1Kwa 15:45 - Hdi

⁴⁵ Manda ya nda vinda ma deftera Lazglafta na: « Adamu taŋtaŋa mnda səla vuslanam Lazglafta ta hafu. » Mahisa *Adamu ta nzakway ka *Kristi ya ná, ta luwa saha tsatsi, tsatsi ta vla hafu ŋa mnduha.

1Kwa 15:45 Mawu Ofanana

Zlrafta 2:7

Ka tsaftá Yawe, Lazglafta ta mndu nda gəninika haɗik, ka vuslanamtá tsi ta hafu nda ma htsiŋ, kəl mndu ka zlraftá nzakway nda hafu.

Yuhwana 1:4

Ma tsatsi zlrafta hafu. Tsa hafu ya ta nzakway ka tsuwaɗaka mnduha.

Yuhwana 10:10

Mndu ta ghali ná, ghali ŋa ni ta sagha da ghalay, ŋa dzata, ŋa zaɗanata. Iʼi ná, sagha sa yu ŋa mutsafta mnduha ta hafu ka haslay, ŋa nzakwa taŋ kul haɗ sana skwi ta pɗugudunustá həŋ.

Yuhwana 10:28

Ta vlaŋ vla yu ta hafu ŋa kɗekedzeŋ ta həŋ. Haɗ həŋ dzaʼa walaŋta zwaɗuta wu, haɗ mndu dzaʼa hlaptá həŋ ma dzva ɗa guli wa.

Yuhwana 14:19

Ta ɓats nzɗa ɗa, nghaŋta a mnduha ma ghəŋa haɗik ta iʼi wa. Kaghuni ya, dzaʼa nda ngha kuni ta iʼi, kabga ta nzaku nda hafu iʼi, dzaʼa nzata nda hafu kaghuni guli.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 4:10

Ka Yesu mantsa: « Ka má nda sna ka ta skwi ta kum Lazglafta ta vlaghata, nda mndu ya ta ɗawa imi ŋa say da kagha katsi ná, má kagha má dzaʼa ɗawa imi ŋa say, má ŋa vlaghatani ta imi ta vla hafu, » kaʼa nda tsi.

Yuhwana 4:14

ama mndu dzaʼa sa na imi dzaʼa vlaŋta yu na ná, walglaŋta a ndala ta kuzlaŋta wa. Tsa imi dzaʼa vlaŋta yu ya ná, dzaʼa nuna ka dzuɓay, ŋa mbəzagapta hafu ŋa kɗekedzeŋ mida, » ka Yesu nda tsi.

Yuhwana 5:21

Manda ya ta sliʼaganapta Da ta gwal nda rwa nda hafu ya, mantsa ya ta vlaŋta zwaŋ ta hafu ŋa mndu ta kum tsi.

Yuhwana 6:33

Tsa Buradi vlaga Lazglafta ya ná, tsa ta saha ta luwa ta vla hafu ŋa mnduha ta ghəŋa haɗik yeya, » kaʼa nda həŋ.

Yuhwana 6:54

Mndu ta za sluʼuvgha ɗa, ta sa usa ɗa, mamu hafu ŋa kɗekedzeŋ ma tsa mndu ya. Dzaʼa sliʼaganapsliʼa yu ta tsa mndu ya baɗu kɗakwa ghəŋa haɗik.

Yuhwana 6:57

Tsa Da ta ghunigihata ya ná, nda hafu mida. Nda tsatsi ta nzakwa iʼi nda hafu. Mantsa ya guli ka ta zay mndu ta iʼi, dzaʼa nza nza nda hafu.

Yuhwana 6:63

Sulkuma Lazglafta ta vla hafu, haɗ sana skwi laviŋ mnda səla ta magata wa. Na gwaɗa mnaghuna yu na ná, Sulkum nda hafu ya.

