Taytus 1:2 - Kaa n Kəzə̀ n fəghə mə

² Isəŋə zən i ghəŋŋənu, ghə i loʼ ni muu, ləmmə tənə nə̀ Zə̀ kə i fuunu ghə n muu zən i may way. Zə̀ kə kən kə badla way ghəə ghə, â təb naŋa saa n muu zə itsali zən tə̀ wi ni bɔm mbi.

Taytus 1:2 Mawu Ofanana

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Malakus 10:17

Nghee tə̀ Yeso nuu ndòwnə n bwey i wi zə, wù loʼ n nyəŋ bə təm bə tənguʼ n tənə wi, bəb tə̀ wi nə̀, “Wu dii u dzuŋu wə, n loʼ ni ji ngee ni keeli muu zə itsali ə?”

Malakus 10:30

tə i doʼlənə sey nə̀ tə ka keeli dzəŋŋə fə u tii wə udzəm fa n mbi i zən, tə buʼ keeli tsəghəshi daŋŋə fə wey tə khənə nya (təndaw, awaazə, ghə zə̂, awaa nsə sum zə. Fə wən udzəm wə i bəghə soʼo n chɔdmə a tii). A i bə n mbi i fəghə zə, tə î keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 10:28

N fuu ghə n muu zə itsali zə, ghə nə̂ kpu koʼ way. Wù umɔʼ tsəm way ni bəkeeli nuu ghə n wɔɔ kuŋ.

Tùm i dzuŋu zə kuum Yeso Klisto tə Jɔn â tɔɔnə 17:2

Bày, wə n fuu wi n daʼa kə nə̀ tə i saʼa ghə̂ ghə adzəm, sey nə̀ tə loʼ ni fuu muu zə itsali tə̀ ghə̂ ghey wə fuu naŋanə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Tùm i dzuŋu zə kuum Yeso Klisto tə Jɔn â tɔɔnə 6:54

Ghə̂ ghey ghə fəənə wû wuŋ wə, mə̂ soʼo kaŋ tuŋ tən mə i fəələnə, i keeli muu zə itsali. Mə̀ i zhəm dzəŋŋə bə ghə n tsuʼ fey mbi nə̂ maynə tii.

Tùm i dzuŋu zə kuum Yeso Klisto tə Jɔn â tɔɔnə 6:68

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Kəfwaʼ 15:18

À wən loʼ ghəə ghən Mûkəbii a ghəŋŋə nə̀ ghə̂ a keeli n num tə ibam tə.’”

Roma 1:2

Tûm i dzuŋu zən n naʼlənə loʼ i zən Zə̀ kə â təb naŋanə, ghəŋə soʼo nə̀ tûm tə wi tɔ̀ɔ naŋa n màʼlə kə wi.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

Roma 5:21

Nghee tə bəb zə â khənə daʼa kə n kow ghə̂ ghə, ney bə ivə, à loʼ soʼo ighələ ndzuŋ ə Kəzə̀ khənə daʼa kə ni ghəŋə nə̀ ghə̂ ghə i loʼ tsətsəghə n sə kə wi ni keeli muu zən i nə may way n bam i Mûkəbii saa Yeso Klisto.

Roma 5:4

Abə saa kownə fə̀ŋ nə ighəə, saa keeli mwam wey Zə̀ kə ləghənə. Ambə saa keeli kɔʼnə mwam u tii wə, wə n ghəŋə nə̀ saa i ləmmə tənə nəŋə zey saa i doʼlə dzəŋinə ghi Zə̀ kə.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

1 Tesalonika 2:15

À loʼ ghə̂ a təjuu ghən ghə â weynə Mûkəbii Yeso nsə tûm tə Kəzə̀ tə, dzùm nuu shi soʼo ghey n ndəmə tə tənaʼa. Ghə ghəŋŋə dzə way ghəə ghey a dzɔbənə n sə K-a-zə̀, ghə u baa soʼo ghə̂ ghə adzəm fa mbi.

1 Tesalonika 5:8

Saa ghən saa loʼnə ghə̂ ghey ghə loʼnə nə kədaa fəd khə ni khə zuŋ kə umwam. Saa khə ni khə bəghəm i fə̀ŋ nsə ləghə zə tə a loʼ dzə̀ tə tsam kəŋ naŋa muu i saa. Saa khə ni khə tən moʼlə zey nə̀ Zə̀ kə i bəghəshiənu saa tə a loʼ taŋŋə kə tsam ni tsəd tow u ghey.

1 Timoti 6:12

Kwu keeli taw tsu bəghəm i fə̀ŋ zə zə̀. Abə wə ghəŋənə sey, wə i keeli muu zə itsali tə a loʼ naamə kə. Zə̀ kə â sày wɔ nə wə keeli ndzoʼo muu i tii zə n nəŋə zey wə â dzanə nə wə bəghəm tə Klisto n sə kə ndəmə aghə̂.

1 Timoti 6:19

Abə ghə ghəŋŋənə ghəə a dzuŋu ghən, ghə sey bayyə naŋŋə bənə u ghə u dzuŋu n mbi zən i bəghənə, sey ghə i loʼ ni keeli muu zən i ndzəm loʼnə muu zə.

2 Timoti 1:1

A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.

2 Timoti 1:9

Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

2 Timoti 2:13

Abə saa khə way bəghəm i fə̀ŋ zə n kow wi, Tə i nam loʼ kə wù wey tə loʼnə ghii wə, Tə way dzə ni tuu maʼa wû u wi.”

2 Timoti 2:15

Ndəmi tsu wû wə ni doʼo tə a loʼ wù kəfwaʼ wən Zə̀ kə bəghəm naŋanə, ndzoʼo wù kəfwaʼ wey tə dədlə way n tow kə, wù kəfwaʼ wey tə loʼ soʼonə ni tɔʼ tiilə dza tûm zən i loʼnə isəŋə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Taytus 2:7

Wɔ n wû wə wə̀ a Taytus, wə khə ni ghəŋŋə ghəə ghey a dzɔbənə nəŋə tədzəm sey nə̀ ghə loʼ ni koʼ ney kɔʼ mwam u dzuŋu wey wə khənə. Ghəə ghey wə diinə khə ni loʼ isəŋə, kə wə nə səə soʼonə.

Taytus 3:7

sey nə̀, n bam i fə̀ŋ i dzuŋu zən tə khənə, tə i ghəŋə nə̀ saa i loʼ ni doʼo bə tsətsəghə n sə K-a-zə̀, saa i loʼ soʼo ni bə keeli fə wey tə ləghənə ni fuu tə̀ saa nghee saa ləmmə tənə ni keeli muu zə itsali.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Màʼlə kə Jud tə̀ ghə̂ a Kəzə̀ ghə 1:21

Keeli tsu na nə̀ Zə̀ kə ləghənu ghaa nghee ghaa ləmmənə nə̀ Mûkəbii saa Yeso Klisto kwɔɔlə isî n kow ghaa, tə fuu ghaa n muu zən i nə may way.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.