Lukas 9:26 - Kaa n Kəzə̀ n fəghə mə

²⁶ Wù wey tə i dədlə n tow kə bòʼ mə nsə ghɔɔmə zuŋ zə, Waa wù sɔŋtsuʼ nə dədlə soʼo n tow kə tə wù tii abə tə nə bənə n kɔʼlə n wi mə, nsə kɔʼlə n Bày mə nsə tsətəndəghə tə Kəzə̀ tə zow tə.

Lukas 9:26 Mawu Ofanana

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

Matyo 26:64

Yeso n beeli ndòw wi nə̀, “I loʼ tə̀ wə dzanə. N kee dza bə tə̀ ghaa nə̀, ni nuu tsu nya ndòw isə, ghaa î koʼo Waa Weynum tə doʼnə n kpii u təmə u Kəzə̀ wə, Zə̀ kən kə khənə daʼa wə udzəm. Ghaa i koʼ soʼo tə shiə tsu bənə n bikighow nə təmbaʼ.”

Malakus 8:38

Wù wey tə dədlənə n tow kə bòʼ mə, nsə ghəə ghən n diinə fa n mbi zən nya ghə nəb ityim nsə bəbə bəbə tə aghə̂ tə kəmənə tii, mə, Waa wù sɔŋtsuʼ, mə i dədlə soʼonu n tow kə n kow wi abə mə i dzəŋŋə bənə n ghaʼ i Bày zə nsə tsətəndəghə tə Kəzə̀ tə zow tə.”

Tùm i dzuŋu zə kuum Yeso Klisto tə Jɔn â tɔɔnə 12:43

Ghə â tsəŋə bòʼ nə̀ ghə â ləghə ni keeli kɔʼlə mey ghə̂ a mbi ghə â fuunə, tsəghəshi kɔʼlə mey Zə̀ kə fuunə.

Tùm i dzuŋu zə kuum Yeso Klisto tə Jɔn â tɔɔnə 5:44

Ghaa sə̂ loʼ ni bəghəm ngee abə ghaa ləghənə nə̀ ghə̂ ghə i fuu bə kɔʼlə mə tə̀ ghaa, kəŋə ndòw way kɔʼlə mey n nuu bənə n wɔ Zə̀ kə n nəŋə wi.

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

1 Timoti 5:21

Nghee tə Zə̀ kə, Yeso Klisto nsə tsətəndəghə tə Kəzə̀ tən Zə̀ kə sày kɔʼnə loʼnə tə̀ a loʼ ghə təmi tiillə, n dza bə tə wɔ nə̀ wə dzûmə kɔʼ bə laŋ wən n fuu bənə tə wɔ nə̀ wə sày way wù, laalə soʼo way tûm usə u wù wə abə wə ghəŋŋənə ghəə zə.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 2:12

Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

Hibru 11:26

Tə â ney kɔʼ n fə̀ŋ ə wi nə̀, ni fəghə bòʼ wù wən Zə̀ kə â dza naŋa nə̀ i tûm bənu dzɔb tsəghəshinu fə u dzuŋu wey udzəm u loʼnə n naʼ zə Ijip, bòʼ nə̀, tə â laalə tənə ndow kə naamə key tə i keelinə isə.

Hibru 13:13

Sey, saa ndow n səə wi a bii n mbàa inaʼ, saa ndow boʼo soʼo tow kə dədlə kə tə̀ tə â boʼonə.

Màʼlə kə Jud tə̀ ghə̂ a Kəzə̀ ghə 1:14

Enɔk wən tə â ghəŋə tsunə waa a waa ghə Adam ghə asəghəmbəghə, mâ dza naŋa zey ghəə ghə kuum ndzoʼo ghə̂ ghən nə̀, “Koʼo na! Mûkəbii i bəghə ghi ndəmə kam tə tsətəndəghə tə wi tə zow tə.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.

Chi dii 20:11

Mə n daŋŋə koʼ ndow kuu kə fɔɔ kə nii nii kə fəmə kə nsə wù wey tə doʼnə tii. Ghəlikətsə nsə dəŋ kə n tyi nuu tsu n luʼu key tə loʼnə tii, bùʼ kə n kəm way fu tə ghə.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 3:5

Wù wey tə i taw tsəghənə bəb zə, ghə i lab tsu soʼo wi n ndzə tə fəmə tə tə̀ a loʼ ghə. Mə i zəd maʼa way zəd i wù tii zə n màʼlə kə zəd a ghə̂ ghey ghə i keelinə muu zə itsali zə. Mə i dza ndow n sə kə Bày wuŋ nsə n sə kə tsətəndəghə tə wi nə̀ tə loʼ wù wuŋ.