1Kwa 15:52 - Hdi

⁵² Gi hada hada dzaʼa mbəɗavafta mu manda kulitsa iri vyar lu ta kɗavakta vyatá duli. Vyata lu ta tsa duli ya ná, gi sliʼagapta gwal nda rwa tsa nda sluʼuvgha ya kul rwavata, ta mbəɗavaftá amu guli.

1Kwa 15:52 Mawu Ofanana

Sabi 19:16

Ga sərɗək baɗ mahkəna fitik, ta tsa ghwá ya ná, ka ŋəzlatá luwa, nda wuɗa luwa, nda kusay tɗik katakata, nda lwa duli nda mbraku katakata. Ka ghudzaku inda gwal ma ghuɓu ta ghudzaku da zləŋ.

Sabi 20:18

Ta snay inda la Israʼila ta tsa ŋəzla luwa, nda ghudzaga duli ya. Ta nghay həŋ ta wuɗa luwa guli, nda kuɗumbulatá tsa ghwá ya ka ɗiŋ. Na nghay taŋ ta tsa skwiha ya, ka ghudzaku həŋ ta ghudzaku da zləŋ, ka nzaktá həŋ kətsaʼu diʼiŋ.

Sabi 33:5

kabga ka Yawe si mnanatá Musa na: « Mnana mna ta la Israʼila: “Mndəra mnduha təŋ təŋa ghəŋa taŋ kuni. Ka má si dzaʼa ŋlay yu mataba ghuni katsi ná, gi hada hada má dzaʼa rwaghunata yu. Suɗiŋwa suɗa ta huzla rka ghuni, dzaʼa nda sna yu ta skwi ká yu dzaʼa magaghunata,”» kaʼa.

Mbsak 10:4

Ka duli turtuk vya lu ya, maliha ta ghəŋa dəmbuʼata la Israʼila dzaʼa tskadaghatá vgha da kagha.

Mbsak 16:21

« Dgaghuwa vgha nda guyatá ghəŋa na mnduha na, ka zaɗanata yu ta həŋ nda va nana, » kaʼa.

Mata 24:31

Ŋa ghunafta ni ta duhwalha Lazglafta ŋa vyata taŋ ta duli ta taw katakata, ŋa tsakakta taŋ ta gwal ya ɗagap tsi ta slərpa luwa fwaɗ, sliʼafta ni ta mndəra luwa dikw dista luwa. »

Yuhwana 5:25

Kahwathwata ka yu ta mnaghunata, dzaʼa sagha sa fitik, nda ghada va sagha ni, dzaʼa kəl gwal nda rwa ka snaŋtá lwa Zwaŋa Lazglafta. Tsa gwal dzaʼa snaŋta ya dzaʼa nzakway nda hafu.

Yuhwana 5:28

Tsaya a skwi ŋa ndərmimay ghuni wu, dzaʼa sagha sa fitik dzaʼa kəl inda gwal ma kulu ka snaŋtá lwa ni

1Kwa 15:23

Nda fitika ni nda fitika ni ta magakwa tsa fitika sliʼagapta ya. Kristi taŋtaŋa ni, ŋa sagha fitika ŋa gwal ta nzakway ka ŋa Kristi baɗu sagha dzaʼa sagha tsi.

1Kwa 15:42

Manda va tsaya dzaʼa nzakwa tsi nda gwal dzaʼa sliʼagapta ma mtaku guli. Sluʼuvgha lam lu da haɗik ná, ŋa rwutani. Sluʼuvgha dzaʼa sliʼagapta ná rwavata a wa.

1Kwa 15:50

Zwana ma ɗa, nana skwi ta mnə yu na ná, haɗ sluʼuvgha nda us dzaʼa laviŋtá lami da ga Mgham Lazglafta wa. Haɗ ya ta rwuta dzaʼa za həga ya kul rwuta guli wa.

1Tes 4:15

Na gwaɗa dzaʼa ŋni mnay ndanana ná, gwaɗa ya mna Mgham Yesu ya. Baɗu tsa fitik dzaʼa vragata tsi ya ná, tiŋlaghuta a amu ta ndiri ya ta gwal nda rwa wa.

2 Piyer 3:10

Nduk nda tsaya tani ná, dzaʼa sagha manda ghali tsa fitika Mgham Yesu ya. Ma tsa fitik ya dzaʼa nda sna lu ta ghudzagata skwi nda mbraku, ŋa zwaɗuta luwa gi rək. Ŋa driŋta vu ta inda skwi ta luwa, ŋa zwaɗuta ghəŋa haɗik nda inda skwi mida tani.

Suna Yuhwana 8:13

Tata nghay nghay yu, ka snə yu ta dzala ta zaghuta da ghuvaŋata luwa, kaʼa mantsa: « Ɗaŋwa! Ɗaŋwa! Ɗaŋwa ŋa mnduha ta ghəŋa haɗik ghudzagar vyata duhwalha Lazglafta hkən ta dula taŋ, dzaʼa vyata həŋ ya, » kaʼa.

Suna Yuhwana 8:2

Ka nghə yu ta duhwalha Lazglafta ndəfáŋ ta sladu ta kəma ni. Ka vlaŋta lu ta duliha ndəfáŋ guli ta həŋ.