Malakus 10:1 - Kaa n Kəzə̀ n fəghə mə

¹ Sey, Yeso n nuu tsu n Kapenum, ndòw n mboʼo Judeya, daŋ shi kɔʼ dzùu Jodan. Nɔɔ kə aghə̂ kə n dzəŋi bə soʼo fu n səə wi. Tə n zey ndòw ni dii ghə n ghəə ghə, tə̀ tə â ghəŋŋə tsənə.

Malakus 10:1 Mawu Ofanana

Matyo 26:55

N nəŋə i tii zə, Yeso n ghɔɔmə ndòw tə̀ nɔɔ kə aghə̂ kə nə̀, “Ghaa fa shi bə n kɔb tə nsə mbaŋ tə ni bə kwu mə, tə̀ a i dza n loʼ wù tsɔŋɔ. Mə â loʼ tsə ghi ghaa n Ndaw Kəzə̀ i nii zə Yerosalem, ghaa n ka kwu mə fu.

Matyo 4:23

Yeso n bwey ngəə tsəghə ndòw mboʼo Galili idzəm, dii ndòw aghəə n Ndaw tə udzəŋi tə ghə̂ a Təjuu, naʼlə ndòw soʼo Tûm i dzuŋu zə bòʼ Fɔɔ u Kəzə̀, baŋŋə ndòw lii tə tədzaŋa tə tədzəm n kow ghə̂ ghə.

Malakus 1:21

Yeso ghi dzûmə tə wi tey təkaykə n nuu ndòw n naʼ i Kapenum. Ambə n tsuʼ inaʼ u ghə, Yeso n ndòw n ndaw kədzəŋi ə ghə̂ ə Təjuu, kaʼ ndòw ni dii aghəə.

Malakus 10:2

Ghə̂ a tə Falasi a loʼ ghə n ndòw bə ni bə mɔm koʼ wi, ghə n bəb ndòw tə̀ wi nə̀, “Laŋ kə saa kə diinu nə̀ wù loʼ ni dzawwə uwû ghi wey wi ə?”

Malakus 12:35

Ambə Yeso diinə n ndaw Kəzə̀ i nii zə n Yerosalem, tə n bəb tsu nə̀, “Ghə̂ a dii a kəlaŋ a loʼ ngee ni dzanə Klisto loʼ waa Devid?

Malakus 14:49

Mə â mgbaŋa dii zeeli aghəə ghi ghaa n ndaw Kəzə̀ i nii zə n Yerosalem, ghaa n way ni kwu mə. A kee loʼ nə̀ ghɔɔmə i Kəzə̀ i teeli khə ni bə doʼo isəŋə.

Malakus 2:13

N tsuʼ fə loʼ fə, Yeso n ndòw soʼo n nguŋ inyi, Nɔɔ kə aghə̂ kə n dzəŋi bə fu n səə wi. Tə n dii ghə n ghəə ghə.

Malakus 4:2

Tə n dii ghə n ndəmə tə aghəə tə n ghɔɔmə i fənkəfən, imɔʼ n loʼ nə̀,

Malakus 6:2

Ambə n tsuʼ inaʼ, tə n dii aghəə n ndaw kədzəŋi ə ghə. Ndəmə aghə̂ ghə n loʼ fu, zəllə ghɔɔmə i wi. Dzuu zə n ngii zum ghə, ghə n bəbə nə̀, “Wù wən zoʼlə bə ghee ghəə ghən ə? Tə nuu bə ghee n ndzoʼo tɔb u wən ə? Tə ghəŋŋə daŋŋə soʼo nfaalə.

Malakus 6:34

Ambə Yeso shi tsunə nə kəfən, koʼ ndòw nɔɔ kə aghə̂ key kə teynə, sî zə n kwu wi n kow ghə, n təŋkey, ghə â loʼ tə̀ a loʼ tənjì nə tə khə way wù baʼa wə. Sey tə n kaʼ ndòw ni dii ghə n ndəmə tə aghəə tə.

Malakus 6:6

Ghə i tii zə n tsəghəshi wi, n təŋkey, ghə̂ ghə inaʼ a wi ghə â khə way bəghəm i fə̀ŋ zə. Yeso n nuu tsu fu, bwey ndow naʼa tə naʼa, dii ndow aghə̂ n ghəə ghə.

Tùm i dzuŋu zə kuum Yeso Klisto tə Jɔn â tɔɔnə 10:40

Yeso n kəm nuu daŋ dzəŋŋə ndòw n nguŋ ə dzùu Jodan i loʼ zey n luʼu key Jɔn â fuunə mmuu n Kəzə̀ mə tii, ndòw doʼo ndòw fu.

Tùm i dzuŋu zə kuum Yeso Klisto tə Jɔn â tɔɔnə 11:7

Ambə tsuʼu n tsəghə tsunə nbəghə, tə n dza tə̀ ngəd tə wi tə nə̀, “Bə̀ na a ndòw dzəŋŋə n Judeya.”

Tùm i dzuŋu zə kuum Yeso Klisto tə Jɔn â tɔɔnə 18:20

Yeso n beeli ndow wi nə̀, “N ghəə ghuŋ ghə â ghɔɔmə shiə bə n mgbaŋ tə̀ ghə̂ a mbi ghə. Mə â dii aghəə n ndaw tə udzəŋi tə ghə̂ a Təjuu nsə n ndaw Kəzə̀ i nii zə n Yerosalem. À wən loʼ luʼu tey ghə̂ a Təjuu adzəm a bə zuŋŋə doʼlənə tii. N ka kam nyì ghɔɔmə koʼ tsə ghə i loʼ zə.