Taytus 1:5 - Kaa n Kəzə̀ n fəghə mə

⁵ Zuŋ key mə â naŋa taʼa tsunə wɔ n Krit â loʼ nə̀ wə bayyə naŋa may kaabə bə ghəə ghey ghə â doʼo səənə, nsə nə̀ wə sày naŋa kɔʼ təngəd n dzəŋi u dzûmə tə Klisto n naʼa mey ndzəm n dəŋə kə tii kə. Bɔɔmə ghəŋə ndow tə̀ mə â dzanə tə̀ wɔ.

Taytus 1:5 Mawu Ofanana

Kəfwaʼ 11:30

Ghə n ghəŋŋə tsu sey, kuu tsu khəə u tii wə n wɔɔ kə Banabas nsə Sɔl, tûm ndow tə ngəd tə dzûmə tə Klisto tey n Yerosalem.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 2:11

Saa a loʼ a nuu bə n Krit nsə nə Arebya, saa a loʼ ghə u loʼ ghə̂ a Təjuu ghə nsə ghə̂ a tətùm ghən ghə bəghəmnə tə ghəə a Kəzə̀ a Təjuu ghə. Saa adzəm, saa u loʼ ni zow ghə ghɔɔmənə n ghɔɔmə tə saa tə, tiilə dza bə ghəə a səŋi ghey Zə̀ kə ghəŋənə.”

Kəfwaʼ 27:12

Nghee tə̀ luʼu key fən u tyiə nyiə doʼlənə tii â lòʼ nə kə tɔʼɔ dzɔbə way ni doʼo fu n təŋkey fəb wə â ngii loʼnu. Ndəmə aghə̂ n saalə bə nə̀ ghə nyi ndow n dzuu, ghə dəm koʼ nə̀ ghə loʼ ni kpaʼi ndow nyi n Foeniks tə ghə zayyə tsu fu. Foeniks â loʼ dəŋə kə Krit key fən wə â ndow doʼlə zayyənə fu. Kə â laalə kɔʼɔ ndow kədəŋ n bad key tsə bəŋənə tii, laalə tsu ndow kətənə n bad key tsə bəŋə soʼonə tii.

Kəfwaʼ 27:13

Ambə kɔŋŋə kə kaʼ tsu ni nyaʼi fəəbə tsəghə nə̀ kə kɔʼɔ bə n bad kə itən kə. Ghə n moʼlə kə nə̀ ghə loʼnu ni ndow kə n sə kə. Ghə n kɔt nuu kɔʼ kənyəllə nə kəfən, kaʼ ndow ni nyoʼlə baŋ tsu n nguŋ ə dzuu naʼ i Krit.

Kəfwaʼ 27:21

Nghee ghə ngii doʼo kəŋə ndownə nə̀ ghə ka gaʼ fə kə nə idzuu, Pɔl n nuu təmi kɔʼ n sə kə ghə, dza tə ghə nə̀, “Waazə ghə, abə ghaa mə zow bə ghɔɔmə zuŋ zə, tə saa mə ka nuu shi bə dzə n Krit. Sey, saa mə way dzə ni bə nyîmmə fa, saa mə way soʼo ni guŋu ufə.

Kəfwaʼ 27:7

Ghey n ney kɔʼ ndəmə ntsuʼu nə ghey bwey kə nyaŋi fənyaŋi nə kəfən. Ghey n dəm kə sa bə taa bə n mbvən ə Nidus. Zəŋ n ka tsəm bəghəm nə̀ ghey teyyə ndow iwû n luʼu key ghey ndownə tii, sey, ghey n fəd fwɔli tsəghə ndow jii n bad key zəŋ tsəghə way tii n naʼa fey dzuu dzəŋŋə naŋa kɔʼnə ghə tɔŋŋə nə̀ a loʼ Krit i laalə daŋa ndownə Samon.

1 Kɔrint 11:34

Wù wey dzəŋ zabənə wi, wù tii n zə̂ tən kɔʼ n ndaw wi, sey nə̀ kə Zə̀ kə nə chɔdlɔnə ghə a dza ghə ka ləmə waazə ghə. N khənu nə̀ ghəə a loʼ a loʼnu n ka kam mɔm, a tii ghə, abə mə i bənə, mə i tiilə dza may bə tə̀ ghaa.

1 Kɔrint 14:40

Kee maʼa tsu na wû zə ni ghəŋŋə kɔʼɔ ndow ghəə ghə n jìi zey i kpiilənə nsə nə ulii.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

Kolose 2:5

Nghee n buʼ lɔʼlə loʼ kə fa, moʼlə tuŋ tədzəm tə loʼ fey ghi ghaa, fə̀ŋ zuŋ u duʼlənə ni koʼ nə̀ ghaa muunu muu i dzuŋu zə, taw soʼo n bəghəm i fə̀ŋ i ghaa ghi Klisto.

1 Timoti 1:3

N ləghə nə̀ wə doʼo tsu n Efesus tə̀ mə â dza nə̀ tə wɔ nghee mə â dza i nuu ndow n Masedonya. Ghə̂ a loʼ a loʼ fey, ghə sii ndzəŋŋənə ghə̂ ghə, sey, n ləghə nə̀ wə buu naŋa ndow ghə.

2 Timoti 2:2

Ney kɔʼ ghəə ghən wə â zownə mə n diinə n sə kə ndəmə aghə̂, wə fuu naŋa tsu ghəə a tii ghə n wɔ ghə̂ ghən ghə loʼ nə wə loʼ ni gaʼ fə̀ŋ zə n kow ghə, sey nə̀, ghə i loʼ ni dii nduŋŋə ndow tə ghə̂ ghə.

Taytus 1:12

Wù tûm Kəzə̀ u loʼ wə nə̀ à loʼ wù Krit mâ dza isəŋə nə̀, “Ghə̂ a Krit a badla aghəə nəŋə tədzəm, tsɔb u tənyam, loʼ soʼo fə u lay wə nə̀ ghə mey zəənu”