1Kwa 1:20 - Hdi

²⁰ Ka si mantsa ka Lazglafta mnata ya ní, ga gwaɗa ta ɗifila mnda səla tama? Ga gwaɗa ta gwal ta mnay kazlay: Nda sna aŋni ta zlahu kəʼa tama? Ga gwaɗa ta gwal ta zlərɗutawi ma na ghəŋa haɗik na guli? Haɗ gwaɗa ta həŋ ɗekɗek wa. Niŋ na Lazglafta ta ɗifila mnduha ma na ghəŋa haɗik ná, ka skwi ka bətbət.

1Kwa 1:20 Mawu Ofanana

2Sam 15:31

Ka lagha lu da mnay ŋa Dawuda kazlay na: « Waʼa Ahitufel kawadaga nda Avsalum, waʼa mataba tsa gwal ta ga sidi ya, » kaʼa. Ka Dawuda mantsa: « Ari Yawe, wya dzvu, niŋ na ka makusiɓit ta hiɗaku ta vlata Ahitufel! » kaʼa.

2Sam 16:23

Tsa hiɗaku ta vlata Ahitufel ma tsa fitikha ya ná, mamu sgita ni, ta snu manda va skwi Lazglafta ta gwaɗata lu. Manda tsaya nzakwa inda hiɗaku ta vlata Ahitufel dər ŋa Dawuda tsi dər ŋa Avsalum a tsi.

2Sam 17:14

Ka i Avsalum nda inda la Israʼila mantsa: « Mal tsa hiɗaku vla Husay mnda la Arki ya, ka tsa ŋa Ahitufel ya, » ka həŋ. Tsaw, Yawe ta mnafta zləmbiŋtá tsa hiɗaku si vla Ahitufel ɗina ya, kada dɗanaghata zləmnda ta Avsalum.

2Sam 17:23

Nghay Ahitufel ta kwal kul snatá hiɗaku vla tsi, ka payanatá tsi ta kəɗiha ni ka sliʼafta ka laghwi dzagha ni ma luwa ni. Ka mnanaftá tsi ta gwaɗa ma ghəŋa ni ta la ga taŋ. Tahula tsa ka hagatá tsi ta ghəŋa ni. Manda tsaya kəʼa mtuta, ka lamtá lu ma kula da ni.

Mata 13:22

Tsa vli ma teki rkam hulfa mida ya guli ná, tsaya gwal ta snaŋtá gwaɗa Lazglafta, ka laghu həŋ da ndana skwiha ma ghəŋa haɗik, nda skwa gadghəl, ka raghwanatá tsa skwiha ya ta tsa gwaɗa ya ma həŋ, ka niŋtá həŋ ka ksubaŋ.

Yuhwana 12:31

Ndanana tama, nda maga fitika tsanaghatá guma ta na ghəŋa haɗik na. Ndanana dzaʼa wuɗidiŋta lu ta mghama na ghəŋa haɗik na.

Slna gwal ghunay 17:18

Mamu gwal ta tagha dzaŋa tva mbaɗa gwaɗa ta hgə lu ka la Ipikuri, nda Situyikiya ta mbaɗa gwaɗa nda tsi guli. « Nu ta yə na mndu na katək na? » ka sanlaha. « Gwaɗa ta sana Lazglafta kul haɗ hadna ta gwaɗ tsi. » Ka sanlaha, kabga snay taŋ ta mnay Pwal ta gwaɗa ta *Yesu nda sliʼagapta ya sliʼagap tsi mataba gwal nda rwa.

La Ruma 1:20

Nzakwa Lazglafta ka ghəŋa ni nda mbrakwa ni ya ŋa kɗekedzeŋ ná, skwi ya kul laviŋtá lu ta nghaŋta ya. Ama daga ka yawu zlrafta ghəŋa haɗik, laviŋ lava lu ta nghaŋta nda ta tva skwiha ya maga tsi. Ta haɗ mndu nda pslaftawi da tsi wa.

