Matyo 10:3 - Kaa n Kəzə̀ n fəghə mə

³ Filip nsə Batolomiyo, Thɔmɔs, ghi Matyo tɔŋŋə wù kwɔɔ u kəmàʼlə, Jems, waa Afus, ghi Tadyos.

Matyo 10:3 Mawu Ofanana

Matyo 18:17

Abə tə ka nam zow tə̀ ghaa, ney ndòw ghə i tii zə tə̀ ghə̂ a Ndaw Kəzə̀ ghə, tə ghə saʼ bə. Abə tə ka nam zow tə̀ ghə̂ a Ndaw Kəzə̀ ghə, ney ndòw na wi tə̀ a loʼ wù wey tə ka bəghəm tə Zə̀ kə, nkee wù kwɔɔ u màʼlə kə tsow kə.”

Matyo 27:56

Maliya Magdala n loʼ n fəŋŋə kə ghə, nsə Maliya này Jems nsə Yosef, nsə wey Zebedi.

Matyo 9:9

Yeso n zəghə tsu luʼu key, nghee tə̀ tə ndownə, tə n kòʼ ndow wù kwɔɔ u kəmàʼlə ù loʼ wə ghə â tɔŋŋə nə̀ à loʼ Matyo, nə̀ tə loʼ n luʼu key ghə kwɔɔnə maʼlə kə tsow kə tii. Tə n dza tə̀ wi nə̀, “Dzûmə bə mə.” Matyo n nuu kɔʼ, nuu ndòw n bàa wi.

Malakus 15:40

Gheyzən a loʼ ghə â loʼ fu ghə laalə bənə nə kədaa. Maliya Magdala, Maria nay Jems ghi Yosef, nsə Salome.

Malakus 2:14

Nghee tə̀ tə bwey ndownə, tə n koʼ ndòw Levi waa Afus tə doʼnə n luʼu k-a-fwaʼ kə wi kə kwɔɔ kə màʼlə kə tsow kə. Tə n dza ndòw tə̀ wi nə̀, “Dzûmə bə mə.” Levi n bɔɔmə nuu kɔʼ dzûmə ndòw wi.

Malakus 3:18

Andria, Filip, Batolomyo, Matyo, Tɔmɔs, Jems waa Afus, Tadios, Shimun, wù wən tə a taʼa ghi ghə̂ ghən ghə ləghənə naʼ zə,

Lukas 18:10

“Ghə̂ a loʼ ghə â loʼ tsə kənu, tow u ghə ubəghə, umɔʼ n loʼ nə a loʼ wù Falasi, u loʼ wey n loʼ wù kwɔɔ u kəmàʼlə wə, ghə n nuu kɔʼ ndòw n Ndaw Kəzə̀ i nii zə n Yerosalem ni ndòw gɔŋŋə.

Lukas 18:11

Wù Falasi wey n sey təmi ndòw n nəŋə wi, zey ndòw ni gɔŋŋə dza, ‘N fuu bə kəzɔŋŋə tə̀ wɔ a Zə̀ kə, nghee tə n mə̂ə way wù n fə kə, n tsi way wù, n badla way ghəə ghə, n taa zaʼa way wey wuŋ tə ghə̂ a loʼ a ghəŋŋənə. N fuu kəzɔŋŋə tə wɔ nə n way dzə tə̀ a loʼ wù kwɔɔ u kəmàʼlə wey tə teynə fey.

Lukas 18:13

Wù kwɔɔ u kəmàʼlə wey, n fəd tey n ghab kə, buʼu tsəŋə daŋŋə ni laalə kɔʼ idəŋ nə tə n kwu keeli fə̀ŋ ə wi dza, ‘Zə̀ kə, kwɔɔlə sî zə n kow mə, n loʼ wù bəbə wə.’”

Lukas 19:2

Wù kwɔɔ u kəmàʼlə u nii u loʼ wə n loʼ fu ghə â tɔŋŋənə, nə a loʼ Zakiə. Tə n loʼ wù kûm wə.

Lukas 5:27

Ambə ghəə ghən tsəghə tsunə, Yeso n nuu shi bə, bə kòʼ tsu wù kwɔɔ u màʼlə kə tsow kə, ghə â tɔŋŋənə wi nə̀ a loʼ Levi, tə doʼnə n luʼu kə kwɔɔ k-a-màʼlə kə. Yeso n dza tə̀ wi nə̀, “dzûmə bə mə̀.”

Tùm i dzuŋu zə kuum Yeso Klisto tə Jɔn â tɔɔnə 1:48

Natanyə n bəb ndòw tə̀ Yeso nə̀, “Wə kaʼ n ngee ni keeli mə ə?” Yeso n beeli ndòw wi dza nə̀, “Tə̀ Filip ni bə tɔŋɔ wɔ, à mə loʼ nə̀ mə n wɔ koʼ n tənə kaʼ fə fig.”

