1Kwa 12:28 - Hdi

²⁸ Mataba guyatá ghəŋa gwal zlghay nda ŋuɗuf ná, taŋ gwal ghunay pgha Lazglafta, ka fiŋtá la anabi ka mahis, ka fiŋtá gwal tagha gwaɗa ni ka mahkən. Tahula tsa ka pghatá tsi ta gwal valaŋ lu ta mbrakwa maga mazəmzəm, nda gwal nda mbrakwa mbamba mnduha, nda gwal katá mnduha, nda gwal ta nghapta ka slna mnduha, nda gwal ta gwaɗa sanlaha ma gwaɗa.

1Kwa 12:28 Mawu Ofanana

Mbsak 11:17

Hada dzaʼa laha yu, ŋa gwaɗgaghata ɗa. Dzaʼa klaʼa kla yu kiʼa ta sulkum ma kagha ka pghamta ma həŋ. Mantsa tama, ŋa klay taŋ kawadaga nda kagha ta ndəgakwa mnduha, kagha turtukwa gha a dzaʼa kləgəlta wa.

Markus 16:17

Wya ŋizla dzaʼa maraŋtá gwal ta zlghaftá iʼi: Nda hga ɗa, dzaʼa ghazlay həŋ ta duhwalha halaway ma mnduha, dzaʼa gwaɗay həŋ ta sana Lfiɗa Gwaɗa.

Lukwa 6:14

Wya hga tsa mnduha ghwaŋpəɗ his zaba a tsi ya: Mamu Simuŋ tsanaf tsi ta hga ni ka *Piyer, nda Andre zwaŋama ni ma Simuŋ, nda Yakubu, nda Yuhwana, nda Filip, nda Bartelemi,

Slna gwal ghunay 11:27

Ma tsa fitik ya, ka sliʼaftá la anabi ma luwa Ursalima ka laha da luwa Aŋtakiya.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

1Kwa 10:32

Ma nza kuni ka tuthun dər ka ŋa la *Yahuda, dər ka ŋa la *Grek, dər ka ŋa Igliza Lazglafta.

1Kwa 12:18

Tsatsaf tsatsa Lazglafta ta inda fawayha ta vgha, ka fafata ma vla ni ma vla ni manda ya ta kum tsi.

1Kwa 12:29

Ka gwal ghunay həŋ demdem ra? Ka la anabi həŋ demdem ra? Ka gwal ta tagha gwaɗa ni həŋ demdem ra? Inda taŋ demdem ta maga mazəmzəm ra?

1Kwa 12:30

Inda taŋ demdem ta mbamba mnduha ra? Inda taŋ demdem ta gwaɗa sanlaha ma gwaɗaha ra? Inda taŋ demdem ta mbəɗigiŋtá gwaɗa ra?

1Kwa 14:2

Mndu ta mna gwaɗa nda sanlaha ma gwaɗaha ná, ŋa mnduha a ta mna tsi wu, ŋa Lazglafta. Haɗ mndu nda sna wu, kabga nda mbrakwa Sulkum ta mna tsi ta tsa ɗifatá skwiha Lazglafta ya.

1Kwa 14:4

Mndu ta mna gwaɗa nda sanlaha ma gwaɗaha ná, ŋla ghəŋa ni ta ŋlə tsatsi, ama mndu ta kla lwa Lazglafta, *Igliz ŋa ni ta ŋlay.

1Kwa 14:5

Ta kumay iʼi ta gwaɗay kaghuni demdem ta sanlaha ma gwaɗaha, ama malaghu mala kumay ɗa ta klay ghuni ta lwa Lazglafta. Malaghu mala mndu ta kla lwa Lazglafta ka mndu ta mna gwaɗa nda sanlaha ma gwaɗaha, ka mantsa a tsi wu, ba mamu ka mndu ta mbəɗay dzaʼa kəl Igliz ka mutsaftá ŋlaku.

Afisus 2:20

Nda nza kuni manda palaha ta bə lu ta həga nda tsi. Gwal ghunay nda la anabi na tughwa tsa həga ya. Yesu Kristi tsa pala dihaf tsa həga ya ta vgha tida ya.

Afisus 3:5

Tsa ɗifatá skwa ni ya ná, maranaŋ a Lazglafta ta mnduha ghalya wa. Ndanana tama, ka marigiŋtá tsi nda ma Sulkum nda ghuɓa, ka maranaŋtá tsi ta mnduha ni zabap tsi ŋa nzakway ka gwal ghunay nda la anabi.

1Tim 5:17

La galata mndu ta ksa slna ɗina mataba *Igliz ná, ɗina ka vla glaku dagala ŋa taŋ. Katkatatani gwal ta mna gwaɗa, nda gwal ta tagha skwi ŋa mnduha.

Hebru 13:17

Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

Hebru 13:24

Ka ganaghata kuni ta zgu ta maliha ghuni demdem, nda inda mnduha Lazglafta tani. Ta ga zgu zwana ma ma luwa Italiya ŋa ghuni.