Matyo 4:3 - Kaa n Kəzə̀ n fəghə mə

³ Satan n ndòw bə, zey ni mɔm koʼ wi, dza tə̀ wi nə̀, “Abə wə ndzəm loʼnə Waa Kəzə̀, dza tsu nə̀ tay ghən a fəd doʼo kɔʼ baa kə nkala.”

Matyo 4:3 Mawu Ofanana

Matyo 14:33

Ngəd tey tə â loʼnə tii nə kəfə̀n n ngɔɔmə ndòw wi dza nə̀, “Wə ndzəm loʼ Waa Kəzə̀.”

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 26:63

Yeso n zow kə mɔŋ. Fɔɔngili u nii nii wə n dza kpiʼi tsu tə̀ wi nə̀, “N bəbə bə tə wɔ n zəd i Zə̀ kən kə loʼnə utaw nə̀ wə̀ dza bə tə̀ ghey nə̀, wə̀ loʼ Klisto Waa Kəzə̀ ə?”

Matyo 3:17

Ghə n zow dzə̂ i loʼ zə i ghɔɔmə shiə tsu bənə n bikighow dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə.”

Malakus 1:1

À wən loʼ nghee tə tûm i dzuŋu zə bòʼ Yeso Klisto, Waa Kəzə̀ â kaʼnə tii.

Malakus 3:11

Nəŋə tədzəm abə zay u bəbə u koʼ tsunə wi, ghə n bwù bə aghəd, dey shi kɔʼ n dzə̀ i taw zə nə̀, “wə loʼ Waa Kəzə̀!”

Malakus 5:7

Tə n buʼ shi kɔʼ kəbɔŋ idəŋ dza nə̀, “Yeso, Waa Zaamə mbi, wə dza i ji ngee ghi mə ə? N buʼu kəwɔɔ tə̀ wɔ n zəd i Kəzə̀, kə wə nə chɔdlɔnə mə.”

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 22:70

Ghə n dzəŋi fuʼ bəb ndow tə wi nə̀, “wə fey nya dza wə loʼ waa Kəzə̀ ə?” Tə n beeli ndòw ghə nə̀, “À loʼ sey tə ghaa dzanə.”

Lukas 4:3

Vəətsəə ghə n dza ndòw tə̀ wi nə̀, “Abə wə loʼnə Waa Kəzə̀, dza ndòw tə̀ tay zən nə̀ i fəd kɔʼ nə kəbaa, wə zə̂.”

Lukas 4:41

Vəətsəə ghə n maŋa shiə nuulə n kow ndəmə aghə̂, buʼlə nbɔŋ dza, “Wə loʼ waa Kəzə̀.” Yeso n kii naŋa ndòw ghə, tsəmə bəghəm way nə̀ ghə ghɔɔmə shi kɔʼ, n təŋkey ghə â khənu nə̀ tə loʼ Klisto.

Lukas 4:9

Vəətsəə ghə n ney ndòw wi n Yerosalem. Ghə n ndòw təmi tsu n gɔŋ kə ndaw kə Ndaw Kəzə̀ i nii zə n Yerosalem. Vəətsəə ghə n dza tə wi nə̀, “Abə wə loʼnə Waa Kəzə̀, taa tsu ndòw aghəd,

Tùm i dzuŋu zə kuum Yeso Klisto tə Jɔn â tɔɔnə 1:34

Jɔn n dza guŋŋə kɔʼ tə̀ ghə nə̀, “Mə n ndzəm koʼ ghəə a tii ghə, n fa ndzəmə dza bə tə ghaa nə̀, a wən loʼ Waa Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 1:49

Natanyə n beeli ndòw wi dza nə̀, “Wù dii wə, wə̀ ndzəm loʼ Waa Kəzə̀! Wə̀ loʼ də̀ŋ kə naʼ zə Izree!”

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 9:35

Yeso n zow tsu nə̀ ghə n dzum shi wù wey n Ndaw kədzəŋi. Ambə Yeso ndòw koʼ tsunə wi, tə n bəb ndòw tə̀ wi nə̀, “Wə̀ bəghəm fuunu tə̀ Waa wù sɔŋtsuʼ ə?”

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

1 Tesalonika 3:5

À wey loʼ ghə i tii zə mə â koʼ tsunə nə̀ i dzɔbənu tə mə ni tûm bə Timoti n təŋkey, mə â kəm way ni kow fə̀ŋ. Sey, mə n tûm bə Timoti nə̀ tə bə koʼ tsu nə̀ ghaa loʼ ngee n bəghəm i fə̀ŋ i ghaa. Mə â tsəŋənu nə̀ n nəŋə i loʼ i, vəətsəə ghə n ghaa nəb fuu nə̀ ghaa bwu n ghəə a bəbə ghə ni ghəŋə nə̀ fwaʼ kə ghey kədzəm kə maŋ doʼo kɔʼ kənunu.

Hibru 12:16

Kə wù ghaa u loʼ u nə ghəŋŋə ghəə a laŋŋə ghə, kə wù ghaa u loʼ u doʼlə nə̀ tə khə way Zə̀ kə tə a loʼ Isaw wən tə â fìinə daʼa wey tə â shi bə n ghii wə tə̀ a loʼ waa u sə isə wə n nəŋə i zəə zə imɔʼ.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

Hibru 7:3

Luʼu kə loʼ kə way dzə ghə tɔ̀ɔ naŋanə wù wey tə̀ loʼnə bày Mekisedek, này wi nkee sali ndaw zey tə â shinə tii. Wù loʼ way dzə tə khənə tsuʼ fey ghə â jinə wi tii nkee tsuʼ fey tə â kpunə tii. Tə bɔɔmə fiilə kə waa Kəzə̀, loʼ soʼo fɔɔngili nə tənəŋə tədzəm.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.