Taytus 1:6 - Kaa n Kəzə̀ n fəghə mə

⁶ Wù wey tə loʼnə Ngəd n dzəŋi kə dzûmə tə Klisto khə ni loʼ wù wey tə loʼnə tsətsəghə nə̀ tə khə way bwu i loʼ zə. Tə khə ni khə kə wey umɔʼ. Waa a wi a khə ni loʼ dzûmə tə Klisto tə, nyey way, taw soʼo way n tow kə.

Taytus 1:6 Mawu Ofanana

Lukas 1:5

N tsuʼu mey Helɔd â loʼ tsənə də̀ŋ kə n naʼ i Judeya, fɔɔngili u loʼ wə n loʼ tsə fu ghə tɔŋɔnə nə̀ a loʼ Zakalia. Tə â loʼ fɔɔngili n dəŋə kə Fɔɔngili Abijà. Zəd i wey wi zə â loʼ nə a loʼ Elisabet. Tə â shi bə soʼo n sad i ndaw i fɔɔngili tɔŋŋə Erɔn.

Efesus 5:18

Kə ghaa nə məə khəənə lə mə, n təŋkey, lə n ghəŋŋə wù tə n dzəŋsə ghəŋŋə aghəə. Ghaa fəd khə ni ghəŋə nə̀ Zay kə Zow kə i tali ghow kə ibwey kə ghaa kə.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

1 Timoti 1:9

Saa khə soʼonu nə Zə̀ kə ka laŋ kə ghəŋə dzə tə ghə̂ ghən ghə loʼ tsətsəghə. Â fəd loʼ tə ghə̂ ghən ghə bwuulə maʼa laŋ kə nsə ghə̂ ghey ghə ney way n wɔ Zə̀ kə, ghə̂ ghən ghə khə way Zə̀ kə nsə ghə̂ a bəbə ghə, ghə̂ ghən ghə khə way Zay kə Zow kə nsə ghə̂ ghən ghə ngɔɔmə way Zə̀ kə, ghə̂ ghən ghə weyyənə ghə bày a ghə ghə nkee ghə này ghə ghə, ghə̂ ghən ghə weyyənə ghə̂ ghə.

1 Timoti 3:12

Weynum wən tə gaamənə nə̀ kəfwaʼ n dzəŋi kə dzûmə tə Klisto, khə ni loʼ tə wən tə gaʼnə fə̀ŋ n kow wey, tə i loʼ ni kwu keeli dzɔb ndaw wi, nyaŋŋə soʼo waa a wi.

Taytus 1:10

N dza sey n təŋkey ndzoʼo ghə̂ ghey ghə tuu maʼanə tûm i tii zə ndəŋ loʼnu, a ka ndɔm dza ghə̂ a Təjuu ghən ghə təmi taw kɔʼnə nə̀ ghə khə ni teeli səghə tyi kə wù tə̀ wi ni keeli ibəghəshi. Ghə tuu ni zow tə̀ ghə̂ ghey ghə loʼnə tow wə, nəbə kaabə tsə soʼo aghə̂ nə təghɔɔmə nə̀ tə way ni gaamə wù n ghə i loʼ zə.