Ka tsəlɓatá tsi, ka gwaɗata nda lwi dagala. Kaʼa mantsa: « Mghama ɗa, ma mbəɗanaf ka ta həŋ ta na dmaku na, » kaʼa. Tahula mnata ni ta tsaya, ka sab hafu sref mida.
Tahula tsa guli, ka maranaŋtá tsi ta ghəŋa ni ta zwana ma ta malaghutá hutaf dərmək ta fitik turtuk. Ta mal gwal ta ndiri ndanana mataba taŋ, rwavaghu rwa sanlaha.
Na gwaɗa dzaʼa ŋni mnay ndanana ná, gwaɗa ya mna Mgham Yesu ya. Baɗu tsa fitik dzaʼa vragata tsi ya ná, tiŋlaghuta a amu ta ndiri ya ta gwal nda rwa wa.
Baɗu tsaya, dzaʼa ghudzaga ghudzaga lwa Lazglafta, ŋa kapaŋta mali ta ghəŋa duhwalha ni ta lwi, ka vyatá dula Lazglafta, ŋa saha Mghama mu Yesu ka ghəŋa ni ta luwa, ŋa sliʼagapta gwal nda rwa ma *Kristi karaku taŋtaŋ,
Ka snaŋtá yu ta sana lwi ta gwaɗagata ta luwa. Kaʼa mantsa: « Vinda! Daga ndana ná, “Rfu da gwal ta rwuta ma slna Lazglafta,” kaʼa. “Mantsa nzakwa ni, kada mbiʼa həŋ ta vgha ma slnaha taŋ, kabga ta dzaʼa mista taŋ slnaha taŋ,” » ka Sulkum.
