1Kwa 3:22 - Hdi

²² Dər Pwal, dər Apwalus, dər Kefas, dər ghəŋa haɗik, dər hafu, dər mtaku, dər skwiha ndanana, dər skwiha dzaʼa sagha nda sa, ka ŋa ghuni nzakwa ni.

1Kwa 3:22 Mawu Ofanana

Yuhwana 1:42

Ka kladaghatá tsi da Yesu, na ghur nghaŋta Yesu, kaʼa nda tsi mantsa: « Simuŋ! Zwaŋa Yuhwana ka, Kefas dzaʼa hga lu ta kagha, » manda mnay kazlay: Pala kəʼa ya.

1Kwa 1:12

Dagavapdaga kuni mataba ghuni. Wya tsa skwi ta mnə kuni ya: « Ŋa Pwal aŋni » ka sanlaha, « ŋa Apwalus aŋni » ka sanlaha, « ŋa Kefas aŋni » ka sanlaha, « ŋa Kristi aŋni, » ka sanlaha guli, na skwi ta mnə kuni.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

Filip 1:21

Ŋa iʼi taɗa, ka tata hafu yu ná, Yesu Kristi na ŋərma skwa ɗa. Ala ka nda mta yu ya guli, ndela ɗa tsa.