Yuhwana 6:68

Ka Simuŋ *Piyer mantsa: « Mghama ɗa! Da wa ta dzaʼa ŋni? Ya wana mamu gwaɗa hafu ŋa kɗekedzeŋ da kagha.

Slna gwal ghunay 3:15

Ka dzatá kuni ta mndu ya nda hafu da tsi. Tahula dzata ghuni, ka sliʼaganaptá Lazglafta mataba gwal nda rwa. Ma tsa sliʼagapta sliʼagap tsi ya ná, nda nza aŋni ka masləmtsəka ni.

La Ruma 5:17

Nda ma dmaku ga mndu turtuk lanaghata mtaku ta inda mndu. Ama nda ma mndu turtuk ta nzakway ka Yesu Kristi mutsafta mnduha ta zɗakatahuɗi katakata da Lazglafta. Ka mbalay vlaŋta tsi ta tsa zɗakatahuɗa ni ya ta həŋ, ka klaftá tsi ta həŋ ka gwal tɗukwa ta wa ira ni nda ma Yesu Kristi, ŋa mutsafta taŋ ta hafu ŋa kɗekedzeŋ, ŋa zay taŋ ta mgham kawadaga nda tsi guli.

La Ruma 5:21

Manda va nzakwa gay dmaku ta mgham nda ma mtaku ya ná, manda va tsaya ta ga zɗakatahuɗa Lazglafta ta mgham nda ma nzaku tɗukwa ŋa mutsa hafu ŋa kɗekedzeŋ nda ma Yesu Kristi Mghama mu.

La Ruma 8:2

kabga mbrakwa Sulkum nda ghuɓa ta vlamatá hafu nda ma Yesu Kristi ta ga mgham ta ghəŋa iʼi. Mbrakwa tsa Sulkum nda ghuɓa ya ta klaptá iʼi ma mbrakwa dmaku nda ŋa mtaku tani.

1Kwa 15:46

Tsa ka Sulkum ya a taŋtaŋa ni wu, tsa ka mnda səla yeya, kada saha tsa ka Sulkum ya.

Filip 3:21

Saha ni dzaʼazlay ná, ŋa mbəɗanaftani ta na vgha mu kul haɗ ghəzliwa ni na, ka ŋlanafta manda ŋa ni, nda mbraku ya kəl tsi ka nzanaghatá inda skwi, dzaʼa maga tsi.

Kwalus 3:4

Vərɗa hafa ghuni ná, Kristi ya. Baɗu da zlagapər tsi, dzaʼa zlagaku kaghuni guli kawadaga nda tsi. Tekw kaghuni ma glakwa ni dzaʼazlay.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Suna Yuhwana 16:3

Ka pghadatá mahisa duhwala Lazglafta ta ŋa ni ma leghwa ɓasata ŋuɗuf da drəf. Ka nuta drəf manda usa mndu nda mta. Ka rwuta inda skwi nda hafu ma drəf.

Suna Yuhwana 21:6

Kaʼa nda iʼi guli mantsa: « Nda kɗa tama! Iʼi zlrafta ni nda kɗavakta ni, iʼi nahani nda kwanaha ni. Mndu ya kuzlaŋta ndala, dzaʼa vlaŋ vla yu ta dzuɓaya imi ta vla hafu ka mbalay.

Suna Yuhwana 22:1

Tahula tsa, ka marihatá tsa duhwala Lazglafta ya ta ghwa ima ta vla hafu, ta wuɗaku manda dalagar, ta mbəzagapta ma dughurukwa i Lazglafta nda Zwaŋa Tuwak,

Suna Yuhwana 22:17

Ka i Sulkum nda makwamidzi mantsa: « Sagha sa, » ka həŋ. Ka inda mndu ya ta snay guli mantsa: « Sagha sa, » kaʼa. Mndu ya ta kuzlaŋta ndala, ka sawi tsi da sa ima hafu, dzaʼa vlaŋ vla lu ka mbalay.