Taytus 1:16 - Kaa n Kəzə̀ n fəghə mə

¹⁶ Ghə maŋa dza nə̀ idzuu nə̀ ghə khənu Zə̀ kə, loʼ sey nə̀ ghəə a ghə a ghəŋŋə a dii bənu nə̀ ghə tuu maʼanu wi. Ghə khə mwam n bəbə mə, zow way tə̀ Zə̀ kə, way soʼo ni ghəŋə ghə i loʼ zə i dzɔbənə.

Taytus 1:16 Mawu Ofanana

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

Efesus 5:6

Kə wù i nəb ghaa n ghɔɔmə i zum zə nə̀ Zə̀ kə i chɔd way ghə̂ ghey ghə ghəŋŋənə ndzoʼo ghəə ghən, n təŋkey, Zə̀ kə î chɔdlɔnu ghə̂ ghey ghə naŋŋə way laŋ u wi wə.

1 Timoti 1:9

Saa khə soʼonu nə Zə̀ kə ka laŋ kə ghəŋə dzə tə ghə̂ ghən ghə loʼ tsətsəghə. Â fəd loʼ tə ghə̂ ghən ghə bwuulə maʼa laŋ kə nsə ghə̂ ghey ghə ney way n wɔ Zə̀ kə, ghə̂ ghən ghə khə way Zə̀ kə nsə ghə̂ a bəbə ghə, ghə̂ ghən ghə khə way Zay kə Zow kə nsə ghə̂ ghən ghə ngɔɔmə way Zə̀ kə, ghə̂ ghən ghə weyyənə ghə bày a ghə ghə nkee ghə này ghə ghə, ghə̂ ghən ghə weyyənə ghə̂ ghə.

1 Timoti 5:8

Abə wù laalə way tə tyəm a ndaw a wi ghə, a ka tsəm dza ghə̂ ghey ghə muunə n ndaw ghi wi, i sey diinə tə kəm bəghəm dzə way tə Klisto, tə u bəb tsəghəshi soʼonə wù wən tə ka bəghəm tə Klisto.

2 Timoti 3:17

Zə̀ kə ney ghɔɔmə i wi zən ni tɔʼ bayyə ghə̂ a wi tii ni fwaʼ fwaʼa tə wi tə dzuŋu tə tədzəm.

Taytus 3:1

Zəŋŋə ndow ghə̂ ghə ghə̀ a Taytus nə ghə i zow tə̀ ghə̂ ghey ghə saʼanə naʼ zə nsə ghə̂ ghən ghə loʼnə tow wə, naŋŋə soʼo laŋ u ghə. Ghə i ləmmə tənə kə ni ghəŋə ghəə zey i dzɔbənə nəŋə tədzəm.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

1 Jɔn 2:4

Wù wən tə dzanə, “N khənu wi.” Kee fədlə ghəŋŋə way ghəə ghey tə dzanə, tə sey loʼ wù badla wə aghəə wə, isəŋə i loʼ zə u way soʼo n kow wù tii.

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Chi dii 21:27

Fə kə dzəə kə loʼ kə nə nyi koʼ way n naʼ i tii zə, nkee wù wən tə ghəŋŋə ləbi tə aghəə nkee ghəə tow kə dədlə kə nkee ghə̂ a badla ghə aghəə ghə. A fəd loʼ ghə̂ ghən zəd a ghə tɔ̀ɔ doʼo n màʼlə kə Waa Nji key, ghə̂ ghey ghə i keelinə muu zə itsali zə loʼnə tii, ghə i nyiənə fu n naʼ i tii zə.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”