Lukas 9:44 - Kaa n Kəzə̀ n fəghə mə

⁴⁴ “Kə ghaa nə neyzəənə ghəə zən n ndza n dza bə tə̀ ghaa nya, ghə nə ney tsəʼlə ndòw Waa wù sɔŋtsuʼ n wɔɔ kə ghə̂ a bwû ghə.”

Lukas 9:44 Mawu Ofanana

Matyo 16:21

Sey ni zey tsu n nəŋə i tii zə, Yeso n kaʼ ni dza tə̀ ngəd tə wi tə nə̀, “N khə ni teeli ndòw n Yerosalem, mə i fəghə n wɔɔ kə ngəd tə inaʼ tə, ghə fɔɔngili a nii ghə, nsə ghə̂ a dii a kəlaŋ ghə. Ghə i wey mə, a i bə n bam zə ntsuʼu ntəghə Zə̀ kə i zhəm dzəŋŋə bə mə nə ivə.”

Matyo 26:2

“Ghaa khənu nə̀ a nya doʼo səə kə ntsuʼu nbəghə ni zə̂ Zə̂ kə taa zaʼa kə, ghə i ney fuu tsəghə ndòw Waa Weynum nə̀ ghə baa wi n zat kə fəkaʼ.”

Malakus 8:31

Yeso n kaʼ ndòw ni dii aghəə tə̀ ngəd tə wi tə nghee tə̀ tə khənə ni fəghə, dza tə̀ ghə nə̀, “Waa wù sɔŋtsuʼ khə ni koʼ ndəmə uchɔd, ngəd tə inaʼ, ghə fɔɔngili a nii ghə, nsə ghə̂ a dii a kəlaŋ ghə i tuu maʼa wi. Ghə i wey wi, a i bə tsuʼu n tsəghə tsunə ntəghə, tə i zhəm dzəŋŋə bə nə ivə.”

Malakus 9:31

boʼnə tə â bwey dii ndow ngəd tə wi n ghəə ghə n jìi dza nə̀, “Ghə i ney fuu tsəghə ndòw Waa Wù sɔŋtsuʼ tə̀ ghə̂ ghey ghə i weynə wi. A i bə nə ntsuʼu ntəghə, tə i zhəm dzəŋŋə bə nə ivə.”

Lukas 1:66

Ghə̂ ghey ghə â zownə ghəə a tii ghə, n ney naŋa n fə̀ŋ tə ghə. Ghə n bəbə nə̀ “Waa wən i bəghə doʼlə ndzoʼo wù ghaa wə ə?” Ghə â bəbə sey, n təŋkey, ghə â koʼ tsunə daʼa K-a-zə̀ kə loʼ n kow wi.

Lukas 18:31

Yeso n səŋ təmi ndow ghi tsətəndəghə tə wi tey ighəm nsə ghə̂ ghə abəghə, dza ndow tə ghə nə̀, “A sa ndòw n Yerosalem, ghəə ghey tûm tə Kəzə̀ tə â tɔ̀ɔ naŋanə bòʼ Waa wù sɔŋtsuʼ, khə ni ney kəbənə fu.

Lukas 2:19

Maria, n ney naŋŋə kə ghəə a tii ghə n fəŋ ə wi, moʼlə tənə tsə.

Lukas 2:51

Sey tə n nuu dzəŋŋə ndòw ghi ghə n Nazaled, zow tə ghə. Zə̂ n kee ney naŋŋə kə ghəə a tii ghə adzəm n fə̀ŋ ə wi.

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Lukas 9:22

Tə n kəm dza tə̀ ghə nə̀, “Waa Weynum i teeli fəʼlənu, n ndəmə tə aghə̂, tə̀ ngəd, ghə fɔɔngili a nii ghə, n ghə̂ a dii ghə ulaŋ ghə i tuu maʼa tsu wi, ghə i wey wi, tə i kəm zhəm dzəŋŋə bə nə ntsuʼ ntəghə.”

Tùm i dzuŋu zə kuum Yeso Klisto tə Jɔn â tɔɔnə 16:31

Yeso n bəb ndow tə̀ ghə nə̀, “Ghaa bəghəm fuu dzənu nya a?

Tùm i dzuŋu zə kuum Yeso Klisto tə Jɔn â tɔɔnə 16:4

N ghəə ghən tə̀ ghaa dza naŋa bə, sey nə̀, abə nəŋə i tii zə i bənə tə̀ ghə ni ghəŋə ghəə ghən, ghaa i moʼlə tsu nə̀ n mâ ghaa tyələ naŋa zey. N ka khə dza dzə ghəə ghən tə̀ ghaa nə nzeyyə, n təŋkey, saa â dzəŋi loʼ adzəm.”

Tùm i dzuŋu zə kuum Yeso Klisto tə Jɔn â tɔɔnə 19:11

Yeso n beeli ndow wi nə̀, “Wə way ni keeli kədaʼa n kow mə nə̀ kə ka shi tsu bə n wɔ Zə̀ kə idəŋ kə. À kee loʼ nə̀ a dow tsəghə bəb i wù wey tə ney fu shi bə mə tə̀ ghaa.”

Kəfwaʼ 2:23

Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Hibru 2:1

À wey loʼ ghə i tii zə saa khə ni tɔʼ ney ighə̂mə n ghəə ghən saa zownə. Sey nə̀, kə ghə i loʼ i nə sìi dzəŋŋənə saa.