1Kwa 12:6 - Hdi

⁶ Ta traku tva magay mnduha ta slnaha kavghakavgha, ama va tsa Lazglafta turtuk ta maga inda ni ma inda mndu.

1Kwa 12:6 Mawu Ofanana

Yuhwana 5:17

Ka Yesu nda həŋ mantsa: « Tata maga slna Da ɗa kulam ndanana, mantsa iʼi guli, tata maga slna yu kulam ndanana, » kaʼa.

1Kwa 12:11

Inda ni ná, tsa Sulkum turtuk ya ta magay. Tsatsi turtukwa ni ta dgay ŋa inda mndu manda ya ta kum tsi.

1Kwa 12:5

Ta traku slnaha kavghakavgha ta mag lu, ama ŋa va tsa mgham turtuk ya ta maga lu.

1Kwa 15:28

Tahula niŋta Lazglafta Da ta inda skwi ka skwa ta diŋlay səla ni, hanaganata zwaŋ ta ghəŋ mista tsa mndu ta vlaŋtá tsa mbraku ta ghəŋa inda skwi ya, kada nzakwa Lazglafta Da ta ghəŋa inda skwi nekwnekw, nda mndu tani.

1Kwa 3:7

Daga mndu ta sləgay tani, daga mndu tata imi distani tani, sana skwi a hahəŋ wa. Lazglafta turtukwa ni ta ɗyay ka gəlay.

Afisus 4:6

Turtuktuk Lazglafta ta nzakway ka da ni ma inda mndu, ta ga mgham ta ghəŋa inda mndu, ta ksa slna nda inda mndu, ta nzaku ma inda mndu.

Filip 2:13

Lazglafta ka ghəŋa ni ta maga slna ni ma kaghuni, dzaʼa kəl kuni ka ɗvaftá skwi ya ta zɗəganata ŋa magay ghuni ta slna nda tsi guli.

Kwalus 1:29

Tsaya ta kəl yu ka wuda maga slna nda mbrakwa Kristi, ya ta maga slna nda mbraku ma iʼi ya.

Kwalus 3:11

Ndanana tama, ta haɗ mnay kazlay: La *Grek yehaya, la *Yahuda yehaya, gwal nda tsa fafaɗa taŋ yehaya, gwal kul tsaku fafaɗa taŋ yehaya, gwal ma mtak yehaya, gwal kul gunaku ghəŋa taŋ yehaya, la vuʼa yeya, gwal flaʼu vgha taŋ yehaya ya kəʼa wa. Mamu *Kristi ta nzakway ka hɗatani ma inda taŋ.

Hebru 13:21

Ka vlaghuna vla Lazglafta ta mbrakwa maga inda skwi ɗina, ŋa magay ghuni ta skwi ya ta kum tsi. Ka maga tsi ma amu ta skwi ya ta zɗəganata nda ma Yesu *Kristi ta nzakway ŋa ni glaku ŋa kɗekedzeŋ ya. *Amin!