1Kwa 15:27 - Hdi

²⁷ Wya ka lu vindafta ma deftera Lazglafta: « Dzaʼa niŋ na Lazglafta ta inda skwi ka skwa ta diŋlay səla ni. » Tsa mnay mnə lu kazlay: Dzaʼa niŋ na ta « inda skwi » ka skwa ta diŋlay səla ni kəʼa ya ná, nda tsala. Haɗ tsa mndu ta vlaŋtá mbraku ta ghəŋa inda skwi ya mida wa.

1Kwa 15:27 Mawu Ofanana

Danyel 7:14

Ka vlaŋtá lu ta mbraku, nda sgit, nda ga mgham. Ka lagha inda mnduha ma mndəra mnduha, ta inda haɗikha ta gwaɗa inda gwaɗaha kavghakavgha, da tsəlɓanatá tsəlɓu. Tsa ga mghama ni ya ná, ga mgham ya ta gɗavata ŋa ɗekɗek ya, haɗ ta a kɗavakta ni guli wa, haɗ lu dzaʼa walaŋta zaɗanatá ga mghama ni wa. »

Mata 11:27

« Da ɗa ta vliha ta inda skwi. Haɗ sana mndu nda sna ta Zwaŋ wa, ba Da yeya nda sna. Haɗ sana mndu nda sna ta Da guli wa, ba Zwaŋ yeya nda sna, nda mndu ta kum Zwaŋ ta maranata, » kaʼa.

Mata 28:18

Ka gavadaghatá Yesu, kaʼa nda həŋ mantsa: « Inda mbraku ta luwa nda ya ta haɗik tani ná, vliha vla lu.

Yuhwana 13:3

Nda sna Yesu ka ghəŋa ni kazlay: Sa daga da Lazglafta yu, dzaʼa vru da Lazglafta yu kəʼa. Nda sna guli kazlay: Fanam fa Lazglafta ta inda skwi ma dzva ni kəʼa.

Yuhwana 3:35

« Ɗvu ɗva Da ta Zwaŋ, ka fanamtá tsi ta inda skwi ma dzva ni.

Afisus 1:20

Nda tsa mbrakwa ni ya sliʼaganapta tsi ta Kristi ma mtaku ka nzanata nda ga zeghwa ni ta luwa ŋa vlaŋtá glaku.

Afisus 1:22

Ka vlaŋtá Lazglafta ta ga mgham ta ghəŋa inda skwi. Ma tsa nzakwa ni ka mali ta ghəŋa inda skwiha ya, ka fata tsi guli ŋa nzaku ka ghəŋ ta ghəŋa Igliz.

Hebru 1:13

Ta walaŋ a Lazglafta ta mnanatá ya dər turtuk mataba duhwalha ni kazlay: « Sawi nzata nda ga zeghwa ɗa, dzaʼa pgha pgha yu ta ghumaha gha ŋa nzakwa taŋ ka skwata pgha səlaha gha » kəʼa wa.

Hebru 10:12

Ama Yesu Kristi ná, turtuktuk vlata tsatsi ta ghəŋa ni ŋa pla ghəŋ ŋa hərɗiŋta ɗekɗek ta dmakwa mnduha. Tahula tsa, ka nzatá tsi nda ga zeghwa Lazglafta.

Hebru 2:8

Ka vlaŋtá ka ta ga mgham ta ghəŋa inda skwi demdem, » kaʼa. Ka vlaŋtá Lazglafta ta ga mgham ta ghəŋa inda skwi, ka lu ya ná, haɗ sana skwi kul haɗ tsi ta ga mgham ta ghəŋa ni nda tsaya wa. Aŋ mndani, ta ngha a mu karaku kazlay: Ta gay mndu ta mgham ta ghəŋa inda skwi kəʼa wa.

1 Piyer 3:22

Vraghu vra Yesu Kristi ta luwa, ta nzaku nda ga zeghwa Lazglafta, ta ga mgham ta ghəŋa duhwalha Lazglafta, nda inda sanlaha ma skwiha nda mbra nda mbra.

Suna Yuhwana 1:18

iʼi hafu. Si nda mta yu, ama nda hafu yu ndana ŋa kɗekedzeŋ. Ma dzva ɗa ŋanata yu ta makuɓla mtaku nda həga mtaku tani.