1Kwa 16:13 - Hdi

¹³ Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

1Kwa 16:13 Mawu Ofanana

2Sam 10:12

Mbra ta vgha, maranaŋ u mara ta tatá us ta ira u ŋa mnduha u, nda ya ŋa luwaha Lazglafta u, ka maga Yawe ta skwi ya ta zɗəganata! » kaʼa.

1Mgh 2:2

« Nda sliʼa yu manda ya ta sliʼi dər wa ta ghəŋa haɗik, ka ŋavata ka, ka nzata ka ka zgun zgun!

1Rus 19:13

Mbra ta vgha, maranaŋ u mara ta tatá us ta ira u ŋa mnduha u, nda ya ŋa luwaha Lazglafta u, ka maga Yawe ta skwi ya ta zɗəganata! » kaʼa.

1Rus 28:10

Ngha ndanana ɓa, zbap zba Yawe ta kagha ŋa banaftá həga ka vla ni nda ghuɓa. Ŋava ŋa, ka maga ka ta slna! » kaʼa.

Danyel 10:19

Kaʼa mantsa: « Ma zləŋ ka ta zləŋ, mamu sgita gha ta wa ira Lazglafta, ka nza zɗaku nda kagha, ŋava ŋa, mbra ta vgha! » kaʼa. Tata tsa gwaɗa ya nda iʼi, ka vravaftá mbrakwa ɗa. Ka yu mantsa: « Mna ta gwaɗa gha Rvera ɗa, kabga vliha vla ka ta mbraku, » ka yu.

Danyel 11:32

Dzaʼa gataf gata tsa mgham ya ta mnduha ka nanaghatá gwal ta zlanavata dzratá wi. Ama gwal nda sna ta Lazglafta taŋ ya ná, dzaʼa gɗava gɗa hahəŋ ta ŋavata nda mbraku.

Mata 25:13

Ka *Yesu sganaghata mantsa: « Nzawa nza hzleŋa, kabga sna a kuni ta tsa fitik ya, ka ta wati luwa tsi wu, » kaʼa.

Mata 26:41

Nzawa nza ndiri ka ndəɓa kuni ta dzvu, kada ŋaŋta kuni ta skwi dzaʼa dzəghaghunata. Ta kumay kuni ta maga skwi ɗina mndani, ama haɗ mbrakwa sluʼuvgha ghuni wu, » kaʼa.

Lukwa 21:36

Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

1Kwa 14:20

Zwana ma ɗa, ma nza ndana ghuni manda ŋa zwani. Ka təv ghwaɗaka skwi tsi katsi, manda zwani kwitikw kwitikw ka kuni nzata, ama ndana mndərha ka kuni ndanay.

1Kwa 15:58

Mantsa tama zwana ma ɗa gwal ta ɗvu yu, dihavawa diha, ma gigɗava kuni, lawa la ta kəma ta kəma nda slna Mgham Lazglafta, ya haɗ visa ghuni dzaʼa nzata ka mbalay da Mgham Lazglafta wa.

2Kwa 1:24

Kumay ŋni ta faghunaghatá zlambak ta ghəŋa zlghay nda ŋuɗufa ghuni a wu, ta maga slna mu ka skwa turtuk, ŋa zɗavafta ŋuɗufa ghuni, kabga nda diha kuni ma zlghay nda ŋuɗuf.

Galat 5:1

Plimispla *Kristi, ŋa kwala mu nzəglaku ka vuʼa mista zlaha Musa. Mantsa tama, dihavawa diha, yaha lu nglighunista ka vuʼa.

Afisus 3:16

Tsaya ta kəl yu ka ndəɓa dzvu da tsi ka ksa tsi ta slna nda tsa mbrakwa ni dagala ya ma ŋuɗufa ghuni, ka vlaghunata tsi ta mbraku kahwathwata nda ma Sulkuma ni.

Afisus 6:10

Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Filip 4:1

Zwana ma ɗa gwal ɗvu yu nda ŋuɗufa ɗa, mamaya ghuni ta ksihata, ta kumay yu ta nghəglaŋtá kaghuni. Ta kaghuni ta ghərɓa yu ta ghərɓaku, ta kaghuni ta rka yu ta rka. Ka si mantsa tsi tama zwana ma, nzafwanza ta Mgham manda va ya taghaghunaf yu.

Filip 4:13

Laviŋ lava yu ta ŋaftá tsa skwiha ya nda mbrakwa Yesu *Kristi ta vlihata.

