yaha kuni da dzaʼa mista taŋ.

Slna gwal ghunay 20:32

« Ndana tama, ma dzva Lazglafta nda gwaɗa ta zɗakatahuɗa ni tani ta famta yu ta kaghuni. Tsa gwaɗa ya dzaʼa ŋla kaghuni, ŋa zay ghuni ta həga kawadaga nda inda gwal nda ghuɓa.

Slna gwal ghunay 24:25

Ka zlraftá Pwal ta zwa gwaɗa ta ghəŋa nzaku ya ta zɗəganatá Lazglafta, nda gwaɗa ta nghuta mndu ta ghəŋa ni, nda gwaɗa ta ghəŋa ya ka Lazglafta dzaʼa tsa guma ta ghəŋa mnduha. Ka Feliks ksur tsi ka zləŋ mantsa: « La tama, baɗu mutsafər yu ta fitik ya guli ná, hgəgəlta ɗa ta kagha tsa, » kaʼa.

La Ruma 1:18

Daga ta luwa ta margamata Lazglafta kazlay: Nda ɓasa ŋuɗufa ni ta ghəŋa inda dmakuha ta mag mnduha, nda kwala taŋ kul haɗ ta vla glaku ŋa ni kəʼa. Dzaʼa tsanagha tsa ta guma ta həŋ, kabga ghwaɗaka skwi ya ta mag həŋ ná, ta hawuha ta kahwathwata.

1Kwa 15:33

Ɗasuwa ka kuni, ma nanə kuni ta ghəŋa ghuni, ya « ksa nzaku nda ghwaɗaka mnduha ná, ta ɓadzay ta mndu. »

1Kwa 15:50

Zwana ma ɗa, nana skwi ta mnə yu na ná, haɗ sluʼuvgha nda us dzaʼa laviŋtá lami da ga Mgham Lazglafta wa. Haɗ ya ta rwuta dzaʼa za həga ya kul rwuta guli wa.

1Kwa 3:16

Sna a kuni ka mnay kazlay: Həga Lazglafta ta nzaku Sulkuma Lazglafta mida kuni kəʼa ra?

1Kwa 5:1

Ka lu ta mnay ta snə yu ma luwa ná, mamu hliri mataba ghuni. Dər gwal kul snaŋtá Lazglafta ná, haɗ həŋ ta nzaku manda tsaya wa. Ta hani sana mndu nda markwa da ni, ka lu.

1Kwa 5:10

Tsa mnay mnə yu ya ná, ta mnə ta ghəŋa gwal ma ghəŋa haɗik, ta hliri, ta tsagana, ta ghali, ta wuya skwi a yu wa. Ka má mantsa tsi katsi ná, má sliʼagap sliʼa kuni tkweʼ ma ghəŋa haɗik.

1Kwa 5:11

Skwi mnə yu ŋa ghuni ná, ma ksə kuni ta nzaku nda mndu ta mnay kazlay: Krista iʼi kəʼa ta mataba tsa ná, ta hliri, ta tsagana, ta wuya skwi, ta kuslemberaku, ta ghuyaku, ta ghali. Yaha kuni walaŋtá tsghə da hliba turtuk kawadaga nda mndərga tsa mndu ya.

1Kwa 6:10

Nda gwal ta ghali, nda gwal ta haraʼu ta iri nda gwal ghuyaku, nda gwal ta kuslemberaku, nda gwal ta zlaʼuwa mndu ná, haɗ həŋ dzaʼa lami da ga mghama Lazglafta wu kəʼa ra?

1Kwa 6:18

Tsaya tama, zlaŋwa sliʼiŋsliʼiŋ. Hamata dmakuha ta mag lu ná, ta ɓla vgha ta magaʼata lu. Mndu ta fatá sliʼiŋsliʼiŋ ka slna ni, ŋa vərɗa sluʼuvgha ni ta ga tsi ta dmaku.

