1Kwa 6:20 - Hdi

²⁰ Vara vara Lazglafta ta kaghuni nda skwi nda bla. Tsaya tama, vlaŋwa glaku ta Lazglafta ma skwi ta mag kuni nda sluʼuvgha ghuni.

1Kwa 6:20 Mawu Ofanana

Mata 5:16

Manda tsaya dzaʼa tsuwaɗakakwa tsuwaɗaka ghuni ta kəma mnduha, kada nghaŋta həŋ ta ŋərma slna ta mag kuni, ŋa zləzlvay taŋ ta da ghuni ta luwa. »

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

La Ruma 12:1

Zwana ma ɗa, dagala tawa hiɗahiɗa Lazglafta ta amu. Tsaya tama ta kəl yu ka ndəɓa ghunata dzvu. Vlaŋwa vla ta ghəŋa ghuni tsuh tsuh ta Lazglafta manda skwa pla ghəŋ nda hafu mida, nda ghuɓa ta zɗəganata. Tsaya vərɗaka tva tsəlɓay ghuni ta tsəlɓu ŋa ni.

La Ruma 6:19

Manda va ya ta gwaɗ mnda səla ta gwaɗaghunata yu ta na gwaɗa na, kabga pərɗaf a kuni ta snaŋta wa. Ghalya ná, si zliŋ zla kuni ta fawayha ghuni ka vuʼa maga ŋəɗaka skwiha, nda dmakuha ŋa kwal kul sna gwaɗa da Lazglafta. Ndanana tama ná, zlaŋwa zla ta fawayha ghuni ka vuʼa maga skwi tɗukwa ŋa nzakway ka gwal ta snanatá ŋa Lazglafta.

1Kwa 10:31

Dər nu ta zə kuni, dər nu ta sə kuni, dər nu sana skwi ta mag kuni, magawa inda ni ŋa vlaŋtá glaku ta Lazglafta.

1Kwa 7:23

Nda bla varata lu ta kaghuni, ma niŋ kuni ta ghəŋa ghuni ka vuʼa mnda səla.

Galat 3:13

*Kristi ta varagamapta ma tsa ksiʼa zlahu ya, kabga niŋ na lu ka ksiʼatá mndu ŋa da manaka amu. Ka lu vindafta ma gwaɗa Lazglafta na: « Inda mndu zləŋaf lu ta udzu ná, nda ksiʼa, » kaʼa.

Filip 1:20

Skwi ya ma ŋuɗufa ɗa faf iʼi ta ghəŋa ɗa tida ná, haɗ yu dzaʼa walaŋta magatá skwi dzaʼa pghiɗaghatá hula wa. Má vlihata skwi ta mbrakwa suʼay yeya katsi. Skwi kumaf maya ɗa ndanana, dər má yawu tsi, ka dər ta ndiri yu, ka dər mtaku a ta slaɗighata, ka zləzlva mnduha ta Yesu Kristi nda ma nzakwa ɗa, ŋa ɗa.

Hebru 9:12

Ma tsa lami lam *Yesu turtuktuk da tsa huɗi nda ghuɓa katakata ya ná, lam a nda klatá usa dugzumha nda zwaŋa lghəŋ wa. Vərɗa ŋa ni ma us vla tsi, ka mbamafta ŋa ɗekɗek ma dmakuha mu.

1 Piyer 1:18

Nda sna kuni kazlay, varagap ma nzaku ka rgha, zlaghunaŋ dzidza ghuni lu ta kaghuni kəʼa. Nda dasu nda ya nda dzindar ta ɓadzaku ya a varata lu ta kaghuni wu,

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

2 Piyer 2:1

Ghalya, zlagap zlaga ghwaɗaka anabiha mataba mnduha Lazglafta, mantsa ya guli dzaʼa zlagapta ghwaɗaka gwal tagha skwi mataba ghuni. Dzaʼa kladam kla həŋ ta ghwaɗaka tagha skwi ŋa zaɗiŋtá mnduha, ŋa vziŋta taŋ ta *Yesu *Kristi ta nzakway ka mnda tagha skwi ta mbanaftá həŋ ya. Mantsa ya gi dzaʼa tɗakta həŋ ta zaɗaku ta ghəŋa taŋ.

Suna Yuhwana 5:9

Ka fə həŋ ta lfiɗa laha. Ka həŋ mantsa: « Nda ra ka ka klafta na defteri na, ka ɓlanaptá ŋizlaha ni, kabga si dza dza lu ta kagha, ka varanaktá ka ta Lazglafta nda usa gha ta inda mndəra mndu ma inda mndəra gwaɗa ta gwaɗ lu, nda inda mnduha, nda inda zivira mnduha.