Taytus 2:5 - Kaa n Kəzə̀ n fəghə mə

⁵ Ghə i loʼ ni tsə̀ waa a zən ghən nə̀ ghə i kwɔɔ tsu wû i ghə zə, khə soʼo way bwu i loʼ zə. Ghə i loʼ soʼo ni dii tə waa a zən ghən nə̀ ghə khə ni fwaʼa dzɔbə n ndaw tə ghə, zow soʼo tə num a ghə ghə, sey nə̀, kə wù loʼ nə dza ghə i bəbə i loʼ zə bòʼ ghɔɔmə i Kəzə̀.

Taytus 2:5 Mawu Ofanana

Kəfwaʼ 9:36

Dzûmə ə Yeso u loʼ wə n naʼ i Jopa ghə â tɔŋŋə nə̀ a loʼ Tabita, n ghɔɔmə i Grik nə a loʼ Dɔkas, dii tsu nə a loʼ ngaw. Weyzən wən n ghəŋŋə tsə ghəə a dzuŋu ghə tə ghə̂ ghə nəŋə tədzəm, fuu soʼo igaamə tə ghə̂ a laa ghə.

Kəfwaʼ 9:39

Pita n daŋŋə bayyə tsu uwû, nuu dzəŋi ndow ghi ghə. Ambə tə ndow kuum tsunə fu, ghə n ney kɔʼ ndow ghi wi n dzuu i ndaw zey i doʼo kɔʼ ndow idəŋ. Ghey a kpusə adzəm n dzəŋ tsəghə kɔʼ wi, dey, dii ndow wi n ndzə tey Dɔkas â təmnə tə ghə nə tə nam loʼ utaw.

Roma 14:16

Sey, kə wə nə ghəŋŋə nə̀ wù loʼ ghɔɔmə bəəbə n tow kə loʼ sey nə̀ ghəə zey wə mə ghəŋənə, u mə khə nə̀ a mgbaŋ loʼ ghə i dzuŋu zə, zə u fəd doʼo bənə ghə i bəbə zə tə wi.

Roma 2:24

I tɔ̀ɔ doʼo n màʼlə K-a-zə̀ nə̀, “Ghə̂ ghey ghə way ghə̂ a Təjuu a tsayyə zəd i Kəzə̀ bòʼ ghəə a bəbə ghey ghaa ghə̂ a Təjuu a ghəŋŋənə.”

1 Kɔrint 11:3

N kee ləghə nə̀ ghaa zowkeeli tsu nə̀ Klisto loʼ kətow tə̀ gheynum ghə adzəm, weynum u loʼnə tow kə tə̀ wey wi, Zə̀ kə a loʼnə tow kə tə̀ Klisto.

1 Kɔrint 14:34

gheyzən a khə ni zow doʼo kə mɔŋ, abə ghə loʼnə n dzəŋi u dzûmə tə Klisto. Ghə khə way ni ghɔɔmə n təŋkey i tɔ̀ɔ doʼo n laŋ kə ghə̂ a Təjuu nə̀, weyzən khə way ni loʼ tow kə.

Efesus 5:33

I kee loʼ nə̀, wù khə ni ləghə wey wi tə̀ tə ləghənə wû u wi, wey khə ni zow tə num wi.

Kolose 3:18

Ghaa gheyzən ghən ghaa khənə num ghə, ghaa khə ni zow tə num a ghaa ghə, n təŋkey, à wən loʼ jìi zey ghə̂ ghey ghə bəghəmnə tə Mûkəbii khə ni muu tii.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

1 Timoti 6:1

Dzûmə tə Klisto tey tədzəm tə loʼnə kɔd wə, khə ni keeli tsu nə̀ ghə khə ni fuu ndow ngɔɔmə zey kɔd udzəm u fuunə tə ghə mûkəbii a ghə ghə, sey nə̀, wù loʼ i way ni tsayyə zəd i Kəzə̀ nsə ghəə ghən saa diinə.

Taytus 2:4

Abə ghə khənə ndzoʼo mwam wən ghə i loʼ ni tsə̀ waa a fəghaŋ a zən ghə nə̀ ghə i ləghə num a ghə ghə nsə waa a ghə ghə.