Taytus 2:12 - Kaa n Kəzə̀ n fəghə mə

¹² À loʼ n bam i fə̀ŋ i dzuŋu zən Zə̀ kə dza bənə tə̀ saa nə̀, saa tuu maʼa muu zey Zə̀ kə ləghə way, saa ka gaʼ soʼo fə̀ŋ tə n fə u mbi. Tə ləghə nə̀ saa i loʼ ni kwu keeli muu i saa, ghəŋŋə ghəə ghey a kpiinə, ghəŋŋə soʼo ghəə ghey tə ləghənə nghee saa muunə fa n mbi zən.

Taytus 2:12 Mawu Ofanana

Matyo 12:32

Wù wey tə dzanə ghəə a bəbə ghə n kow Waa Weynum, ghə i neyzəənu bəb i wi zə, abə wù kee dzanə ghəə a bəbə ghə n kow Zay kə Zow kə, ghə i neyzəə koʼ way bəb i wi zə nya nkee tə̀ mbi nə bə may.”

Matyo 16:24

Sey, Yeso n dza ndòw tə̀ ngəd tə wi tə nə̀, “Abə wù dza i dzûmə mə̀, tə khə ni ney tsu nə̀ wû u wi u way dzə fə kə loʼ kə, tə boʼo kɔʼ zat kə fəkaʼ kə wi, tə dzûmə bə mə.

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Lukas 1:6

Ghə n dzəŋi muu muu i dzuŋu zə n sə̂ K-a-zə̀, naŋŋə laŋ u Kəzə̀, khə way bwù i loʼ zə.

Lukas 1:75

nə a i fwaʼa tə wi n fə̀ŋ tə zow tə, loʼ tsətsəghə n sə kə wi n tsuʼu ndzəm tə mbi nə bə may.

Tùm i dzuŋu zə kuum Yeso Klisto tə Jɔn â tɔɔnə 14:30

N kəm khə way ndəmə aghəə ni dza tə̀ ghaa, boʼ nə̀ də̀ŋ kə mbi kən nya bəghənu. Tə khə way daʼa kə loʼ kə n kow mə.

Tùm i dzuŋu zə kuum Yeso Klisto tə Jɔn â tɔɔnə 6:25

Ambə ghə̂ ghey bə koʼ bənə Yeso n nguŋ inyi i loʼ zey, ghə n bəb tə̀ wi nə̀, “Wù dii, wə fa bə nyi zeeli.”

Kəfwaʼ 24:16

À wən loʼ ghə i tii zə n dəmənə nə̀ fə̀ŋ zuŋ i zow n sə̂ K-a-zə̀ nsə n sə kə aghə̂.

Kəfwaʼ 24:25

Ambə Pɔl tɔʼ tiilə dza ndow tə ghə nghee ghə̂ a khə ni loʼ tsətsəghə tii, zuŋu uwû, nsə nghee Zə̀ kə nə saʼanə ghə̂ ghə tii. Tsəŋ zə n kwu Feliks, tə n dza nə̀, “Khəə ndow nya, abə mə i ndzɔʼ keeli tsu nəŋə zə, Mə i kəm tɔŋɔ bə wɔ.”

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

Roma 6:12

Sey, kə ghaa nə̂ bəghəmnə nə̀ ghəə a bəbə a kəm keeli kədaʼa n vən fə uwû fə ghaa, n jìi zey ghəə a bəbə ghə a loʼ ni ghəŋə nə̀ ghaa i ghəŋŋə ndow ghəə a bəbə ghey vən fə uwû fə ghaa fə ləghənə.

Roma 6:19

N ghəə ghən ghɔɔmə bə n jìi zey ghaa loʼ ni zowkeeli n təŋkey, ghəə a loʼ a loʼnu a tawnə tə̀ wù sɔŋtsuʼ ni zowkeeli. Sə̂ i sə, ghaa â fuu may nyi ndow wû i ghaa tə a loʼ ukɔd ni ghəŋŋə ghəə a laŋŋə ghə, nsə ghəə a bəbə ghə. A loʼ ighələ ghaa khənə ni fuu may ndow soʼo wû i ghaa tə̀ a loʼ ukɔd ni ghəŋŋə ghəə ghey a loʼnə tsətsəghə sey nə̀ ghaa loʼ ni zow n sə K-a-zə̀.

Roma 8:13

N dza sey n təŋkey, abə ghaa muunə nghee tə̀ gow uwû ləghənə, ghaa i kpuunu. Nə̀ ghaa kee muu nghee tə̀ Zay kə Zow kə ləghənə, ghaa i wey maʼa ghəə a bəbə ghey a loʼnə n kow ghaa, ghaa i keeli imuu.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Galeshia 1:4

Yeso Klisto â bəghəm ni kpu bòʼ bəb i saa, nghee tə Zə̀ kə, tə loʼnə Bày, â bayyə naŋa nə̀, ni bəghəshi saa n mbi i bəbə zən a muunə tii nya.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Efesus 1:4

Zə̀ kə mâ khə sày saa nə̀ ghə ka mbi kam bɔm, nə̀ saa i loʼ ghə̂ a wi ghə nghee saa loʼ nə kəfə kəmɔʼ ghi Klisto, sey nə̀ saa i zow, khə way dzə u loʼ wə n sə kə wi. Bòʼ ləghə zən tə khənə n kow saa,

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

Kolose 1:22

A kee loʼ nə̀, Zə̀ kə n ghaa ghəŋə nə̀ ghaa doʼo fə a wi bòʼ və i waa wi wən tə a kpunə n zat kə fəkaʼ, sey nə̀ muu i ghaa zə i zow khə way bwu i loʼ zə, ghaa i loʼ tsətsəghə n sə kə wi.

