1Kwa 5:8 - Hdi

⁸ Ma zə mu ta tsa skala *Pak nda buradi nda is ŋa ghalya mida ya. Tsa is ya ná, maga ghwaɗaka skwi ya. Zama za nda buradi kul haɗ is mida ta nzakway ka vərɗa ni dzeʼdzeʼ ya. Nda ŋuɗuf ya nda ghuɓa, tɗukwa.

1Kwa 5:8 Mawu Ofanana

Sabi 12:15

Ndəfáŋ fitik dzaʼa zata kuni ta za buradi kul haɗ is mida. Daga baɗ taŋtaŋ dzaʼa hliŋta kuni ta is ma həga ghuni. Ka daga baɗ taŋtaŋ ha baɗ mandəfáŋ zaŋ za mndu ta buradi nda is mida katsi, kliŋtá tsa mndu ya mataba la Israʼila.

Sabi 12:19

Ma fitik ndəfáŋ, yaha lu slanaghatá is ma həga ghuni. Dər wa ta zaŋtá skwi ŋlanaf lu nda is, kliŋtá tsa mndu ya mataba guyatá ghəŋa la Israʼila, dər má ka mayəm tsi, dər má zwaŋa haɗik a tsi.

Sabi 12:8

Ta tsa rviɗik ya dzaʼa fsata kuni ta sluʼa ni ŋa zuta ghuni nda buradi ya kul haɗ is mida. Nda masuʼataha ɗahɗaha dzaʼa za kuni.

Sabi 13:6

Ma fitik ndəfáŋ, buradi kul haɗ is mida dzaʼa kuni da zay. Baɗ mandəfáŋa ni ya, dzaʼa mamu skalu ŋa Yawe.

Sabi 13:7

Dzaʼa zay lu ta buradi kul haɗ is mida ma fitik ndəfáŋ. Yaha lu da slanaghatá buradi nda is mida, nda vərɗa is guli ta inda kwakwara ghuni.

La Levi 23:6

Baɗ maghwaŋpəɗ hutafa fitik ma va tsa tili ya, dzaʼa mamu skala buradi kul haɗ is mida ŋa Yawe. Fitik ndəfáŋ dzaʼa magata kuni ta za buradi kul haɗ is mida.

Mata 16:12

Ka tsatsaftá duhwalha ni kazlay: Ta ghəŋa is ta mag lu ma buradi a mna Yesu ta magay taŋ ta ɗasuwa wu, ama ta ghəŋa tagha skwa la Farisa nda la Sadukiya dzaʼa maga həŋ ta ɗasuwa.

Mata 16:6

« Ɗasuwa ka kuni! Nghawa ghəŋa ghuni da isa la *Farisa nda la *Sadukiya, » ka Yesu nda həŋ.

Markus 8:15

« Ɗasuwa ka kuni! Nghawa ghəŋa ghuni da isa la *Farisa nda Hiridus, » ka *Yesu zlahanaghatá həŋ.

Lukwa 12:1

Mataba tsaya, ka tskadaghatá mnduha ta vgha ŋəɗdəm ta vata *Yesu ka ɓisla vgha sani ta vata sani. Ka Yesu nda duhwalha ni mantsa: « Ɗasuwa ka kuni nda Isa la *Farisa ta nzakway ka maɗgwirmaɗgwir ta mag həŋ ya.

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

1Kwa 3:3

kabga manda nzakwa mnduha ma ghəŋa haɗik tata nzakwa kuni ta nzaku. Ka si tata draku kuni, tata zlərɗa wi kuni mataba ghuni katsi ya ní, nzaku manda ŋa mnduha ma ghəŋa haɗik a ta nzaku kuni nda tsa ra? Manda ŋa taŋ tata nzakwa kuni.

1Kwa 5:1

Ka lu ta mnay ta snə yu ma luwa ná, mamu hliri mataba ghuni. Dər gwal kul snaŋtá Lazglafta ná, haɗ həŋ ta nzaku manda tsaya wa. Ta hani sana mndu nda markwa da ni, ka lu.

1Kwa 5:6

Ngha a iʼi ta skwi ŋa ghərɓay kaghuni ta ghərɓaku wa. Sna a kuni kazlay: Kuseta ta is ná, ta ŋlanaf ŋla ta inda hwaɗatá hpwa buradi kəʼa ra?

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

2Kwa 2:17

Aŋni ná, nza a aŋni manda hamata sanlaha ta za huɗa taŋ ta gwaɗa Lazglafta wa. Lazglafta ta ghunaftá aŋni, kahwathwata ta mnə aŋni ma Kristi ta kəma Lazglafta.

2Kwa 8:8

Mbla kaghuni a ta mbli yu wu, snaghunamta snaghunam yu ya ka sanlaha ta ŋavata ka vlay. Ma tsaya guli dzaʼa kəl kaghuni ka maraŋta kazlay: Ɗvu ɗva kaghuni kahwathwata guli ta kataŋtá sanlaha kəʼa.

Afisus 6:24

Ka vlaŋ vla Lazglafta ta zɗakatahuɗa ni ta inda gwal ta ɗvutá Mghama mu Yesu Kristi nda ɗvu ya kul haɗ ta kɗaku.

Vrafta ta zlahu 16:16

Inda vaku, hkən səla dzaʼa maravata inda zgwana ta kəma Yawe, Lazglafta ghuni ma vli ya dzaʼa tsi zbapta: Ŋa skala buradi kul haɗ is mida, nda skala rfa nekwatá nimaya ta vwah, nda skala dumbi. Yaha mndu laha ta kəma Yawe nda dzvu bayah wa.

Vrafta ta zlahu 16:3

Ta skal kuni ta tsa skalu ya, yaha kuni da za buradi nda is mida. Fitik ndəfáŋ dzaʼa zata kuni ta za tsa buradi kul haɗ is mida ya, burada sa duni, kabga ta hwaya ta hwaya saba kuni ma haɗika Masar. Manda tsaya dzaʼa hava kuni ma nzakwa ghuni, ká kuni sabi ma haɗika Masar.

Yəhusuwa 24:14

Ka Yəhusuwa sganaghata guli mantsa: « Ndanana tama, zləŋawa Yawe, ka maganata kuni ta slna manda ya ta raku nda inda kahwathwata. Ka hliŋta kuni mataba ghuni ta lazglaftaha ya si ta tsəlɓu dzidzíha ghuni ta tsəlɓu ŋa taŋ ta tsa ɓla zala Yufratis, nda ya ma Masar ya. Ka tsəlɓa kuni ta tsəlɓu kuni ta Yawe.

1 Piyer 4:2

Ma na pɗakwa fitik ŋa zay ghuni nda hafu ta na ghəŋa haɗik na ná, nzawa nza ta nzaku manda ya ta zɗəganatá Lazglafta, manda ya ta haraʼu sluʼuvgha ya a wa.