1Kwa 11:27 - Hdi

²⁷ Mantsa ya, ta zə mndu ta na buradi ná, ta sə mndu ta skwi ma na leghwa ná, ngha a ka sana skwi wu katsi, gaga ta dmaku, kabga ngha a ta sluʼuvgha Mgham Yesu ka sana skwi wa.

1Kwa 11:27 Mawu Ofanana

Mbsak 9:10

« Mnana mna ta la Israʼila: Ka mamu mndu mataba ghuni dər ndanana tsi, ka ma zivira ghuni a tsi, ta tsaɗ lu dabga vəl ksaŋta ni ta mbli, ka ta dzaʼa da vli diʼiŋ a tsi, laviŋ lava tsa mndu ya ta skala Pak ŋa Yawe.

Mbsak 9:13

Ama ka mamu mndu kul haɗ skwa tsaɗa tida, laghu a diʼiŋ wu, ka kwalaghutá tsi ta skala Pak, dzaʼa klap kla lu mataba guyatá ghəŋa mnduha ni, kabga kladagha a ta mbəha ni ŋa Yawe baɗ fitik tsaf lu wa. Dguv ta ghəŋa ni dmakwa ni.

Mata 22:11

« Ka lam mgham da nghanaghatá tsa gwal hagak lu ya. Ka nghaŋtá tsi ta sana mndu kul haɗ lguta kla makwa tida.

Yuhwana 6:51

Iʼi buradi ta vla hafu ta saha daga ta luwa. Kata zay mndu ta tsa buradi ya, dzaʼa nzaku tsa mndu ya nda hafu ŋa kɗekedzeŋ. Tsa buradi ta vlə yu ya ná, sluʼuvgha ɗa ya. Dzaʼa vlay yu, kada nzakwa mnduha ta ghəŋa haɗik nda hafu, » ka Yesu nda həŋ.

1Kwa 10:21

Laviŋ a kuni ta sa skwi ta leghwa Mgham *Yesu, ta say say kuni ta leghwa duhwalha halaway wa. Laviŋ a kuni ta za skwa Mgham Yesu, ta zay zay kuni guli ta ŋa duhwalha halaway wa.

1Kwa 11:29

Mndu ta zay, ta say kul snaŋtá guyata vgha taŋ nda Mgham Yesu ná, tɗanak tɗa ta ghəŋa ni ta guma Lazglafta, ma tsa zay ta zə tsi nda tsa say ta sə tsi ya.

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.