1Kwa 6:19

Sna a kuni kazlay: Sluʼuvgha ghuni ná, həga Sulkum nda ghuɓa ya kəʼa ra? Lazglafta ta vlaghunata ŋa nzaku ma kaghuni, ta ka ŋa ghuni a vgha ghuni tama wa.

1Kwa 9:24

Sna a kuni kazlay: pɗaʼ pghatá vgha mnduha ta hwaya ta daɓi ná, turtuk ya dzaʼa zata kəʼa ra? Hwayawahwaya ta vərɗa hwaya kada zata kuni.

2Kwa 12:21

Sana skwi ta zləŋ yu ma tsa lab dzaʼa lab yu da kaghuni ya guli ná, duŋwa yu da nzata ma hula ta kaghuni, ta kəma Lazglafta ɗa ná, ka yu. Zləŋa ɗa ná, da slanaghatá yu ta gwal ta maga dmaku manda va ya snu həŋ ta kwalaghutá paya tva taŋ ta ghəŋa hliri ta hlə həŋ, nda maga sliʼiŋsliʼiŋ ta mag həŋ, nda sanlaha ma mndərga tsa ghwaɗaka skwiha ya.

Galat 6:7

Yaha kuni nanətá ghəŋa ghuni. Haɗ Lazglafta ta zlaŋtá mndu ta nənɓay wa. Ka nu slga mndu ya ná, tsaya dzaʼa tsi tskay guli.

Vrafta ta zlahu 22:22

Ka slanagha sla lu ta mndu ta han nda markwa mndu, pslatá həŋ his his, tsa zgun ta hanata nda tsa marakw ya nda vərɗa tsa marakw ya. Mantsa ya dzaʼa kliŋta kuni ta ghwaɗaka skwi mataba la Israʼila.

Vrafta ta zlahu 22:5

« Yaha marakw dá suɗavatá lgutha zgun. Yaha zgun dá suɗavatá lgutha marakw. Inda ya ta magay manda tsa ná, nda nza ka manzakɗaway da Yawe, Lazglafta ghuni.

Vrafta ta zlahu 23:17

Nzata ni da kaghuni mataba ghuni, ma vli ya dzaʼa tsi zbapta ma ya turtuk ma luwaha ghuni. Yaha kuni da dulay. »

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

Hebru 12:14

Zbawa zba ta nzata nda zɗaku nda inda mndu. Ka nzata kuni nda ghuɓa ta wa ira Lazglafta. Ka haɗ tsi mantsa wu ná, haɗ ya dər turtuk ma kaghuni dzaʼa nghaŋtá kuma Lazglafta wa.

Hebru 12:16

Ɗasuwa ka kuni, yaha gwal ta hliri nzakway mataba ghuni. Yaha mndu dər turtuk mataba ghuni da vziŋtá skwi ta nzakway ka ŋa Lazglafta, manda Ghesav ta skwaptá mamali mala ni nda skwa zay kweŋkweŋ ya.

Hebru 13:4

Inda kaghuni demdem, vlaŋwa vla ta sgit ta kluvtá vgha, yaha marakw dər zəʼal da hliri, kabga dzaʼa tsay Lazglafta ta guma ta ghəŋa gwal ta maga sliʼiŋsliʼiŋ, nda gwal ta hliri tani.

Yakubu 1:16

Zwana ma ɗa, gwal ta ɗvu yu, ma nanə kuni ta ghəŋa ghuni.

1 Yuhwana 3:7

Mantsa tama zwana ɗa, ma snə kuni ta bara mnduha. Mndu ta gɗata ta maga skwi tɗukwa ná, tɗukwa tsa mndu ya manda nzakwa Yesu Kristi ka mndu tɗukwa ya.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.

Gwal tsa guma 19:22

Ta dga mahtala həŋ tama, ka sliʼadaghatá sana mnduha si ma luwa, la falay, ka wanaftá tsa həga ya, ka gugtsa wa tgha, ka həŋ nda tsa halata mndu, daŋahəga ya mantsa: « Kligiŋ kla ta tsa mndu ta lam da ghuni ya, ka hanata ŋni nda tsi! » ka həŋ.