Taytus 1:10 - Kaa n Kəzə̀ n fəghə mə

¹⁰ N dza sey n təŋkey ndzoʼo ghə̂ ghey ghə tuu maʼanə tûm i tii zə ndəŋ loʼnu, a ka ndɔm dza ghə̂ a Təjuu ghən ghə təmi taw kɔʼnə nə̀ ghə khə ni teeli səghə tyi kə wù tə̀ wi ni keeli ibəghəshi. Ghə tuu ni zow tə̀ ghə̂ ghey ghə loʼnə tow wə, nəbə kaabə tsə soʼo aghə̂ nə təghɔɔmə nə̀ tə way ni gaamə wù n ghə i loʼ zə.

Taytus 1:10 Mawu Ofanana

Matyo 23:14

[Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa tsii ghey a kpusə, nəəbə zə̂ə fə̂ u ghə. Gɔŋŋə daabə tə̀ ghə̂ a koʼ tsu nə̀ ghaa khənu ni gɔŋŋə. Ngoʼo ghaa î tsəghəshiə i ghə̂ a loʼ ghey.]

Kəfwaʼ 11:2

Ambə Pita ndownə n Yerosalem, dzûmə tə Klisto tən tə â taʼanə n ghəə a səghə a kətyi ghə, n kee khə̂mə wi dza nə̀,

Kəfwaʼ 15:1

Ghə̂ a loʼ ghə n nuu bə n mboʼo Judeya ndow bə n naʼ i Antyɔk, zey ndow ni dii aghəə tə dzûmə tə Klisto tə, dza tə ghə nə̀, “Abə ghə ka səghə tyi u ghaa tə laŋ kə Mushi kə diinə, ghaa i keeli way bəghəshi zə.”

Kəfwaʼ 15:24

Ghey n zow nə̀ ghə̂ a loʼ ghə â shi kɔʼ fa n fəŋŋə kə ghey bə fuu ghaa n chɔd wə, fwɔd soʼo tɔb u ghaa nə̀ ghaa khə ni səghə utyi. Ghey dza i dza bə tə ghaa nə̀, â ka tûm dzə ghey ghə.

Kəfwaʼ 20:29

N khənu nə̀ abə mə i zəghə tsunə ghaa, ghə̂ a loʼ ghə i bəghənu tə a loʼ ubəghə, ghə bə saʼa maʼa tsu ghaa.

Galeshia 2:4

Ghə nəb ityim a loʼ ghə n nyi bə n fəŋŋə kə ghey tə a loʼ ghə̂ a tətsìi. Ghə â bə ni tsi koʼ muu i dzuŋu zən ghey khənə nghee ghey loʼnə nə kəfə kəmɔʼ ghi Yeso Klisto. Ghə â ləghə ni ghəŋə nə̀ ghey doʼo ukɔd n laŋ u ghə̂ a Təjuu.

Galeshia 3:1

Ghaa ghə̂ a Galeshya ghən, ghaa ngii laʼlənu! À ghaa ləŋ naŋa ndee? N dza ghə mâ mgbaŋ tiilə dìi bə zuŋ key ghə â baa Yeso Klisto tii n zat kə fəkaʼ a?

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

1 Timoti 1:4

Dza ndow tə ghə nə̀ ghə buu naŋa ni taŋŋə kaabə zəzəə n wey mey tɔb u loʼ u way tii nsə ni taŋŋə zəd a ghə bày bày a ghə ghə. Ghəə a tii a ghəŋŋənu ghə n maŋa fəə adzuu nə kənunu. Ghəə a tii a gaamə way wù nə̀ tə fwaʼ fwaʼ K-a-zə̀, loʼ sey nə̀ a loʼ kə wù wey tə bəghəmnə tə̀ Zə̀ kə, tə loʼnə ni fwaʼ fwaʼ kə tii kə.

1 Timoti 1:6

Ghə̂ a loʼ ghə n zəghə maʼa ghəə ghən, fəd nyi ndow ni ghɔɔmə kaabə ghɔɔmə i laʼlə zə.

1 Timoti 1:9

Saa khə soʼonu nə Zə̀ kə ka laŋ kə ghəŋə dzə tə ghə̂ ghən ghə loʼ tsətsəghə. Â fəd loʼ tə ghə̂ ghən ghə bwuulə maʼa laŋ kə nsə ghə̂ ghey ghə ney way n wɔ Zə̀ kə, ghə̂ ghən ghə khə way Zə̀ kə nsə ghə̂ a bəbə ghə, ghə̂ ghən ghə khə way Zay kə Zow kə nsə ghə̂ ghən ghə ngɔɔmə way Zə̀ kə, ghə̂ ghən ghə weyyənə ghə bày a ghə ghə nkee ghə này ghə ghə, ghə̂ ghən ghə weyyənə ghə̂ ghə.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

2 Timoti 4:4

Ghə nə tuu maʼa ni zəllə ghɔɔmə i Kəzə̀ zən i loʼnə isəŋə, ghə nə fədlə fuu may ndow kə tuŋŋə u ghə wə n zəzəə n wey mən n maŋ loʼnə kənunu.

Taytus 1:6

Wù wey tə loʼnə Ngəd n dzəŋi kə dzûmə tə Klisto khə ni loʼ wù wey tə loʼnə tsətsəghə nə̀ tə khə way bwu i loʼ zə. Tə khə ni khə kə wey umɔʼ. Waa a wi a khə ni loʼ dzûmə tə Klisto tə, nyey way, taw soʼo way n tow kə.

Jems 1:26

Wù wey tə moʼlənə nə̀ i ghəŋŋə ghəə ghey a kpiilənə n sə K-a-zə̀ nə̀ tə way ni kəmə naŋa dzuu i wi, tə maŋa nəbə wû u wi, ghəə a Kəzə̀ a wi a tii ghə u maŋ loʼnə kənunu.

1 Jɔn 2:18

Waa ghuŋ a dzuŋu ghə, a wən loʼ nəŋə zən mbi may bə nə tii. Ghaa n zow nə̀ wù təngəmə ə Klisto bəghənu. Nyisa wən, ndəmə ghə̂ a təngəmə a Klisto ghə n baa bə. À wən loʼ jìi zey saa i keelinə tii nə nəŋə zey mbi i maynə zə n kpi.

1 Jɔn 2:4

Wù wən tə dzanə, “N khənu wi.” Kee fədlə ghəŋŋə way ghəə ghey tə dzanə, tə sey loʼ wù badla wə aghəə wə, isəŋə i loʼ zə u way soʼo n kow wù tii.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

Chi dii 2:14

Sə fə aghəə fə loʼ fə loʼnu ghaa ghəŋŋənə nə̀ n ləghə way. Ghə̂ a loʼ a loʼnu n fəŋŋə kə ghaa ghə dzûmənə ghəə ghey Balam diinə. Balam â dii Balak nghee tə loʼ ni sìi ndzəŋ ghə̂ ghə Izree tii n ghəə a bəbə ghə, nə̀ tə nəəbə tsu ghə nə̀ ghə zə̂ fəzəə wən ghə fəələnə tə a loʼ umaʼlə tə muʼu mə, nsə nə ghə i ghəŋŋə ghəə a laŋŋə ghə.

Chi dii 2:6

Wə kee khənu ghə i dzuŋu i loʼ zə wə ghəŋŋənə. Wə baa ghəə ghey dzûmə tə Nikolus tə ghəŋŋənə, ighələ tə n baa soʼonə.