Taytus 3:10 - Kaa n Kəzə̀ n fəghə mə

¹⁰ Abə wù loʼnə n fəŋŋə kə ghaa nə̀ tə ləghə ni ghəŋə nə̀ ghaa dzawwə doʼo, wə n kii naŋa ndow wi ni kɔʼ shi tənəŋə təbəghə, nə̀ wù tii ka zow, ghaa n nyoʼo dzəm tə wi.

Taytus 3:10 Mawu Ofanana

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

2 Kɔrint 13:2

N mâ bùʼ kpaa ghaa ghən ghaa â ghəŋŋənə ghəə a bəbə ghə, kpaa tsu soʼo ghə̂ a loʼ ghey adzəm. N fa nam kpaa kpiʼi bə ghə nya wən n way n səə ghaa ighələ tə̀ mâ kpaanə ghə nghee mâ bə koʼonə ghaa ni ghəŋə tənəŋə təbəghə, nə̀ abə mə i kəm bənə, wù ghə umɔʼ î nɔb shi way n wɔɔ kuŋ.

Galeshia 5:12

Abə a mə loʼ kə tə mə, ghə̂ ghən ghə fəmmənə ghaa nə̀ ghaa səghə tyi u ghaa tə laŋ kə dii nə̀, ghə mə ndow n sə kə ni kee kâa tsu wû i ghə.

Galeshia 5:20

ni ngɔɔmə muʼu mə, ghəə a kəvuŋ, baa zə iwû, fəghəm tə baŋŋə tə, kəghoʼ, mbwu kə fə̀ŋ, sə a shiə ghə nə ufə̂, nəghə u fəə wə, wù dzawwə maʼa wə aghə̂ wə,

2 Tesalonika 3:14

Ney na ghə̂mə zə ghi ghə̂ ghey ghə tuu ni naŋa ghəə ghən ghey tɔ̀ɔ bənə n maʼlə kən. Kə ghaa i təmə dzəŋi ghi ghə, sey nə̀ ghə keeli tow kə dədlə kə.

2 Tesalonika 3:6

Waazə ghə, ghey dza bə tə̀ ghaa n zəd i Mûkəbii saa Yeso Klisto nə̀ kə̂ ghaa i təmə dzəŋi ghi dzûmə tə klisto tən ghə laynə, ləghə way ni dzûmə ghəə ghən ghey diinə tə ghaa n jìi zey ghaa khə ni muu a tii.

2 Timoti 3:5

ghə nə nəŋŋə ghəŋŋə nə̀ ghə loʼ ghə̂ a Kəzə̀, kee tuu maʼa daʼa key kə loʼ ni ghəŋə ghə nə̀ ghə doʼo ghə̂ a Kəzə̀. Kə wə nə keeli ghə i loʼ zə ni ghəŋə ghi ndzoʼo ghə̂ ghən.

2 Pita 2:1

N num tə ibam tə, tûm tə Kəzə̀ tə tsɔŋɔ tə â loʼ tsənu n fəŋŋə kə aghə̂. N jìi i mɔʼɔ zə, ghə̂ a dii a tsɔŋɔ ghə i shiə kɔʼɔnu n fəŋŋə kə ghaa. Ghə nə tsɔŋ nyi bə n fəŋŋə kə ghaa nə̀ ghaa khə way, ghə dii ghəə ghey ghə i ghəŋŋə nə̀ ghaa nyəŋ laʼ. Ghə nə tuu maʼa daŋŋə Mûkəbii wey tə kuum nuu shi bə tow u ghə wə. À wey loʼ ghə i tii zə, ghab kə i kəm shi way tə̀ Zə̀ kə ni ləŋi maʼa ghə.

2 Jɔn 1:10

Sey, abə wù loʼ bənə n səə ghaa nə tə ka bə nsə dii zən, kə ghaa nə kpiineynə wi n ndaw tə ghaa, kə ghaa nə buʼu tɔŋɔ zow wù tii tə̀ a loʼ wù Kəzə̀.