Matyo 22:11 - Kaa n Kəzə̀ n fəghə mə

¹¹ Ambə də̀ŋ key bənə ni bə koʼ ghə̂ ghey ghə â bənə, tə n bə koʼ tsu wù loʼ nə̀ tə ka dzəŋə ndzə tə ney zə iwû tə.

Matyo 22:11 Mawu Ofanana

Matyo 13:30

Zəghə ghə dzəŋi nyim ndow kənu, a nə loʼ kə n nəŋə i kpey zə, n nə dzanə tə̀ ghə̂ a kpey ghə nə̀ ghə buʼ suulə kow naŋa kɔʼ dzə zhìi u tii wə nə ukaʼ ni kpəghə maʼa, ghə daŋŋə kpèy kɔʼ asəb, ghə bə fən kɔʼlə naŋa kɔʼ nə utaa.’”

Matyo 22:10

Ghə̂ a kəfwaʼ ghey n ndòw soʼo, tɔŋɔ bə ghə̂ ghey ghə â koʼnə. Ghə̂ a dzuŋu ghə nsə ghə̂ a bəbə ghə, ndaw kəzə̂ zey n luu tsu n wɔ ghə̂ ghə.

Matyo 3:12

Tə khə tən neeli kə wi n wɔɔ ni fəəbə təndzoʼ tii. Tə i fəəbə naŋa ndòw ndzoʼ tə dzuŋu tə nə utaa, tə kàŋ kpəghə maʼa ndòw ghow u tii wə n vəllə wey u nəmmə koʼo tsə way.”

Roma 13:14

Ghaa khə ni fəd ney Mûkəbii Yeso Klisto tə a loʼ ndzə̂ tə tsam tə ghaa. Kə ghaa nə zəghə maʼa soʼonə wû i ghaa zə nə̀ zə i ghəŋŋə ghəə ghey gow uwû ghaa ləghənə.

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

2 Kɔrint 5:3

I loʼ sey n təŋkey, abə saa dzəŋə tsunə wû wə idəŋ wən, saa i ka doʼo n wû i zum zə.

Galeshia 3:27

Ghə̂ ghən adzəm ghə doʼo bənə nə kəfə kəmɔʼ ghi Klisto n mmuu n Kəzə̀ mən ghə â ney kɔʼnə, nya doʼo bə tə a loʼ Klisto.

Efesus 4:24

Ghaa khə ni muu muu i fəghə zə, muu zey i loʼnə tə̀ a loʼ muu i Kəzə̀, sey nə̀, ghaa i ndzəm loʼ tsətsəghə, zow n muu i ghaa.

Chi dii 16:15

Mûkəbii n dza nə̀, “Koʼo, n bəghə tə a loʼ wù tsɔŋɔ! Zə̀ kə i buulə wù wən tə i bweeli way, tə i loʼ tən soʼonə n ndzə̂ tə wi tə nə uwû, sey nə̀ kə tə i bwey kaabə n wû u zum wə, kə tow kə i dəd soʼo wi nə̀ tə loʼ ghi wuŋ wə bii.”

Chi dii 19:8

Ghə n fuu wi n ndzə̂ tə niilə nə̀ tə zowwə tənə tsaʼi tsaʼi nə̀ tə dzəŋə.” (Ndzə̂ tə niilə tən loʼ ghəə a dzuŋu ghən ghə̂ a Kəzə̀ a ghəŋŋənə).

Chi dii 2:23

Mə i wey maʼa tsu soʼo ghə̂ ghey adzəm ghə neynə ghow kə ibwey kə wi kə. Dzəŋi u dzûmə tə Klisto udzəm i keeli tsu nə̀ à loʼ mə n khənə fə̀ŋ tə aghə̂ nsə moʼlə tə aghə̂ tə tədzəm. Ghə i keeli soʼo nə̀ mə i tsəə dzəŋŋə kə kay wù ghə n fə key kə kpiilənə ghi ghəə a wi a ghəŋŋə ghə.

Chi dii 3:18

N tsə̀ə bə wɔ nə̀ wə zuu kɔʼ itsàa n wɔ mə nə ghə n tsə nə kənam, sey nə̀, wə i kûm tə̀ wə zuu ndzə tə fəmə tə ni dzəŋə n wû wə ni tsəd naŋa wû wə u zum wə. Wə zuu soʼo utey ni zɔʼ n sə̂ ghə tə wə i tɔʼɔ koʼo luʼu tə.