Tùm i dzuŋu zə kuum Yeso Klisto tə Jɔn â tɔɔnə 11:16

Tɔmɔs, ghə â tɔŋŋə nə̀ à loʼ Ngɔŋmbaa n dza tə̀ ngəd tə loʼ tey nə̀, “Bə̀ na a ndòw ghi wù dìi, nə̀ a loʼ kə ivə, saa i dzəŋŋə kpu ndòw ghi wi.”

Tùm i dzuŋu zə kuum Yeso Klisto tə Jɔn â tɔɔnə 14:22

Judas (à way dzə tə wey ghə â tɔŋŋə nə̀ a loʼ Judas Iskaliɔt.) Tə n bəb ndow tə Yeso nə̀, “Mûkəbii, a loʼ kee wə ləghənə ni dii bə ndzoʼo wù wey wə loʼnə ghii wə tə̀ ghey ngəd tə, kee ləghə way ni dii tə̀ ghə̂ a mbi ghə ə?”

Tùm i dzuŋu zə kuum Yeso Klisto tə Jɔn â tɔɔnə 14:5

Tɔmɔs n bəb ndòw tə̀ Yeso nə̀, “Mûkəbii, ghey khə way luʼu key wə ndownə tii, ghey i bəghə fu nə ghey tsəghə ghee jìi?”

Tùm i dzuŋu zə kuum Yeso Klisto tə Jɔn â tɔɔnə 14:9

Yeso n beeli ndow wi nə̀, “I sey dii nə̀ wɔɔ kə tìi tìi key n doʼo kəŋə bənə fa ghi ghaa a Filip, wə nam məʼlə kə wù wey n loʼnə ghii wə ə? Wù wey tə loʼ nə̀ tə n mə koʼ, tə n koʼ soʼo Bày. À loʼ kee ghaa sə nam dza kə nə̀, ‘Dii bə ghey n Bày ə?’

Tùm i dzuŋu zə kuum Yeso Klisto tə Jɔn â tɔɔnə 21:2

ngəd tə Yeso tə loʼ tə â dzəŋi loʼnu, tɔŋŋə Shimun Pita, Tɔmɔs tɔŋŋə Ngɔŋmbaa, Natanyə tɔŋŋə wû Kana n Galili, waa a Zebedi a num ghə nsə ngəd tə Yeso tə loʼ tə təbəghə.

Kəfwaʼ 1:13

Ambə ghə bə nyi bənə n Yerosalem, ghə n kɔʼ daŋŋə ndow n dzuu i ndaw zey ghə â muunə tii, i doʼo kuulə kɔʼ idəŋ. Ghə̂ ghey ghə â loʼnə fu â loʼ Pita, Jɔn, Jems, Andria, Filip, Tɔmas, Batolomio, Matyo, Jems waa Afus, Shimun, wù wey tə â ngii ləghənə naʼ i wi zə, nsə Judas waa Jems.

Kəfwaʼ 12:17

Tə n foʼlə tsu nə awɔɔ nə ghə doʼo tsu mɔŋ. Sey, tə n tiilə dza ndow tə ghə nghee Mûkəbii ney nuu shi bənə wi tii n ndaw tsaʼ. Tə n dza tə ghə nə̀, “Dza nduŋŋə ndow na ghəə ghən tə Jems nsə dzûmə tə Klisto tə loʼ tey tədzəm.” Nghee tə dza tsunə sey tə n daŋŋə nuu ndow soʼo n luʼu kə nuu kə.

Kəfwaʼ 15:13

Ambə ghə ghɔɔmə may tsunə, Jems n nuu təmi kɔʼ dza nə̀, “Waazə ghə, ghaa zow!

Kəfwaʼ 21:18

Tsətsə wey, ghey n dzəŋi ndow ghi Pɔl ni ndow koʼ Jems. Ngəd tə dzûmə tə Klisto tey fu tədzəm n loʼ soʼo fu.

Galeshia 1:19

Mə â ka koʼ dzə ngəd tə Yeso tə loʼ tey tsəghəshiə way waazə Mûkəbii tɔŋŋə Jems.

Galeshia 2:9

Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.

Jems 1:1

A màʼlə kən tɔ̀ɔ bə mə Jems. N loʼ wù kəfwaʼ tə Zə̀ kə, loʼ soʼo wù kəfwaʼ tə Mûkəbii Yeso Klisto. N tɔ̀ɔ bə tə̀ ghə̂ a Təjuu ghən ghə saali doʼo kaabənə n badla tə mbi tədzəm. N tɔŋɔ zow bə ghaa.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.