1Kwa 14:6 - Hdi

⁶ Zwana ma ɗa, ka sna a kuni ta skwi snaghunam yu, ka sna a kuni ka lwa Lazglafta klədaghunagha yu, ka sna a kuni ta skwi taghaghunaf yu wu, nu dzaʼa kataghunafta lagha ɗa da kaghuni, ka mnay ɗa ta gwaɗa nda kaghuni nda sanlaha ma gwaɗaha, ka sna a kuni ta kligiŋta ɗa ta ɗifatá skwa Lazglafta na?

1Kwa 14:6 Mawu Ofanana

Mata 11:25

Ma va tsa fitik ya, ka *Yesu mantsa: « Ta rfay yu ta kagha Da, Mghama luwa nda haɗik tani, kabga ɗifana ɗifa ka ta na skwiha na da gwal nda ɗifil ma ghəŋa taŋ, nda gwal nda sna ta skwi, ka maranatá ka ta zwani.

Mata 16:17

Ka Yesu nda tsi tama mantsa: « Simuŋ zwaŋa Zunas, nda tfa wi ta ghəŋa kagha, kabga mnda səla a ta mnaghatá tsa gwaɗa ya wu, Da ɗa ta nzakway ta luwa ya.

Mata 16:26

Tsa lagha mndu ka mutsaftá na ghəŋa haɗik na demdem ka ŋa ni, ka nda zaɗa hafa ni ní, nu dzaʼa ghəzlanata tsi na? Ari mamu a skwi dzaʼa laviŋta mndu ta varatá hafa ni nda tsi na?

Slna gwal ghunay 2:42

Inda tsa mnduha ya ná, ta gɗata ta ŋavata ka sna skwi ta tagh gwal ghunay həŋ. Ta ŋava ŋa həŋ ka guya vgha nda zwana ma. Ta ŋava ŋa həŋ guli ka guya ghəŋ ta ghəŋa skwa zay, nda ya ma vla maga duʼa.

La Ruma 15:14

Zwana ma ɗa, graf gra iʼi ka ghəŋa ɗa kazlay: Nda fa vgha ghuni ŋa maga skwi ɗina, nda sna kuni ta inda skwi ya nda ra ka snaŋta, nda sna kuni ta tva vluvtá hiɗaku kəʼa.

La Ruma 16:17

Zwana ma ɗa, wyawa dzvu, ɗaswa ka kuni nda gwal ta kladamtá daga vgha da taba ghuni ya, nda nza həŋ ka tuthun, ta irna həŋ nda tsa tagha skwi taghaf kuni ya, tsaghwa vgha nda həŋ.

La Ruma 6:17

Rfama ta Lazglafta! Ghalya si nda nza kuni ka vuʼa dmaku. Ndanana, sna sna kuni nda inda ŋuɗufa ghuni ta dughwaŋa skwi ya ta taghu lu ŋa inda mnduha demdem, ka taghaftá kuni.

1Kwa 10:33

Magawa maga manda ŋa ɗa ta maga inda skwi ŋa zɗəganatá inda mndu ya. Zba a iʼi ta maga skwiha dzaʼa katihata wu, skwiha ya dzaʼa kataŋtá ndəghata sanlaha ta mag yu, ŋa mutsafta taŋ ta mbaku.

1Kwa 14:1

Ŋavawa ŋa ka zba ɗvutá mndu, mamawa mbraku ya ta vlə Sulkum guli. Katkata ni ta ghəŋa kla lwa Lazglafta.

1Kwa 14:7

Ka gragra nzakwa ni nda hamata skwiha ta kəl lu ka skalu: Manda siŋlak nda htimbil. Ka sab a lwa ni nda tva ni ná, waká lu dzaʼa snaŋta kazlay: Mndərga ya skwi ya tsa vyagap lu, ka dzagap lu a tsi kəʼa na?

2Kwa 11:6

Aŋ mndani, pərɗaf a yu ta snaŋtá gwaɗa wu, ama nda sna yu ta skwi ta gwaɗ yu. Ma inda skwi mag ŋni ná, maraghuna mara ŋni dər nda ta tva wati ma skwi tsi.

2Kwa 12:1

Nda nza tkweʼ ka ghərɓay ɗa ta ghərɓaku dər ra a tsi. Ndanana tama, dzaʼa gwaɗa yu ta ghəŋa skwi mariɗiŋ Mgham ka snaɗimta.

2Kwa 12:7

Kada kwala yu ta ghərɓaku ta ghəŋa tsa skwa ndərmimay katakata mariha Lazglafta ya ná, ka faɗimtá lu ta mbraz ma vgha ta nzakway manda duhwala halaway ghunaf lu ŋa dzadzuɗusta, ŋa pyaftá iʼi ka ghərɓaku.

