1Kwa 13:12 - Hdi

¹² Ndanana ná, manda ngha vli ma dalagar zwətzwət ya ta ngha mu, ta kəma dazlay, mbəŋ ya mbəŋ ya dzaʼa nghaŋta mu. Ndanana ná, kiʼa kiʼa snaŋta yu ta skwi, ta kəma dazlay, dzaʼa nda sna yu ta inda skwi nekwnekw manda snaŋta Lazglafta ta iʼi ya.

1Kwa 13:12 Mawu Ofanana

Zlrafta 32:30

Ka Yakubu mantsa: « Kdəkkdək mniha mna, wa hga gha na? » kaʼa. « Kabgawu ta ɗawa ka ta hga ɗa na? » kaʼa. Ka tfanaghatá tsi ta wi ta Yakubu hada.

Sabi 33:11

Mantsa tama, ka gwaɗ Yawe ta gwaɗa nda Musa kuma nda kuma manda ya ta gwaɗ mndu ta gwaɗa nda gra ni. Tahula tsa, ŋa vraghuta Musa da ghuɓu, ama slufa ni Yəhusuwa ka galaɓay, zwaŋa Nuŋ ya haɗ ta zlaŋta nzatá ma tsa tumpul ya wa.

Mbsak 12:8

Kuma nda kuma ta gwaɗa yu ta gwaɗa nda tsi, baŋluwa, ŋa uwalay nda uwala a wu, nda ngha ta tsatá Yawe. Waká kuni kuratá raza kwalva ɗa Musa na? » kaʼa.

Mata 18:10

« Ɗasuwa ka kuni da hərtətatá kuni ta ya dər turtuk mataba tsəna zwani na. Ka yu ta mnaghunata ná, duhwalha Lazglafta ta gɗata ta ngha kuma Da ɗa ta nzakway ta luwa ta ngha həŋ. [

Mata 5:8

Rfu da gwal hezleʼ a ŋuɗufa taŋ, kabga dzaʼa nghaŋ ngha həŋ ta Lazglafta.

Yuhwana 10:15

manda va ya snaŋ Da ta iʼi ya, iʼi guli ná, nda sna yu ta Da, nda fa vgha ɗa guli ŋa tuwakha ɗa.

La Ruma 8:18

Graf gra yu kazlay: Nana ghuya ɗaŋwa ta ghuy mu na ná, haɗ lu dzaʼa walaŋta gray nda tsa glaku dzaʼa maramaŋta Lazglafta ya wu kəʼa.

1Kwa 13:11

Ma ga zwaŋa ɗa ná, ka zwanzwani ka yu ta gwaɗa, ka zwanzwani ka yu ta ndanu, ka zwanzwani ka yu ta magaku. Ma glata iʼi, ka pghiŋtá yu ta má zwanzwani.

1Kwa 8:3

Ka ɗvu ɗva mndu ta Lazglafta katsi, tsa mndu ya ná, nda sna Lazglafta ta tsatsi.

2Kwa 3:18

Amu demdem, bukwa a kuma mu wa. Manda dalagar ya ta wuɗakwa glakwa Mgham Yesu ta amu. Mgham Yesu ta nzakway ka Sulkum ya ta mbəɗanafta ka nanafta manda va tsatsi, ka kla amu ta kəma ta kəma ma tsa glakwa ni ta malaghuta ya.

2Kwa 5:7

Ta ngha a mu nda iri karaku wa, nzakwa zlghay nda ŋuɗuf ta nzə mu.

Filip 3:12

Mna a iʼi kazlay: Nda ghada kɗanakta ɗa kəʼa wa. Mna a iʼi kazlay: Slaf sla iʼi kəʼa guli wa. Ta ghəŋa ŋavata ka dzaʼa ta kəma ta kəma kada kɗanakta yu ta ksamta da dzva ɗa yeya ŋa ɗa ta magay, kabga nda na yu ka ŋa *Yesu *Kristi.

Yakubu 1:23

Ka lagha mndu ka snaŋtá gwaɗa kul ksa slna nda tsi ná, ka guram tsa mndu ya nda mndu ya ta ngha tsata vgha ni ma dalagar.

1 Yuhwana 3:2

Zwana ma ɗa, daga ndanana zwana Lazglafta amu. Nziya nza tsi, tsa nzaku ká mu dzaʼa nzakway ta kəma ya ná, ta ma ɗifa karaku. Tsaw nda sna amu kazlay: Baɗu vragata dzaʼa vragata Kristi ná, dzaʼa nzakway amu manda tsatsi kəʼa, kabga dzaʼa nda ngha mu ta nzakwa ni.

Suna Yuhwana 22:4

Dzaʼa nghaŋ ngha həŋ ta kuma ni, dzaʼa mamu hga ni ma bizlbizla kuma taŋ guli.