Taytus 2:10 - Kaa n Kəzə̀ n fəghə mə

¹⁰ Kə ghə nə tsɔŋɔnə n wɔ ghə mûkəbii a ghə ghə. Ghə fəd khə ni dii ndow tə̀ ghə mûkəbii a ghə ghə nə̀ ghə khə mwam u dzuŋu wə nəŋə tədzəm n jìi zey ghə loʼ ni gaʼ fə̀ŋ n kow ghə. Ghə keeli tsu ndzoʼo mwam wən ni ghəŋə nə̀ ghə̂ ghə i koʼo bə nə̀ ghəə ghey adzəm ghə zoʼlənə bòʼ Zə̀ kən kə loʼnə bəghəshi ə saa, a ndzəmə dzɔbənu.

Taytus 2:10 Mawu Ofanana

Matyo 24:45

Yeso n dza kpiʼi ndow tə̀ ghə nə̀, “À loʼ wù kəfwaʼ u ghaa wə wù loʼnə ni gaʼ fə̀ŋ n kow wi, tə u khə soʼonə tɔb wə ə? À loʼ tə wey, mûkəbii wi fuu naŋanə wi n fwaʼ kə nə̀ tə i laalə ghə̂ a kəfwaʼ à loʼ ghey, fuu ghə n fəzəə wə nə inəŋə.

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Lukas 1:47

zay kuŋ kə duʼlənu ghi Zə̀ kə, tə loʼ bəghəshi wùŋ.

Lukas 1:80

Waa tii, tɔŋɔ Jɔn n nyim kɔʼ bə n wù, keeli tsu fə̀ŋ, ndow muu doʼo ndow n mbvən ə ntsaŋ ni ndòw kùm n nəŋə zey tə â kaʼnə ni naʼa tûm Kəzə̀ tə̀ ghə̂ ghə Izree ghə n mgbaŋ.

Lukas 16:10

Wù wey tə loʼ nə ni kwu keeli dzɔb nyaŋi fə ufə, sey loʼ soʼonu ni kwu keeli ndəmə ufə. Wù wey tə ghəəbə nə ni kwu keeli nyaŋi fə ufə, sey way ni doʼo tsətsəghə soʼo n ndəmə ufə.

Tùm i dzuŋu zə kuum Yeso Klisto tə Jɔn â tɔɔnə 12:6

Tə â ka ghəə ghən dza dzə bòʼ nə̀ tə ngii ləghə ghə̂ a laa ghə, tə â sey dza bòʼ nə̀ tə â loʼ wù tsɔŋɔ. Â kwɔɔ keeli tsə wi mbəghə kə ukhəə kə, tə n tsəmə nyaʼi ney shiə tsə soʼo ukhəə tii ni zow ghəə a wi.

1 Kɔrint 4:2

Ghəə zey ghə ləghənə n wɔ wù wey ghə fuunə wi n daʼa kə ni fwaʼ kəfwaʼ, loʼ nə̀, tə khə ni teeli fwaʼa kə tə̀ mûkəbii ə wi n fə̀ŋ ə wi idzəm.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Filipi 4:8

Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

1 Timoti 1:1

A màʼlə kən tɔ̀ɔ bə mə Pɔl, n loʼnə ngəd ə Yeso Klisto. N doʼonə tsəndəghə ə wi nə̀ a mə sày Zə̀ kən kə loʼnə bəghəshi ə saa nsə Yeso Klisto wən saa gaʼnə fə̀ŋ n kow wi.

1 Timoti 5:17

Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.

1 Timoti 6:1

Dzûmə tə Klisto tey tədzəm tə loʼnə kɔd wə, khə ni keeli tsu nə̀ ghə khə ni fuu ndow ngɔɔmə zey kɔd udzəm u fuunə tə ghə mûkəbii a ghə ghə, sey nə̀, wù loʼ i way ni tsayyə zəd i Kəzə̀ nsə ghəə ghən saa diinə.

1 Timoti 6:3

Abə wù loʼ diinə ghəə a nuu ghə, nə̀ a bəghəm dzəŋi way ghi tûm i dzuŋu zən bòʼ Mûkəbii Yeso Klisto, nə̀ a bəghəm dzəŋi soʼo way ghi muu i dzûmə tə Klisto tə,

Taytus 1:3

Ambə nəŋə i kpi tsunə, Zə̀ kə n ghəŋə nə̀ ghə̂ a keeli ghəə a tii ghə n bam i tûm ə wi i dzuŋu zən n naʼlənə. À loʼ Zə̀ kən kə bəghəshiənə saa, kə fuu naŋanə mə n fwaʼ kən nə̀ n fwaʼ.

Taytus 3:4

Zə̀ kən kə loʼnə bəghəshi ə saa n kee dii bə fə̀ŋ ə wi i dzuŋu zə nsə ləghə i wi zə tə̀ saa,

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 3:16

Ghaa i maʼlə tsu wû zə ni beeli ndow ghə n jii i dzuŋu zə. Ghaa tɔʼ laalə nyi tsu ni koʼ nə̀ fə̀ŋ tə ghaa tə zownu n ghəə ghey ghaa ghəŋŋənə, sey nə̀, tow kə i dəd ghə̂ ghey ghə ghɔɔmənə ghəə a bəbə ghə bòʼ ghaa abə ghə koʼnə mwam u dzuŋu wey ghaa khənə n təŋkey ghaa loʼ nə kəfə kəmɔʼ ghi Klisto.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.