Lukas 9:5 - Kaa n Kəzə̀ n fəghə mə

⁵ Abə ghaa nyi ndòwnə n naʼ i lòʼ zə nə̀ ghə ka ghaa bəghəm naŋa fu, nghee ghaa shiə ndownə, ghaa n buʼ maʼa tsu bvə key n fuu i ghaa ni dii tsu nə̀, ghə ka ghaa bəghəm naŋa fu.”

Lukas 9:5 Mawu Ofanana

Matyo 10:18

Ghə i kwɔɔ ndow ghaa n səə ghə̂ a saʼa ghə inaʼ ghə, nsə də̀ŋ u tənaʼa wə bòʼ mə̀, ghaa i faalə tɔʼ tiilə dza ndòw Tûm i dzuŋu i tii zə tə̀ ghə, nsə tə̀ ghə̂ ghey ghə way ghə̂ a Təjuu ghə.

Malakus 6:11

Abə ghaa bənə n naʼ zey ghə ka bəghəm naŋa ghaa fu, tuu soʼo ni zow tə ghaa, ghaa buʼ maʼa tsu bvə kə naʼ i ghə n fuu i ghaa, tə a loʼ tsəə n ghə i bəbə zey ghə ghəŋənə, ghaa shi nuu n naʼ i tii zə.”

Malakus 9:37

“Wù wey tə kpii neynə waa tə̀ a loʼ u wən n zəd zuŋ, sey kpii ney mə. Wù wey tə kpii neynə mə, ka kad kpii ney dzə mə, tə kpii ney soʼo wù wey tə tûmnə mə̀.”

Lukas 10:16

Wù wey tə zownə tə ghaa, sey zow soʼo tə mə, tə wey tə tuu maʼanə ghaa, sey tuu maʼa soʼo mə. Wù wey tə tuu maʼanə mə, sey tuu maʼa soʼo wù wey tə tûmnə mə.”

Lukas 5:14

Yeso n dza tə wi nə̀, “Kə̂ wə nə dzanə ghə zən i shinə tə̀ wù loʼ, ndow dii wû wə wə̀ tə̀ fɔɔngili, wə fu naamə K-a-zə̀, tə̀ làŋ kə Mushi kə diinə ni dii tsu nə̀ wə n taw, tə ghə̂ adzəm a keeli tsu nə̀ wə nya zownu.”

Lukas 9:4

Nə a loʼ kə n ndaw i ghaa zə ghaa nyi nə̀, doʼo na fu ni ndòw kùm tsuʼ fey ghaa i nuulənə tii.

Lukas 9:48

dza ndòw tə̀ ghə nə̀, “Wù wey tə kpii neynə waa wən n zəd zuŋ, sey kpii ney mə. Wù wey tə kpii neynə mə sey kpii ney soʼo wù wey tə tûmnə mə. Wù wey tə loʼ nə wù kənunu n fəŋŋə kə ghaa, a loʼ wi tə loʼ nə wù nii.”

Kəfwaʼ 13:51

Sey, Pɔl nsə Banabas n buʼ maʼa shi tsu kəvə n fuu i ghə tə a loʼ tsəə ni dii tsu nə̀ Zə̀ kə fəələ n fə̀ŋ ghi ghə. Ghə n daŋŋə nuu ndow i ghə zə nə Ikonum.

Kəfwaʼ 18:6

Ambə ghə̂ a Təjuu khə̂mə ghɔɔmə i Pɔl zə, zey ndow ni kpaalə wi, tə buʼ maʼa tsu kəbvə n ndzə̂ tə wi ni dii tsu nə̀ tə n nyoʼo dzəm tə ghə. Tə n dza tə ghə nə̀, “Və i ghaa i laalə kə ghaa, wɔɔ kuŋ kə way tii. Ni nuu tsu nya ndow isə, mə i tûm i dzuŋu i nya naʼlə kə tə ghə̂ ghən ghə way ghə̂ a Təjuu ghə.”