Afisus 1:17

Tsatsi ná, Da dagala ya. Ŋa ni ta maganata Mghama mu Yesu Kristi ta slna. Da tsi ta ndəɓa yu ta dzvu ka vlaghunata tsi ta ɗifil dzaʼa kəl kuni ka laviŋtá snaŋtá vərɗa tsatsi.

Afisus 3:4

Ka dzaŋafdzaŋa kuni katsi ná, dzaʼa nda sna kuni kazlay: Nda sna yu ta ɗifatá skwa Lazglafta ta nzakway ka Kristi kəʼa.

Filip 3:15

Mantsa ya skwi ŋa ndanay amu gwal nda ndəha ta tva Lazglafta. Ka haɗ kuni ta nzaku manda tsaya wu, dzaʼa tsalaghunaptsala Lazglafta.

2Tim 2:14

Havanakhava ta tsa skwiha ta mnaghata yu ya ta sanlaha. Mnana mna ta həŋ ta kəma Lazglafta, ka zlaŋta həŋ ta zlərɗa wi ta ghəŋa gwaɗaha. Haɗ sana skwi ta kataŋta tsa zlərɗa wi ya ta mndu wu, ta ghəŋa zaɗiŋtá gwal ta snay yeya katək ta zaɗiŋta tsi.

2Tim 3:10

Ama kagha, ksaf ksa kagha ta skwi ta tagh yu, nda tva nzakwa ɗa, nda klatá ghəŋa slna ta mag yu, nda tva zlghay nda ŋuɗufa ɗa, nda ksa ŋuɗuf ta ksə yu, nda ya ka yu ta ɗvutá mnduha, nda ya ka yu ta gɗavata. Nda sna kagha guli

2Tim 3:16

Inda skwi nda vinda ka gwaɗa Lazglafta ná, Lazglafta ta mnafta. Ɗina ŋa tagha kahwathwata, ŋa ɗagiŋtá krughuvi, ŋa payaftá mndu, ŋa taghanaftá nzaku tɗukwa ta mndu,

2Tim 4:2

mna ta gwaɗa Lazglafta, ka gɗata ka ta vrafta tida, dər ma fitika ni tsi, dər ma fitika ni a tsi wu. Zlaha ta gwal ta maga ghwaɗaka skwi, dva ta həŋ, vla ta mbraku ŋa taŋ, hbatá ŋuɗuf ka tagha ka ta skwi ŋa taŋ,

Titus 3:8

Vərɗa skwi na gwaɗa ta mnə yu na. Ka gɗata ka ta mna tsa gwaɗa ya ka ŋɗaŋɗa ŋa mnduha, kada maga gwal zlghay nda ŋuɗuf ta ŋərma skwiha inda fitik. Tsaya vərɗa skwi ta kata mnduha.

Hebru 13:9

Ɗasuwa ka kuni, yaha sana ghwaɗaka tagha skwiha kavghakavgha da sagha da ghəŋa ghuni. Zɗakatahuɗa Lazglafta na skwi ta mbranaftá ŋuɗufa mndu. Tagha skwi kavghakavgha ta ghəŋa za skwa zay a wa. Gwal ta ksa tva mndərga tsa tagha skwi ya ná, haɗ ta kata həŋ wa.

2 Piyer 1:5

Mantsa ya tama, ŋavawa ŋa ka sganaghata kuni ta ghəŋa zlghay nda ŋuɗufa ghuni ta nzaku ɗina. Ta ghəŋa nzaku ɗina, ka sganaghata kuni ta snaŋtá skwi.

2 Piyer 3:18

Ama gɗavawagɗa ta dzaʼa ta kəma ta kəma ma snaŋtá Mghama mu Yesu Kristi mnda mba amu, ŋa vlaghunata ni ta zɗakatahuɗa ni. Ŋa ni glaku, daga ndanana nda ya ŋa kɗekedzeŋ. *Amin!

2 Yuhwana 1:9

Dər wati ma mndu ta kwal kul ŋanatá tagha skwa Kristi, ka tsanaghatá ŋa ni nda tsa, ta ndiʼa a nzakwa ni nda Lazglafta wa. Ala ka gɗava gɗa mndu ma tagha skwi taghanaf Kristi katsi ná, nda ndiʼa nzakwa tsa mndu ya nda Da mu Lazglafta nda ya nda Yesu Kristi Zwaŋa ni.

1Sam 12:21

Ma mbəɗaghu kuni ta vgha, ka dzaʼa mista skwiha ka bətbət kul haɗ dzaʼa kataghunata, nda ya dzaʼa kwal kul mbaghunafta, kabga skwiha bətbət həŋ.