Matyo 7:2 - Kaa n Kəzə̀ n fəghə mə

² N təŋkey, jìi zey wə̀ saʼanə nuu tii, à loʼ soʼo sey Zə̀ kə î saʼanə wɔ. Laŋ wey wə neynə ni saʼ wù nuu tii, à loʼ soʼo laŋ u tii wə Zə̀ kə i neynə ni saʼ wɔ tii.

Matyo 7:2 Mawu Ofanana

Matyo 6:14

Abə ghaa neyzəənə bəb zə aghə̂ zə, Bày ghaa idəŋ î neyzəə soʼo bəb i ghaa.

Malakus 4:24

Yeso n kəm dza ndòw tə̀ ghə nə̀, “Ney na ghə̂mə zə n ndzoʼo ghəə ghey ghaa zownə. N təŋkey ndzoʼo jìi zey wə neynə ni saʼ ghə̂ a loʼ ghə tii, a loʼ soʼo i ghi Zə̀ kə î neynə ni saʼwɔ. Tə i buʼu ney inəŋə ni saʼ wɔ tsəghəshi ghə̂ a loʼ ghey.

Lukas 6:38

I fuu ndòw na fə̂ wə tə̀ ghə̂ ghə, Zə̀ kə i fu dzəŋə tə̀ ghaa n fəŋ i dzuŋu zə, ghə i mən nyi tsu, ghə soʼlə tsu, ghə kuu luulə kɔʼ sa, wə i shiə a bii, n təŋkey fòʼ zey wə̀ fuu shiənə tii, a loʼ soʼo n foʼo tii Zə̀ kə i fuunə tə̀ wɔ.”

2 Kɔrint 9:6

Keeli tsu na nə̀, Wù wey tə təmnə ndzoʼ tə fənyaŋi, tə i kpey soʼo fənyaŋi, wù wey tə ndəŋ təmnə ndzoʼ tə, tə i ndəŋə kpey soʼonu.

Jems 2:13

N sey dza n təŋkey Zə̀ kə i kwɔɔlə way sii zə n kow wù wey tə saʼanə nə tə kwɔɔlə way sii zə. Isəŋə loʼ nə̀ sî i kwɔɔlə i Kəzə̀ i bə kəsə abə tə saʼanə.

Chi dii 18:6

Ghaa ghəŋə ndow aghəə tə wi, ighələ tə̀ tə â ghəŋŋənə n kow ghaa, Ghaa tsə dzəŋŋə ndow wi tənəŋə təbəghə tsəghəshi nghee tə â ghəŋənə tə ghaa. Ghaa kuu tsu wɔɔ nlə ə wi i taw tsəghə tsu i zey tə â fuunə tə̀ ghaa nə tənəŋə təbəghə, Ghaa fuu ndow tə̀ wi.