1Kwa 13:13 - Hdi

¹³ Ndanana ná, mamu skwiha hkən ta gɗavata: Mamu zlghay nda ŋuɗuf, nda faftá ghəŋ, nda ɗvu, ama ya ta hemanatá tsa skwiha ya ná, ɗvu ya.

1Kwa 13:13 Mawu Ofanana

Lukwa 10:27

« Ka ɗvuta ka ta Mgham Lazglafta gha nda kɗavakta ŋuɗufa gha, nda kɗavakta hafa gha, nda kɗavakta mbrakwa gha, nda kɗavakta ndana gha guli, ka ɗvuta ka ta mnda səla manda va ghəŋa gha kəʼa, » kaʼa nda tsi.

Lukwa 22:32

Tsaw maga maga yu ta duʼa ta ghəŋa gha, kada kwala zlghay nda ŋuɗufa gha htuta ɗekɗek. Baɗu vragaghuta gha da iʼi ya, ka mba ka ta zwana ma gha, » ka *Yesu.

La Ruma 15:13

Lazglafta ná, Lazglafta ta vla faftá ghəŋ ya. Ka vlaghuna vla tsi ta rfu nda zɗaku ma zlghay ghuni nda ŋuɗuf, kada nzata kuni nda fata ghəŋ nda ma mbrakwa Sulkum nda ghuɓa.

1Kwa 14:1

Ŋavawa ŋa ka zba ɗvutá mndu, mamawa mbraku ya ta vlə Sulkum guli. Katkata ni ta ghəŋa kla lwa Lazglafta.

1Kwa 16:14

Ma inda skwi ta mag kuni, ka maga kuni nda ɗvutá mndu.

1Kwa 3:14

Ka driŋ a vu ta slna tsa mndu ta tughwa ni ya wu katsi, dzaʼa mutsay ta nisəla ni.

1Kwa 8:1

Skwi ya dzaʼa yu gwaɗay ndana, dzaʼa gwaɗay yu ta ghəŋa sluʼa skwa wuyay. Manda va ya mnə kuni kazlay: Nda sna mu ta inda skwi kəʼa ya ná, manda va tsaya nzakwa ni. Ama tsa snaŋta skwa mu ya ná, ta vlamata gla ghəŋ. Ɗvuvusta vgha skwi dzaʼa kla amu ta kəma ta kəma.

1Kwa 8:3

Ka ɗvu ɗva mndu ta Lazglafta katsi, tsa mndu ya ná, nda sna Lazglafta ta tsatsi.

2Kwa 5:10

Inda amu demdem ná, dzaʼa lagha la mu ta kəma *Kristi ŋa tsamaghatá guma, ŋa zlghay inda mndu ta nisəla slna ni ya maga tsi ma nzakwa ni ta ghəŋa haɗik. Ka ɗina slna ni maga tsi, dzaʼa zlghay ta nisəla ni, ka ɗina a slna ni maga tsi wu dzaʼa zlghay ta nisəla ni guli.

2Kwa 5:15

Mtu mta ta ghəŋa inda mndu, kabga yaha gwal ta nda hafu da nzaku gaghəŋ gaghəŋa taŋ, ŋa nzay taŋ ta nzaku ya ta zɗəganata. Ka ŋa taŋ mtuta tsi, ka sliʼaganaptá Lazglafta.

Galat 5:6

Ka nda ndiʼa mndu nda *Yesu Kristi katsi, dər nda tsa fafaɗa ni, dər tsa a tsi wu, haɗ ghəzliwa ni wa. Zlghafta nda ŋuɗuf, ka mara tsa zlghay ya nda ma ɗvutá sanlaha vərɗa skwi.

Filip 1:9

Wya skwi ta mag yu ta duʼa da Lazglafta ta ghəŋa ghuni: Ka dzaʼa kuni ta kəma ta kəma nda ɗvutá sani nda sani. Tsaya dzaʼa kəl kuni ka snaŋtá skwi ɗina, ŋa snaŋta ghuni ta dganatá ŋərma skwi nda skwi kul ɗinaku,

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

Kwalus 1:5

Kəl kuni ka maga tsaha ya ná, nda fa ghəŋa ghuni ta ŋərma skwi payaghunaf Lazglafta ta luwa. Tsaya zɗakwa gwaɗa ya mnaghuna lu daga taŋtaŋ, ta nzakway ka *Lfiɗa Gwaɗa kahwathwata snaŋ kuni, ka faftá kuni ta ghəŋ tida.

Kwalus 3:14

Ya ta malapta katək ná, ɗvuvusta ghuni ta vgha ghuni. Tsa ɗvuvustá vgha ya ta nzakway ka tɓaŋ ta ŋərzlaghunata.

