1Kwa 15:19 - Hdi

¹⁹ Ka ŋa na nzakwa amu ndanana kweŋkweŋ fata mu ta ghəŋ ma Kristi katsi ná, nda nza mu ka gwal ta ksaku ka hiɗahiɗa katakata mataba inda mnduha.

1Kwa 15:19 Mawu Ofanana

Mata 24:9

« Dzaʼa vla vla lu ta kaghuni ma dzvu ŋa mnduha, ŋa gaghunaptá iri. Dzaʼa psla psla lu ta kaghuni guli. Dzaʼa husaŋ husa kuni ta inda mndəra mnduha ta ghəŋa haɗik kabga gwaɗa ta iʼi.

Lukwa 21:34

« Ɗaswa ka kuni da laghu kuni dzamtá ghəŋ ma skwi ŋa zay nda za, nda skwi ŋa say nda sa, nda ndana nzaku ma ghəŋa haɗik, da sagha tsa fitika sagha *Zwaŋa mndu ya ksaghunaghata dluk.

Lukwa 8:14

Sanlaha ma mnduha guli ná, manda hulfa ta rkamta da teki ya həŋ, snaŋta taŋ ta gwaɗa Lazglafta ka laghu həŋ da ndana nzaku ma ghəŋa haɗik nda zba gadghəl nda ndana zba skwi ta haraʼuwa iri, mantsa tama, mbaɗa tsa skwiha ya ka raghwa tsa gwaɗa ya, ka niŋta həŋ ka ksubaŋ.

Yuhwana 16:2

Dzaʼa taliŋ tala lu ta kaghuni ma həga tagha skwa la *Yahuda. Tsa yeya a va ni wu, ta sagha sa fitik dzaʼa kəl mnduha dzaʼa pslatá kaghuni ka ndanay kazlay: Na skwi maga mu na ná, maga maga mu ta skwi ta zɗəganatá Lazglafta kəʼa.

Yuhwana 16:33

Managhuna mana yu ta inda tsaha ya, kabga ŋa mutsafta ghuni ta zɗaku ma nzakwa guyata vgha ghuni nda iʼi. Dzaʼa ghuyay mnduha ta ghəŋa haɗik ta ɗaŋwa ŋa ghuni. Ka nzata kuni drusa. Iʼi, ghuɓasap ghuɓasa yu ta mbrakwa na ghəŋa haɗik na, » kaʼa.

Slna gwal ghunay 14:22

Ka vlaŋtá həŋ ta mbraku ta tsa gwal zlghay nda ŋuɗuf ya, ŋa dihavata taŋ ma zlghay nda ŋuɗufa taŋ. « Nda ma ghuya ɗaŋwa kavghakavgha dzaʼa lama lu da ga mghama Lazglafta, » ka həŋ, nda həŋ.

1Tes 1:3

Ta gɗa gɗa ŋni guli ta havakta ta kəma Lazglafta Da ŋni ta slna zlghay nda ŋuɗufa ghuni, nda yifatá slna ta mag kuni, kabga ɗvafta ya ɗvaf kuni nda dihata fatá ghəŋa ghuni ta Mgham *Yesu *Kristi.

2Tim 1:12

Ta ghəŋa tsaya ta kəl yu ka ghuya na ɗaŋwa na. Ama ksa a hula ni ta iʼi wu, kabga nda sna yu ta mndu ya faf yu ta ghəŋ tida. Graf gra yu guli kazlay: Mamu tsatsi nda mbraku, ŋa ŋanatá tsa Lfiɗa Gwaɗa faɗim tsi ma dzvu ya ha ka sagha fitika tsa guma kəʼa.

2Tim 2:4

Ka ta ga sludzi mndu katsi, haɗ ta laghu da famtá ghəŋa ni manda ya ta mag hamata mnduha, ka ta kumay tsi ta zɗanaftá ŋuɗufa mala ni wa.

2Tim 3:12

Nziya nza tsi, inda gwal ta kuma nzaku manda ya ta kum Lazglafta ma ndiʼatá vgha nda *Yesu *Kristi ná, dzaʼa Ganap ga lu ta iri ta həŋ.

1 Piyer 1:21

Nda ma tsatsi zlghafta kuni ta Lazglafta ya ta sliʼaganapta ma mtaku mataba gwal nda rwa, ka vlaŋtá glaku. Tsaya kəl kuni ka zlghafta, ka faftá ghəŋa ghuni ta Lazglafta.

Suna Yuhwana 14:13

Ka snaŋtá yu ta sana lwi ta gwaɗagata ta luwa. Kaʼa mantsa: « Vinda! Daga ndana ná, “Rfu da gwal ta rwuta ma slna Lazglafta,” kaʼa. “Mantsa nzakwa ni, kada mbiʼa həŋ ta vgha ma slnaha taŋ, kabga ta dzaʼa mista taŋ slnaha taŋ,” » ka Sulkum.