20 Tsaw nda ndəgha fawayha ta vgha ta gwaftá vgha ka vgha turtuk.
Manda tsaya guli ná, nana ndəghata amu na ná, tsuhmbura vgha turtuk mu ma *Kristi. Ka faway ka faway nzakwa inda na amu na guli.
Nghama tsatá vgha mu ya ɓa: Manda nzakwa tsuhmbura vgha mndu nda ndəgha fawayha tida dər ma kinawu ndəghata ni ya, vgha turtuk ya, mantsa ya nzakwa *Kristi guli.
Tsaya tama ná, nza a tsuhmbura vgha ka faway turtuk wu, gwagwatá fawayha ya.
Ka má faway turtuk yeya vgha katsi ná, ma mamu vgha ra?
Laviŋ a iri ta mnay ŋa dzvu kazlay: Haɗ gwaɗa ɗa nda kagha wu kəʼa wa. Mna a ghəŋ guli ŋa səlaha kazlay: Haɗ gwaɗa ɗa nda kaghuni wu kəʼa wa.