1Tes 1:3

Ta gɗa gɗa ŋni guli ta havakta ta kəma Lazglafta Da ŋni ta slna zlghay nda ŋuɗufa ghuni, nda yifatá slna ta mag kuni, kabga ɗvafta ya ɗvaf kuni nda dihata fatá ghəŋa ghuni ta Mgham *Yesu *Kristi.

1Tes 5:8

Amu ya, gifitik ta mbaɗa amu ta mbaɗa. Zlaha ma vgha mu. Klafma zlghay nda ŋuɗuf nda ɗvu ka nzakwa həŋ manda suɗatá lguta kfur ŋa wara nda tsi. Fafma ghəŋa mu ta mbaku manda fatá takazak ma ghəŋ.

1Tim 1:5

Klatá ghəŋa tsa gwaɗa ta mnaghata yu ya ná, tsaya sliʼanaftá ɗvu ya ta sabi ma ŋuɗuf ya nda ghuɓa, nda vərɗa ndanu kul haɗ sana dga ghəŋ, nda vərɗa zlghay nda ŋuɗuf.

2Tim 1:7

Sulkum ya vlama Lazglafta ná, ŋa zɓukwa vgha a wa. Katək ná, ta mbrə nda mbra ta amu. Ta vlama vla ta ɗvu nda ksanatá ghəŋ.

Hebru 10:35

Mantsa tama, ŋavawa ŋa ka dzaʼa kuni ta kəma ta kəma nda fata ghəŋa ghuni ta Lazglafta. Ka ŋava ŋa kuni, dzaʼa mutsay kuni ta nisəla ghuni dagala.

Hebru 10:39

Amu ná, nza a amu tekw mataba gwal ta vru nda hul ŋa zaɗiŋtá ghəŋa taŋ ya wa. Ama nda nza amu tekw mataba gwal ta zlghafta ta dzaʼa mutsa mbaku ya.

Hebru 6:11

Ndanana ná, ta kumay ŋni ta ŋavata inda kaghuni nda fata ghəŋ ta skwi ya faf kuni ta ghəŋ tida ha ka kɗavakta ni.

Hebru 6:19

Tsa skwi faf mu ta ghəŋ tida ya ná, nda nza manda skwa sladanatá kwambalu ma nzakwa mu. Kahwathwata dihata ni haɗ skwi ta gigɗaŋta wa. Zlaganap zlaga ta zlala ka ɓhadamta da vla nzakwa Lazglafta.

1 Piyer 1:21

Nda ma tsatsi zlghafta kuni ta Lazglafta ya ta sliʼaganapta ma mtaku mataba gwal nda rwa, ka vlaŋtá glaku. Tsaya kəl kuni ka zlghafta, ka faftá ghəŋa ghuni ta Lazglafta.

1 Yuhwana 2:10

Ala ka ta ɗvay mndu ta zwaŋama ni katsi, nda nza nzakwa tsa mndu ya ma tsuwaɗak, haɗ sana skwi dzaʼa sabi da tsi ŋa zləmbiŋtá mndu wa.

1 Yuhwana 2:14

Kaghuni zwani, ka yu ta vindaghunafta na: « Nda sna kaghuni ta Da mu Lazglafta. » Kaghuni dadaha, ka yu ta vindaghunafta na: « Nda sna kaghuni ta tsa mndu ta nzakway daga ta kul zlraftá inda skwi ya. » Kaghuni duhwalha, ka yu ta vindaghunafta na: « Nda mbra kaghuni, nzam nza gwaɗa Lazglafta ma kaghuni, ka ghuɓasaptá kuni ta halaway. »

1 Yuhwana 2:24

Kaghuni, ŋanawa ŋa ta tsa skwi snaŋ kuni daga zlrafta ghuni ta zlghaftá gwaɗa Lazglafta ya. Ka ŋana ŋa kuni ta tsa skwi snaŋ kuni daga zlrafta ghuni ta zlghaftá gwaɗa Lazglafta ya katsi, dzaʼa gɗava gɗa nzakwa ghuni kawadaga nda Zwaŋ nda Lazglafta guli.

1 Yuhwana 3:3

Ka si mantsa tsi katsi, inda mndu ta faftá ghəŋa ni ta Kristi ná, dzaʼa waray ta ghəŋa ni da dmaku manda ŋa Kristi kul gatá dmaku ya.

1 Yuhwana 3:9

Dər wati ma mndu ta nzakway ka Zwaŋa Lazglafta, haɗ ta ga dmaku wu, kabga mamu Sulkuma Lazglafta ma ŋuɗufa ni. Haɗ ta kɗaŋtá maga dmaku ɗekɗek wu, kabga nda nza Lazglafta ka Da ni.