1Kwa 2:15 - Hdi

¹⁵ Mndu nda Sulkuma Lazglafta ma tsatsi ná, laviŋ lava ta gala inda skwi. Tsatsi ya tama, haɗ sana mnduha dzaʼa laviŋta galaptá tsatsi wa.

1Kwa 2:15 Mawu Ofanana

2Sam 14:17

Kdəkkdək mghama ɗa! Ka kurɗa gha ma ghəŋa ni na: “Ka lɓiha lɓa gwaɗa mghama ɗa ta ŋuɗuf, kabga nda nza rveri, mgham ɗa manda duhwala Lazglafta, ŋa dganatá skwi ɗina nda ya kul ɗinaku,” ka yu. Ka nza Yawe, Lazglafta gha kawadaga nda kagha! » kaʼa.

Yuhwana 7:17

Ka fa fa mndu ta ghəŋa ni ka maga skwi ta kum Lazglafta, dzaʼa nda sna ka ta sagha da Lazglafta na skwi ta tagh yu na tsi, ka ta klaʼata ma ghəŋa ɗa a yu.

Slna gwal ghunay 16:3

Ka kumaftá Pwal ta klay ta səla ni, ka klə tsi. Ka tsanatá tsi ta fafaɗ, yaha gwaɗa da la Yahuda ta nzakway ma tsa vli ya, kabga nda sna həŋ demdem kazlay: Mndəra la Grek da ni kəʼa.

1Kwa 14:37

Iʼi ná, anabi yu, mamu Sulkuma Lazglafta ma iʼi ka ka mndu katsi, ɗina ka snaŋta ni kazlay: Nana skwi vindaghunaf yu na ná, Mgham Lazglafta ta mnata kəʼa.

1Kwa 3:1

Ka vərɗa ni ka lu mnay katsi zwana ma ɗa ná, ma tsa fitika nzakwa ɗa da kaghuni ya ná, manda mna gwaɗa ŋa gwal nda Sulkuma Lazglafta ma həŋ a mna yu ta gwaɗa ŋa ghuni wu, manda mna gwaɗa ŋa mnduha ma ghəŋa haɗik mna yu, kabga si ta ka zwani kuni ma zlghafta ghuni ta *Kristi nda ŋuɗuf.

1Kwa 4:5

Tsa tama ná, ma gi tsə kuni ta guma ta ghəŋa mndu ta kul sagha fitika ni. Kzlawa, ta hway da wa kuni na! Baɗu sagha Mgham ná, dzaʼa kligiŋ kla ta daɓi ta skwi nda ɗifa. Ŋa kligiŋtani duway ta daɓi ta skwi ta ndanə mnduha. Baɗu tsa tama, dər wa dzaʼa mutsa rfa ni da Lazglafta manda ya ta raŋta.

Galat 6:1

Zwana ma ɗa, ka nda ngha kuni ta mndu ta maga skwi kul ɗinaku katsi, kaghuni ta pghu Sulkum ya, vranakwavra ta vərɗa tvi, ama ɗasuwa ka kuni magay. Ɗasuwa ka vərɗa kagha guli da ksutá tsi ta kagha.

Filip 1:10

ŋa snaŋta ghuni ta zbaptá skwi ɗina ŋa magay ghuni ta slna nda tsi. Kada nzakwa kuni ka gwal tɗukwa kul haɗ rutsak ta kaghuni ha baɗu vragata Kristi.

Kwalus 1:9

Tsaya tama, manda kɗakwa ŋni ta snaŋtá gwaɗa ta kaghuni, zlana a ŋni ta maga duʼa ta ghəŋa kaghuni, ŋa ndəghaghunaftani nda hiɗaku, nda ɗifil ya ta vlə Sulkum wa. Tsaya dzaʼa kəl kuni ka snaŋta ta skwi ya ta kum tsatsi,

1Tes 5:21

Ama kwatsaɗapwa inda skwi demdem, ka zbapta kuni ta ya ɗina,

Hebru 5:14

Ŋa galata mndu na skwa zay təŋ təŋata gɗata həŋ ta zay, ka slavaptá həŋ ka tagha dganatá skwi ɗina, nda ya kul ɗinaku, ŋa magay taŋ ta skwi ɗina.

1 Yuhwana 2:20

Kaghuni ya, vlaghuna vla Kristi ta Sulkuma ni. Kaghuni demdem, nda sna kaghuni ta vərɗa skwi ta ghəŋa *Yesu Kristi.

1 Yuhwana 4:1

Zwana ma ɗa, ma gi sna kuni ta gwaɗa mndu ta mnay kazlay: Mamu Sulkuma Lazglafta ma iʼi kəʼa ya. Ɗaslawa tsa skwi ta mnə tsi ya karaku, ka mamu Sulkuma Lazglafta mida, ka haɗ wa a tsi. Kəl yu ka mna tsaya ná, kabga nda ndəgha ghwaɗaka anabiha ta sliʼagapta ta ghəŋa haɗik.