1Kwa 3:16 - Hdi

¹⁶ Sna a kuni ka mnay kazlay: Həga Lazglafta ta nzaku Sulkuma Lazglafta mida kuni kəʼa ra?

1Kwa 3:16 Mawu Ofanana

Yuhwana 14:17

Tsa mndu ya ná, Sulkuma kligiŋtá kahwathwata ya. Laviŋ a mndu ma ghəŋa haɗik ta tsuʼafta wa. Laviŋ a həŋ ta snaŋta guli wa. Kaghuni nda sna kaghuni, kabga ta gɗata kawadaga nda kaghuni, dzaʼa gɗava gɗa ŋa ɗekɗek ma ŋuɗufa ghuni.

La Ruma 6:16

Sna a kuni kazlay: Ka fa fa kuni ta ghəŋa ghuni manda vuʼa mndu ka snanatá gwaɗa ni ná, nda nza kuni ka vuʼa tsa mndu ta snu kuni ta gwaɗa ni ya kəʼa ra? Laviŋ lava ka ta nzakway ka vuʼa dmaku, ŋa klay dmaku ta kagha da mtaku. Laviŋ lava ka ta snanatá ŋa Lazglafta, ŋa naghafta Lazglafta ka mndu tɗukwa ta ghəŋa vəl snanata gha ta gwaɗa ni.

La Ruma 6:3

Sna a kuni kazlay: Ma magamatá batem ná, nda ndiʼa mu nda *Yesu *Kristi, mtu mta mu kawadaga nda tsi nda tsa kəʼa ra?

La Ruma 8:11

Ka si ta nzaku Sulkuma tsa mndu ta sliʼaganaptá Yesu ma mtaku ya ma kaghuni katsi, va tsa mndu ta sliʼaganaptá Kristi ma mtaku ya, dzaʼa vranamtá hafu ma tsa sluʼuvgha ghuni ta mtuta nda ma tsa Sulkuma ni ta nzaku ma kaghuni ya.

La Ruma 8:9

Ama kaghuni, haɗ kuni ta maga skwi manda ya ta zɗəganatá sluʼuvgha wa, manda ya ta zɗəganatá Sulkuma Lazglafta ta nzaku ma kaghuni ta nzakwa kuni ta nzaku. Ka haɗ Sulkuma Kristi ma mndu wu ná, ŋa Kristi a tsa mndu ya wa.

1Kwa 3:17

Ka ɓadziŋ ɓadza mndu ta həga Lazglafta ná, dzaʼa ɓadziŋ ɓadza Lazglafta ta tsatsi guli, kabga nda ghuɓa həga Lazglafta. Tsa həga ya ná, kaghuni ya.

1Kwa 3:9

Nda gwa aŋni ma slna Lazglafta. Nda nza kaghuni manda vwaha Lazglafta. Manda həga Lazglafta nzakwa ghuni guli.

1Kwa 5:6

Ngha a iʼi ta skwi ŋa ghərɓay kaghuni ta ghərɓaku wa. Sna a kuni kazlay: Kuseta ta is ná, ta ŋlanaf ŋla ta inda hwaɗatá hpwa buradi kəʼa ra?

1Kwa 6:16

Sna a kuni kazlay: Mndu ta ndiʼaftá vgha ni nda karwa ná, ka skwa turtuk vgha taŋ nda tsi kəʼa ra? Tsa mnduha his ya dzaʼa nzata ka sluʼuvgha turtuk, ka defteri ta ghəŋa ni.

1Kwa 6:19

Sna a kuni kazlay: Sluʼuvgha ghuni ná, həga Sulkum nda ghuɓa ya kəʼa ra? Lazglafta ta vlaghunata ŋa nzaku ma kaghuni, ta ka ŋa ghuni a vgha ghuni tama wa.

1Kwa 6:9

Sna a kaghuni kazlay: Haɗ vla gwal ta ga dmaku ma ga mghama Lazglafta wu kəʼa ra? Ma nanə kuni ta ghəŋa ghuni. Ɗina ka snaŋta ghuni kazlay: Gwal ta ga sliʼiŋsliʼiŋ, nda gwal ta wuya skwi, nda gwal ta hliri, nda gwal ta hani zgun nda zgun, marakw nda marakw,

1Kwa 9:13

Sna a kuni kazlay: Gwal ta ksa slna ma həga Lazglafta ná, hada ta za həŋ ta skwa zaya taŋ kəʼa ra? Gwal ta vla skwi ta gwir guli ná, mida ta mutsa hahəŋ ta ŋa taŋ guli kəʼa ra?

1Kwa 9:24

Sna a kuni kazlay: pɗaʼ pghatá vgha mnduha ta hwaya ta daɓi ná, turtuk ya dzaʼa zata kəʼa ra? Hwayawahwaya ta vərɗa hwaya kada zata kuni.

2Kwa 6:16

Nu ta guyanaftá həga Lazglafta nda həga skwa wuyay na? Amu ná, həga Lazglafta nda hafu amu, manda ya mna tsi kazlay: Mataba taŋ dzaʼa nzamta yu ka wawaku kawadaga nda həŋ. Ka Lazglafta taŋ ta dzaʼa nzata yu, ka mnduha ɗa hahəŋ guli kəʼa.

1Tim 3:15

Ala, ka gərɗugərɗa yu katsi, dzaʼa nda sna ka ká ka dzaʼa nzaku ma həga Lazglafta ta nzakway ka *Igliz, hahəŋ guguɗi ta dihanatá kahwathwata.

2Tim 1:14

Ŋana ŋa ta ŋərma tagha skwi ya fagham lu ma dzvu, nda mbrakwa Sulkum nda ghuɓa, ya ta nzaku ma amu ya.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Yakubu 4:4

Fkərwaha na! Sna a kuni kazlay: Ɗvutá ghəŋa haɗik ná, ga ghuma nda Lazglafta ya kəʼa ra? Mndu ya ta kuma ksa gra nda ghəŋa haɗik ná, ta kumay ta nzakway ka ghuma Lazglafta.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

1 Yuhwana 4:12

Haɗ mndu ta kəɗ nghaŋtá Lazglafta nda ira ni wa. Tsa ɗvutá vgha mu ta ɗvuta mu sani nda sani ya ná, nzakwa Lazglafta ta gɗavata kawadaga nda amu tsa. Ta ɗvu ɗva mu ta Lazglafta dar manda ya kumaŋ tsi kəʼa guli.