1Kwa 15:50 - Hdi

⁵⁰ Zwana ma ɗa, nana skwi ta mnə yu na ná, haɗ sluʼuvgha nda us dzaʼa laviŋtá lami da ga Mgham Lazglafta wa. Haɗ ya ta rwuta dzaʼa za həga ya kul rwuta guli wa.

1Kwa 15:50 Mawu Ofanana

Mata 16:17

Ka Yesu nda tsi tama mantsa: « Simuŋ zwaŋa Zunas, nda tfa wi ta ghəŋa kagha, kabga mnda səla a ta mnaghatá tsa gwaɗa ya wu, Da ɗa ta nzakway ta luwa ya.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

La Ruma 2:7

Ŋa gwal ta gɗata ta maga skwiha ɗina ɗina ŋa mutsa glaku nda sgit, nda hafu ŋa kɗekedzeŋ ya, dzaʼa vlaŋ vla Lazglafta ta nzaku nda hafu ŋa kɗekedzeŋ ta həŋ.

1Kwa 1:12

Dagavapdaga kuni mataba ghuni. Wya tsa skwi ta mnə kuni ya: « Ŋa Pwal aŋni » ka sanlaha, « ŋa Apwalus aŋni » ka sanlaha, « ŋa Kefas aŋni » ka sanlaha, « ŋa Kristi aŋni, » ka sanlaha guli, na skwi ta mnə kuni.

1Kwa 15:42

Manda va tsaya dzaʼa nzakwa tsi nda gwal dzaʼa sliʼagapta ma mtaku guli. Sluʼuvgha lam lu da haɗik ná, ŋa rwutani. Sluʼuvgha dzaʼa sliʼagapta ná rwavata a wa.

1Kwa 15:44

Ka sluʼuvgha mnda səla nzakwa ni ta lamtá lu, ma sliʼagaptani mbəɗanaf mbəɗa Sulkum ta vgha ni. Ka si mamu sluʼuvgha mnda səla ya ná, mamu sluʼuvgha ta vlə Sulkum ya guli.

1Kwa 6:10

Nda gwal ta ghali, nda gwal ta haraʼu ta iri nda gwal ghuyaku, nda gwal ta kuslemberaku, nda gwal ta zlaʼuwa mndu ná, haɗ həŋ dzaʼa lami da ga mghama Lazglafta wu kəʼa ra?

1Kwa 6:13

« Skwa zay ná, ŋa huɗi a ra? Huɗi guli ná, ŋa skwa zay a ra? » ka kuni ta mnay guli. Tsaw nda skwa zay tani, nda huɗi tani, dzaʼa ɓadziŋ ɓadza Lazglafta ta həŋ his his. Sluʼuvgha ná, magaf a Lazglafta ŋa maga sliʼiŋsliʼiŋ nda tsi wa. Nda nza sluʼuvgha ŋa Mgham *Yesu, ta nzata Mgham Yesu ka ŋa sluʼuvgha.

1Kwa 6:9

Sna a kaghuni kazlay: Haɗ vla gwal ta ga dmaku ma ga mghama Lazglafta wu kəʼa ra? Ma nanə kuni ta ghəŋa ghuni. Ɗina ka snaŋta ghuni kazlay: Gwal ta ga sliʼiŋsliʼiŋ, nda gwal ta wuya skwi, nda gwal ta hliri, nda gwal ta hani zgun nda zgun, marakw nda marakw,

1Kwa 7:29

Wya skwi ta kum yu ta mnay zwana ma: Ta sira a fitik wu, daga ndanana, ka nza gwal nda marakw mista taŋ, manda gwal kul haɗ nda marakw.

2Kwa 5:1

Nda sna mu kazlay: Ka zliŋ zla lu ta na dumbi ta nzaku mu mida na katsi ná, dzaʼa bamaf ba Lazglafta ta sana həga ta luwa kəʼa. Ta ghəŋa vgha mu dzaʼa vlamata Lazglafta ŋa kɗekedzeŋ ta luwa ya ta gwaɗa yu ta tsa gwaɗa ya.

2Kwa 9:6

Wya skwi ŋa havapta ghuni: Ka sira a pghamta mndu ta hulfa ma vwah wu ná, sira a dzaʼa tskata tsi ta skwi ma tsa vwah ya guli wa. Ka dagala pghamta mndu ta hulfa ma vwah ná, dagala dzaʼa tskata tsi ta skwi ma tsa vwah ya guli.

Galat 3:17

Skwi ta kum yu ta mnay ná, dzraf dzra Lazglafta ta wi nda Abraham. Ka zatá lu ta vaku fwaɗ dərmək nda hkən mbsak. Tahula tsa kada sabi gwaɗa ta zlahu. Tsaya tama na, laviŋ a tsa zlahu ya ta ɓadziŋtá tsa dzratá wi dzraf Lazglafta nda Abraham ya wa. Laviŋ a ta ɓadziŋtá tsa imi tanaf Lazglafta ta sləməŋ ya guli wa.

Galat 5:16

Skwi ta mnaghunata yu ná, nzawa nza ta nzaku manda ya ta kum Sulkum. Ka mantsa ka kuni nzaku, haɗ kuni dzaʼa walglaŋta laghu maga skwi ta kum sluʼuvgha wu,

Afisus 4:17

Wya skwi ta mnaghunata yu. Ka ŋɗaŋɗa ta mnaghunata yu guli ma hga Mgham. Yaha kuni nzakugəltá nzaku manda gwal kul snaŋtá Lazglafta, ta ndana skwi dzaʼa kwal kul kataŋtá həŋ ya.

Kwalus 2:4

Kəl yu ka mna tsaya ná, yaha mndu da nanaghunafta nda gwaɗaha ka bətbət.

2Tim 4:18

Nda sna yu guli ná, dzaʼa katigipkata Lazglafta ma inda ghwaɗaka skwi. Dzaʼa katay ta iʼi ŋa lafa ɗa ta luwa da vla ga mghama ni. Ŋa ni glaku ŋa kɗekedzeŋ. *Amin!