La Ruma 1:22

Gwal nda hiɗa aŋni ka hahəŋ ta gray, tsaw ka rgha həŋ.

1Kwa 1:19

Wya skwi nda vinda ma deftera Lazglafta: « Dzaʼa zaɗana zaɗa yu ta ɗifila ghəŋa mnda səla, dzaʼa hərɗiŋ hərɗa yu ta mahizla ghəŋa mnda səla, » kaʼa.

1Kwa 1:26

Zwana ma ɗa ɗaslawa nzakwa ghuni na tsa kaghuni hagaf Lazglafta ya, ka mndəra wati ma mnduha kuni? Sira a gwal nda sna ta skwi mataba ghuni ta nghə mnduha ma ghəŋa haɗik wa. Sira a gwal dagala dagala mataba ghuni wa. Sira a gwal ta za mgham mataba ghuni guli wa.

1Kwa 1:27

Lazglafta ka ghəŋa ni ta zabaftá tsa gwal ta nghə mnduha ma ghəŋa haɗik ka rgha ya, ŋa pghanaghatá hula ta tsa gwal nda ɗifila ghəŋa haɗik ma ghəŋa taŋ ya. Tsatsi ta zabaftá gwal ka mbegi ta nghə mnduha ma ghəŋa haɗik ya ŋa pghanaghatá hula ta gwal nda mbra.

1Kwa 1:28

Tsatsi ta zabaptá gwal ta nghə lu ka mnduha tsa lu, htu hta həŋ katakata ta nghə mnduha ma ghəŋa haɗik ya, ŋa ŋwisaganatá deghreʼ ta gwal dagala dagala.

1Kwa 11:32

Ala ka tsamagha tsa Lazglafta ta guma ka zlaha amu nda tsi ya, nda nza ŋa kwala ni kul tsamaghatá guma kawadaga nda gwal ma ghəŋa haɗik.

1Kwa 2:6

Ta mnə ŋni ta gwaɗa ŋa gwal nda sifa ma zlghay nda ŋuɗuf ná, vərɗa ɗifil taghə ŋni, hiɗakwa gwal dagala dagala ma na ghəŋa haɗik ta dzaʼa zwaɗuta na a wa.

1Kwa 2:8

Haɗ ya dər turtuk ma gwal dagala dagala ma na ghəŋa haɗik na, nda sna ta tsa ɗifil ya wa. Ka má nda sna həŋ katsi, má zləŋaf a həŋ ka dzata ta udza zləŋay ta Mghama glaku wa.

1Kwa 3:18

Ma nanə mndu ta ghəŋa ni. Ka mamu ɗifil ma ghəŋa ɗa manda ɗaslakwa ŋa ghəŋa haɗik ka mndu, ka niŋ na tsi ta ghəŋa ni ka rgha kada nzata tsi ka vərɗa mndu nda ɗifila daga da Lazglafta.

1Kwa 3:19

Kəl yu ka mna tsaya ná, na ɗifila mnduha ma ghəŋa haɗik na ná, ga rgha ya ta kəma Lazglafta. Nda vinda ma deftera Lazglafta kazlay: Nda tsa ŋa taŋ ma hiɗaku ya ta ksa Lazglafta ta həŋ,

1Kwa 6:2

Sna a kaghuni kazlay: Mnduha Lazglafta dzaʼa tsa guma ta ghəŋa mnduha ghəŋa haɗik kəʼa ra? Ka si kaghuni dzaʼa tsa guma ta ghəŋa mnduha ghəŋa haɗik ya ní, slaghu a kaghuni ka tsatá guma zwana skwiha kiʼa kiʼa ra?

Yakubu 4:4

Fkərwaha na! Sna a kuni kazlay: Ɗvutá ghəŋa haɗik ná, ga ghuma nda Lazglafta ya kəʼa ra? Mndu ya ta kuma ksa gra nda ghəŋa haɗik ná, ta kumay ta nzakway ka ghuma Lazglafta.