Matyo 8:2 - Kaa n Kəzə̀ n fəghə mə

² Wù ukə̀m u loʼ wə n bə təm bə tənguʼ n tənə wi dza tə̀ wi nə̀, “Mûkəbii, abə wə̀ ləghənə, wə loʼ ni ghəŋə mə nə̀ n taw.”

Matyo 8:2 Mawu Ofanana

Matyo 10:8

I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu.

Matyo 13:58

Tə n ka ngii dii ghəə a faalə ghə fu, nghee ghə â khə way bəghəm fə̀ŋ zə n ghəə a wi.

Matyo 14:33

Ngəd tey tə â loʼnə tii nə kəfə̀n n ngɔɔmə ndòw wi dza nə̀, “Wə ndzəm loʼ Waa Kəzə̀.”

Matyo 15:25

Weyzən ə tii n fəd bə təm bə tənguʼ n tənə Yeso, dza tə̀ wi nə̀, “Mûkəbii, gaamə mə.”

Matyo 18:26

Wù kəfwaʼ wey n təm ndòw tənguʼ n tənə də̀ŋ key, buʼ wi n wɔɔ kə dza nə̀, ‘Fuu kpiʼi tsu mə n nyaŋi fə inəŋə fə a mûkəbii, mə i tsəə maynu wɔ.’

Matyo 2:11

Ghə n nyi ndòw fu n ndaw, koʼ tsu nay waa, tɔŋŋə Maliya ghî waa tii. Ghə n təm ndòw tənguʼ n tənə wi, ngɔɔmə wi, daŋŋə shiələ bə fə wey ghə mə bənə n ghii wə, itsàa, nsə nəŋ zə, nsə mmvə n ləmmə n loʼ mə, ghə tɔŋŋənə nə̀ a loʼ “Maya.”

Matyo 20:20

Sey, này waa a Zebedi n ndòw bə n səə Yeso ghi waa a wi ghey abəghə, təm ndòw tənguʼ n tənə wi, nɔɔ ndòw wi n ghə i loʼ zə.

Matyo 26:6

Nya Yeso n loʼ n Betani, n ndaw Shimun tə â loʼ tsənə wù ukə̀m.

Matyo 28:17

Ambə ghə ndownə fu, ghə n koʼ tsu wi, ghə ngɔɔmə wi. À loʼ ghə n nam məʼlə nə̀ a təmmə loʼ kənu wi ə?

Matyo 28:9

Nghee tə̀ ghə ndownə, ghə n taa fəmi kɔʼ Yeso, tə n dza tə̀ ghə nə̀, “Buulə zə i loʼ ghi ghaa.” Ghə n bə bwu kwu bə fuu i wi, ngɔɔmə ndow wi.

Matyo 4:9

dza tə̀ wi nə̀, “Nàʼa tən tədzə̀m sa, mə i fuunu tə̀ wɔ abə wə təm bənə nguʼ tə n tənə mə, ngɔɔmə bə mə.”

Matyo 8:1

Ambə Yeso nuu shi tsu bənə nə ukaʼ, nɔɔ kə aghə̂ kə n dzûmə bə wi.

Matyo 8:25

Ngəd tə wi tə n ndòw zhim nuu kɔʼ wi, dza tə̀ wi nə̀, “Bəghəshi ghey a Mûkəbii, ghey i nay kənu!”

Matyo 9:18

Nghee Yeso sə̀ nam khəə ghəə ghə, a n dza i koʼ, wù nii u loʼ wə n ndaw kədzəŋi ə ghə̂ a Təjuu n shi ndòw, nyaʼa ndòw n tənə wi, dza tə̀ wi nə̀, “Waa wuŋ u zən u sa kuʼlə kpu tsunu, kee bə mɔm tsu kə wi n tuʼ i mɔm zə, tə i taw kɔʼ.”

Lukas 4:27

Ghə̂ ghə ukə̀m ghə â kə̀mə̀nu n naʼ zə Izree n tsuʼu n wù tûm Kəzə̀ Elisha, Zə̀ kə n ka kee baŋŋə dzə wù ghə umɔ̀ tsəghəshiə way Naman wù Sirya.”

Tùm i dzuŋu zə kuum Yeso Klisto tə Jɔn â tɔɔnə 9:38

Wù wey n dza, “Mûkəbii, n bəghəmnu.” Tə n təm ndòw tənguʼ n tənə Yeso, ngɔɔmə wi.

Kəfwaʼ 10:14

Pita n beeli ndow wi nə̀, “Ngaŋ a Mûkəbii, n ka kam zə̂ koʼ tsə fə kə loʼ kə nə̀ kə dzəənu nkee kə key laŋ kə ghə̂ Təjuu kə tuunə nə̀ kə ghə nə̂ zə̂ənə.”

Kəfwaʼ 10:25

Nghee Pita nyiə ndownə n ndaw, Kɔnilus n kpii ney bə wi, təm ndow tənguʼ n tənnə wi, fuu ndow wi n ngɔɔmə zə.

1 Kɔrint 14:25

I loʼ sey n təŋkey, ghəə a kələm ghey n fə̀ŋ tə ghə n doʼo bə n mgbaŋ. Sey ghə i təm ndow tənguʼ aghəd, ghə fuu nkɔʼlə tə̀ Zə̀ kə, ghə i dza shiə bə n mgbaŋ nə̀, “Zə̀ kə ndzəm loʼnu n fəŋŋə kə ghaa!”

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”