Taytus 1:4 - Kaa n Kəzə̀ n fəghə mə

⁴ N tɔ̀ɔ bə màʼlə kən tə̀ wɔ a Taytus, wə ndzəm loʼnə tə̀ a loʼ waa wuŋ u səŋi wə n təŋkey saa dzəŋi bəghəm tə̀ Klisto. N gɔŋŋə nə̀ Zə̀ kə, tə loʼ Bày nsə Yeso Klisto, tə loʼ Bəghəshi saa, dii wɔ n fə̀ŋ i dzuŋu zə, ghə fuu soʼo wɔ n buulə zə.

Taytus 1:4 Mawu Ofanana

Lukas 2:11

Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto tə loʼ Mûkəbii.

Tùm i dzuŋu zə kuum Yeso Klisto tə Jɔn â tɔɔnə 4:42

Ghə n dza tə̀ weyzən wey nə̀, “Ghey ka maŋ bəghəm dzə bòʼ ghɔɔmə zə, ghey bəghəm n təŋkey, ghey n baa zow ghɔɔmə i wi zə n wû i ghey zə, ghey u koʼ tsu soʼonə nə̀ wù wən ndzəm loʼ bəghəshi ə mbi.”

Roma 1:12

N ləghə ni bə n səə ghaa sey nə̀, mə i loʼ ni təm tawwə ghaa n bəghəm i fə̀ŋ i ghaa, ghaa i mbɔŋ təm tawwə bə soʼo mə n bəghəm i fə̀ŋ zuŋ.

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

2 Kɔrint 12:18

Mə â buʼ kəwɔɔ tə̀ Taytus nə̀ tə bə n sə̀ə ghaa, mə n tûm bə soʼo waazə ə saa u loʼ wə ghi wi. Ghaa dza i dza nə̀ Taytus â nəəbə zə̂nu ghaa ə? N dza tə â bɔɔmə khə kə ndzoʼo fə̀ŋ zey n khənə ə? N dza tə â bɔɔmə khə soʼo ndzoʼo mwam wən n khənə ə?

2 Kɔrint 2:13

À kee loʼ nə̀ mə â nam khə kəfəmmə n fə̀ŋ, n təŋkey n ka koʼ dzə waazə saa Taytus fu tii. Sey mə n dza ndòw tə̀ dzûmə tə Klisto tey fu nə̀ ghə doʼo kədzuŋ, nuu daŋŋə ndòw n mbuʼu Masedonya.

2 Kɔrint 4:13

Màʼlə K-a-zə̀ kə dza nə̀, “N ghɔɔmə n təŋkey mə n bəghəm.” Sey, à loʼ kə n Zay kə bəghəm i zən ghey ghɔɔmənə n təŋkey, ghey n bəghəm.

2 Kɔrint 7:6

À kee loʼ nə̀ Zə̀ kən kə kuunə fə̀ŋ tə ghə̂ ghey ghə khənə chɔdmə, â kuu soʼo fə̀ŋ tə ghey nghee tə â ghəŋənə nə̀ Taytus bə.

2 Kɔrint 8:16

N fuu kəzɔŋŋə tə̀ Zə̀ kə tə ghəŋənə nə̀ Taytus keeli soʼo ndzoʼo fə̀ŋ i dzuŋu zən n khənə ni bə gaamə ghaa.

2 Kɔrint 8:23

Abə Taytus, tə fwaʼa fwaʼ kən n fwaʼanə, fwaʼa dzəŋi soʼo ghi mə ni gaamə ghaa. Waazə a loʼ ghey ghə bwey dzəŋi bənə ghi wi, loʼ ghə̂ ghey dzəŋi u dzûmə tə Klisto tey sày tûm bənə, ghə ghəŋŋə soʼo nə̀ Klisto i keeli kɔʼləmə.

2 Kɔrint 8:6

À wey loʼ ghə i tii zə ghey â buʼ tsu wɔɔ kə n wɔ Taytus nə̀ nghee tə â bùʼ kaʼ tsu dzənə fwaʼ kə dzuŋu kən ni tsowwə ukhəə ghi ghaa, tə mayyə kɔʼ kənu.

Galeshia 2:3

Ghə â ka kee təmi kɔʼ dzə nə ghə teeli khə ni səghə tyi kə Taytus wən tə â loʼ nə ghi mə loʼ sey nə̀ tə way wù Juu.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Efesus 1:2

N gɔŋŋə nə̀ Zə̀ kə, tə loʼnə Bày saa nsə Mûkəbii Yeso Klisto fuu ghaa n ndzuŋ nsə buulə.

Kolose 1:2

N màʼlə kən tɔ̀ɔ bə tə ghə̂ a Kəzə̀ ghən ghə bəghəm nə tə Klisto n naʼ i Kolose. N gɔŋŋə nə̀, Zə̀ kə, tə loʼnə Bày saa, tə fuu ghaa n ndzuŋ nsə buulə zə.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

2 Timoti 1:1

A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.

2 Timoti 1:2

N màʼlə kən tɔ̀ɔ bə tə wɔ a Timoti, wə loʼnə waa wuŋ u tsuʼu wə. N gɔŋŋə nə̀ Zə̀ kə, tə loʼnə Bày saa nsə Yeso Klisto, tə loʼnə Mûkəbii saa, fuu wɔ n daʼa kə, tə keeli fə̀ŋ i dzuŋu zə n kow wɔ, tə ghəŋə soʼo nə̀ wə i muu nə ibuulə.

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.

Taytus 1:3

Ambə nəŋə i kpi tsunə, Zə̀ kə n ghəŋə nə̀ ghə̂ a keeli ghəə a tii ghə n bam i tûm ə wi i dzuŋu zən n naʼlənə. À loʼ Zə̀ kən kə bəghəshiənə saa, kə fuu naŋanə mə n fwaʼ kən nə̀ n fwaʼ.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

2 Pita 1:11

A loʼ n jii i zən Zə̀ kə i fuu ghaa n daʼa kə ni nyi n fɔ̀ɔ wey Mûkəbii saa tə loʼnə Bəghəshi ə saa tɔŋŋə Yeso Klisto saʼanə tii nəŋə tədzəm.

2 Pita 2:20

Abə ghə̂ a nɔb shi bə n wɔ bəb i mbi zən bòʼ nə̀ ghə n keeli Mûkəbii saa nsə bəghəshi ə saa Yeso Klisto, kəm bə bwu dzəŋŋə nyi ndow ni ghəŋŋə ghəə a bəbə ghə, ndzoʼo ghə̂ a tii ghə loʼ ghə̂ a bəbə ghə nya tsəghəshi nghee ghə â loʼ nə̀ ghə ka kam keeli Klisto.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.

1 Jɔn 5:14

Ghey tsəŋə way abə ghey gɔŋŋənə tə Zə̀ kə, n təŋkey ghey khənu nə̀ tə i zownu ghey abə ghey nɔɔnə fə kə ghaa kə tə wi, kə loʼnə n ji zey tə ləghənə.

Màʼlə kə Jud tə̀ ghə̂ a Kəzə̀ ghə 1:3

Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.