1 Tesalonika 4:7

I loʼ sey n təŋkey, Zə̀ kə ka tɔŋŋə dzə saa tə̀ a loʼ ghə̂ a wi nə̀ saa i ghəŋə ghəə a dzəə ghə. Tə tɔŋŋə saa nə̀ saa i muu muu zey i zownə.

1 Tesalonika 4:9

Ni ghɔɔmə nya kuum ləghə zey ghaa khənə ni khə n wû i ghaa tə̀ a loʼ awaazə, ghey kəm khə dzə way ghəə i loʼ zə ni dza tə̀ ghaa, n təŋkey Zə̀ kə n ghaa dəŋ n jìi zey ghaa khənə ni ləghə tiillə wù zə.

1 Timoti 4:12

I kə wə nə bəghəmnə nə̀ wù loʼ koʼ kìi wɔ a dza wə loʼ winətəghə. Wə khə ni fəd loʼ wù wey wə moʼo diinə ghəə ghə tə ghə̂ ghən ghə bəghəm tə Zə̀ kə, n ghɔɔmə zə, n mwam wə, n jìi zey wə ləghənə ghə̂ ghə tii, n bəghəm i fə̀ŋ zey wə khənə, nsə n jìi zey muu zə i zownə tii.

1 Timoti 6:17

Dza ndow tə ghə̂ ghey ghə kuumnə n mbi zən nya nə̀ kə ghə nə ghaŋŋə wû wə, kə ghə nə gaʼa soʼonə fə̀ŋ tə ghə tə n fə u mbi nə u doʼlə tsuŋŋə way, ghə fəd gaʼ ndow fə̀ŋ tə ghə n kow Zə̀ kə, tə fuunə saa n fə wə udzəm nə saa i muu muu i dzuŋu zə naʼ idzəm.

1 Timoti 6:9

Wù wən tə kee ləghənə ni kùm, à loʼ kə nyaŋi fə ighəə ni chimmə wù tii nə̀ tə ghəŋə ibəb, tə bwu soʼo nə fətsaʼ. Tsaʼ fən loʼ moʼlə tə laʼlə tən nsə moʼlə bəbə tən ghə khənə tə i ghəŋŋə nə̀ ghə nyi nə uchɔd tə ləŋi maʼa soʼo ghə.

2 Timoti 3:12

Isəŋə loʼ nə̀, wù wey tə ləghə ni muu muu i Kəzə̀ zən i loʼnə nə kəfə kəmɔʼ ghi Yeso Klisto, ghə i chɔdlɔnu wi.

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

Hibru 8:11

Wù ghə umɔʼ i way ni kəm dii aghəə tə̀ waazə a ghə ghə Nkee ni dza tə̀ waazə a ghə ghə nə̀, ‘Wə khə ni keeli Mûkəbii,’ N təŋkey aghə̂ adzəm i keelinu ndzoʼo wù wey n loʼnə, Ni zey nuu tsu n nyaŋi mə aghə̂ ndow kuum ndow n ghə̂ a səŋi ghə.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.

2 Pita 3:11

Nghee i loʼ nə̀ Zə̀ kə i ləŋi maʼa fə wən udzəm n jìi i zən, i sey dii nə̀ ghaa khə ni muu ndzoʼo muu i ghaa zə ə? Ghaa khə ni muu muu i zow zə, ngɔɔmə soʼo Kəzə̀ nəŋə tədzəm,

1 Jɔn 2:27

A kee bə ghaa, Klisto n ghaa tsuʼ naŋa nghee tə fuunə ghaa n Zay kə Zow kə wi kə. Nghee Zay kə Zow kə loʼ dzənə n kôw ghaa, ghaa kəm khə dzə way ni kəŋ wù loʼ nə̀ tə dii ghaa n ghəə ghə. Tə i dii ghaa n ghəə ghey adzəm ghaa ləghənə ni keeli. Ghəə ghən tə i diinə tə ghaa loʼ isəŋə, a way dzə ghəə a badla ghə. Sey, dzûmə na ghəə ghey tə diinə tə ghaa, tə ghaa doʼo nə kəfə kəmɔʼ ghi Klisto.

1 Jɔn 2:6

wù wey tə dzanə nə̀ tə loʼ nə kəfə kəmɔʼ ghi Zə̀ kə, tə khə ni muu ighələ tə Yeso Klisto â muunə.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

Màʼlə kə Jud tə̀ ghə̂ a Kəzə̀ ghə 1:18

Ghə â dza tə ghaa nə̀, “Abə mbi nə may bənə, ghə̂ a loʼ a nə bəghənu, ghə nə tsoʼo ghaa. Ghə̂ ghən nə dzûmə ndow kə ghəə ghey fə̀ŋ tə ghə tə ləghənə ni ghəŋə.”

Chi dii 14:12

Ghəə ghən dii tsu nə̀ ghə̂ a Kəzə̀ a khə ni kow tsu fə̀ŋ, tɔŋŋə ghə̂ ghən ghə naŋŋə laŋ u Kəzə̀ bəghəm tən soʼo tə̀ Yeso.