Kwalus 1:23

Gɗavawagɗa ma zlghay nda ŋuɗuf, dihavawa diha ma gigɗava kuni. Ma dgaghu kuni ta vgha nda Lfiɗa Gwaɗa. Tida fatá ghəŋa mu, ka lu mnamata. Tsa Lfiɗa Gwaɗa ya ná, ŋa inda mndu ta ghəŋa haɗik ta mna lu. Nana iʼi Pwal na ná, mna tsa Lfiɗa Gwaɗa ya slna ɗa.

Kwalus 4:12

Ta ga zgu Ipafras ta nzakway ka mnda ghuni ya, ŋa ghuni guli. Kwalva Yesu Kristi ya. Haɗ ta zlaŋtá maga duʼa da Lazglafta ta ghəŋa kaghuni wa. Ta magay ta duʼa ŋa dihavata ghuni, ŋa sifaghunafta ta tva Lazglafta.

Kwalus 4:2

Gɗawa gɗa ta maga duʼa, mantsa ya dzaʼa kəl kuni ka nzata hzleŋa nda rfanaghatá Lazglafta.

1Tes 3:8

Ndanana tama ná, ta hafu ŋni, kabga dihatá vgha ghuni ma ndiʼatá vgha ghuni ta Mgham Yesu.

1Tes 5:6

Ka si mantsa tsi katsi, ma ksu hani ta amu manda ŋa sanlaha ya. Katək ná, nzama nza hzleŋa ndiri ka zlaha vgha mu.

2Tes 2:15

Tsaya tama zwana ma ɗa ná, dihavawa diha, ka ŋanata kuni ta inda tsa skwiha taghaghunaf ŋni ya, dər ya mnaghuna lu nda mna, dər ya vindaghunafta lu nda vinda a tsi.

1Tim 6:12

Lma ta vərɗa lma zlghay nda ŋuɗuf. Zak za ta hafu ŋa kɗekedzeŋ, kabga hgaf hga Lazglafta ta kagha ta ghəŋa ni ma mnaŋta gha ta ŋərmata zlghay nda ŋuɗufa gha ta kəma ndəghata masləmtsəkha.

2Tim 2:1

Kagha tama zwaŋa ɗa, mbra ta vgha ma zɗakatahuɗi vlama lu ma *Yesu *Kristi.

2Tim 4:5

Ama kagha ya, gɗava gɗa gha ma ghunislaka gha, suʼa ta ghuya ɗaŋwa, magatá kahwathwata slna mndu ta mna *Lfiɗa Gwaɗa. Kɗanafkɗa ta slna nzakwa gha ka mnda maganatá slna ta Lazglafta.

2Tim 4:7

Vula vula yu ta vərɗaka vulu, kɗanakkɗa yu ta vərɗaka hwaya ɗa, ŋana ŋa yu ta zlghay nda ŋuɗufa ɗa.

Yəhusuwa 1:18

Inda mndu ya dzaʼa ganavatá sidi ta zlahuha gha, ka kwalaghuta snatá ŋa gha, nda inda zlahuha dzaʼa ka da mnaŋnata ná, dzaʼa dza dza lu. Skwi kweŋkweŋ ná, ŋava ŋa kagha, ka mbra ka ta vgha, » ka həŋ.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

1 Piyer 4:7

Ndusak ndusa kɗavakta fitika inda skwi. Nzawa nza hzleŋa nda ɗifil ma ghəŋ, ŋa ŋavata ghuni ma maga duʼa.

1 Piyer 5:8

Nzawa nza hzleŋa nda ɗifil, kabga ta pgha buɗukwa ghuma ghuni halaway manda rveri ta hurgu ta zba skwi ŋa dughwaɗuta ni.

Suna Yuhwana 16:15

« Wya yu ta lagha manda ghali. Rfu da mndu ya ta nzata hzleŋa, ta ngha lguta ni da mbaɗ tsi ta mbaɗa ka fərdiʼu, da ksutá tsi ka hula da mnduha, » ka Mgham.

1Sam 4:9

Ka ŋavata kuni! ka nzata kuni ka zgun zgun, la Filisti! Yaha kuni dá nuta ka vuʼa la Hebru manda si nzakwa hahəŋ ka vuʼa ghuni ya! Nzawa nza ka zgun zgun! Ndawwa! » ka həŋ.