Roma 3:2 - Kaa n Kəzə̀ n fəghə mə

² Ndəmə ndəmə tə aghəə tə tsəm loʼnu wù keelinə abə tə loʼnə wù Juu. Ghə i səŋi zə n ghəə a tii ghə loʼ nə̀, Zə̀ kə â fuu naŋa ghɔɔmə i wi tə ghə̂ a Təjuu ghə.

Roma 3:2 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Kəfwaʼ 7:38

À loʼ wi tə â loʼnə ghi ghə̂ ghə Izree ghə n nəŋə zey ghə â zuŋŋə doʼonə n mbvən ə ntsaŋ. Tə â loʼ fu, ghə bày bày a saa ghə n loʼ fu, tsəndəghə zey zə â ghɔɔmənə tə wi n kaʼ u Sinay n loʼ soʼo fu. Â loʼ fu n Kaʼ u Sinay tə â ney kɔʼnə ghɔɔmə i Kəzə̀ zən i ghəŋŋə nə̀ ghə̂ a keeli muu zə itsali ni fuu bə tə saa.

Roma 1:2

Tûm i dzuŋu zən n naʼlənə loʼ i zən Zə̀ kə â təb naŋanə, ghəŋə soʼo nə̀ tûm tə wi tɔ̀ɔ naŋa n màʼlə kə wi.

Roma 2:18

Ghaa khənu ghəə zey Zə̀ kə ləghənə nə̀ ghaa ghəŋə, ghaa u khə soʼo ghəə zey i kpiilənə ni ghəŋə n təŋkey ghə n dii ghaa n laŋ kə Mushi kə.

Roma 3:1

Wu loʼ loʼ ni bəb nə̀, “À loʼ ghə i dzuŋu i ghaa zə wù keelinə abə tə loʼnə wù Juu tsəghəshi wù wey tə way wù Juu ə? Nkee à loʼ naamə kə ghaa kə wù keelinə abə ghə səghə tsunə tyi kə wi kə ə?”

Roma 3:3

Ney kɔʼ na nə̀ ghə̂ a Təjuu a loʼ ghə a tɔʼɔ naŋŋə way ghɔɔmə i ghə zə, i sey diinu nə̀ Zə̀ kə i ghəŋə way ghəə zey tə â bəghəm naŋa nə̀ tə i ghəŋŋənu ə?

Roma 9:4

Ghə loʼ ghə̂ ghə Izree ghən Zə̀ kə â sàynə ghə nə̀ ghə doʼo waa a wi. Tə u dii bə kɔʼlə n wi mə tə ghə. Zə̀ kə â zə̂ nkaa ghi ghə, fuu ghə n laŋ u wi wə, ghəŋə nə̀ ghə i ngɔɔmə wi n jìi zey i kpiinə. À loʼ tə ghə, Zə̀ kə â təb naŋanə ghəə ghə n ndəm.

1 Kɔrint 9:17

Abə à mə loʼ nə̀ a tsə̀m kɔʼ mə ni naʼlənə tûm i dzuŋu zən, tə n mə moʼlə nə̀ ghaa khə ni tsə mə n fwaʼ kə tii kə. À fa kee loʼ nə̀ a ka tsəm dzə mə ni fwaʼ fwaʼ kən, à loʼ Kəzə̀ kə sàynə mə nə̀ n fwaʼ fwaʼ kən tə fuu naŋanə tə̀ mə.

2 Kɔrint 5:19

Sey, à loʼ n bam i Klisto Zə̀ kə təmdzəŋi bənə mbi idzəm ghi wi, nə̀ tə ka ney dzə bəb i ghə zə n taŋ. À loʼ wi tə fuunə ghey n tûm zən ghey naʼlənə. Tûm tii təmə dzəŋi naŋŋə bə aghə̂ ghi Zə̀ kə.

Galeshia 2:7

Ghə n fəd koʼ keeli bə nə Zə̀ kə n sày mə nə n naʼa tûm i dzuŋu zə tə ghə̂ ghən ghə way ghə̂ a Təjuu ghə, ighələ tə̀ tə sàynə Pita nə tə naʼa tûm i dzuŋu zə tə ghə̂ a Təjuu ghə.

1 Timoti 6:20

Timoti, tɔʼɔ kwu keeli fə key Zə̀ kə fuu naŋanə tə wɔ nə̀ wə i keyyə. Kə wə nə zəllənə ghɔɔmə tən tə fuu way ngɔɔmə zə tə Zə̀ kə nsə ghɔɔmə tə laʼlə tən ghə̂ a loʼ a dza nə̀ a loʼ utɔb loʼ sey nə̀ à way dzə utɔb.

Hibru 5:12

Ghaa mə khə ni loʼ ghə̂ a dii ghə nya. À fa kee loʼ nə̀ wù loʼ khə ni bə faalə dii kpiʼi bə ghaa n ghəə a sə isə ghə n ghɔɔmə i Kəzə̀. Ghaa fa nam loʼ kə tə̀ a loʼ waa a buu ghə, ghə nam nyɔŋɔnə ghii zə, loʼ sey nə̀ ghaa mə khə ni zə̂ə fəzəə u taw wə.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”

Chi dii 22:6

Tsəndəghə Kəzə̀ zey n dza bə tə mə nə̀, “Ghɔɔmə zən loʼ ghɔɔmə zən ghə̂ a loʼ gaʼ fə̀ŋ tii, zə a loʼ soʼo isəŋə. Mûkəbii, Zə̀ kən kə ghəŋŋənə nə̀ Zay kə wi kə dii ghəə ghə tə tûm tə Kəzə̀ tə. Tə n tûm bə tsəndəghə ə wi nə tə bə dii tə ghə̂ a kəfwaʼ a wi ghə, ghəə zey i khə ni teeli kuʼlə ney kəbənə.”