Lukas 9:22 - Kaa n Kəzə̀ n fəghə mə

²² Tə n kəm dza tə̀ ghə nə̀, “Waa Weynum i teeli fəʼlənu, n ndəmə tə aghə̂, tə̀ ngəd, ghə fɔɔngili a nii ghə, n ghə̂ a dii ghə ulaŋ ghə i tuu maʼa tsu wi, ghə i wey wi, tə i kəm zhəm dzəŋŋə bə nə ntsuʼ ntəghə.”

Lukas 9:22 Mawu Ofanana

Matyo 17:12

Sey, n dza bə tə̀ ghaa nə̀, Elayja mâ bə, ghə n ka koʼ keeli wi. Ghə n fəd ghəŋə ndòw tə̀ wi ghəə ghey a dzɔbənə tə̀ ghə. À loʼ soʼo ighələ Waa weynum î fəʼlənə n wɔɔ kə ghə.”

Matyo 17:22

Ambə Yeso ghi ngəd tə wi tə bə təmdzəŋi bənə n naʼ i Galili, tə n dza ndòw tə̀ ghə nə̀, “Ghə i kuʼlə ney fuu tsəghə ndownu Waa Weynum n wɔɔ kə ghə̂ ghən fa n mbi,

Matyo 27:63

Ghə n dza tə̀ wi nə̀, “Mûkəbii, a nam moʼlənu nə̀ wù badla wə aghəə wey â dza naŋa zey n nəŋə zey tə â nam loʼnə utaw nə̀, ‘A i bə nə ntsuʼ ntəghə, Zə̀ kə i zhəm dzəŋŋə bə mə nə̀ ivə.’

Malakus 8:31

Yeso n kaʼ ndòw ni dii aghəə tə̀ ngəd tə wi tə nghee tə̀ tə khənə ni fəghə, dza tə̀ ghə nə̀, “Waa wù sɔŋtsuʼ khə ni koʼ ndəmə uchɔd, ngəd tə inaʼ, ghə fɔɔngili a nii ghə, nsə ghə̂ a dii a kəlaŋ ghə i tuu maʼa wi. Ghə i wey wi, a i bə tsuʼu n tsəghə tsunə ntəghə, tə i zhəm dzəŋŋə bə nə ivə.”

Malakus 9:31

boʼnə tə â bwey dii ndow ngəd tə wi n ghəə ghə n jìi dza nə̀, “Ghə i ney fuu tsəghə ndòw Waa Wù sɔŋtsuʼ tə̀ ghə̂ ghey ghə i weynə wi. A i bə nə ntsuʼu ntəghə, tə i zhəm dzəŋŋə bə nə ivə.”

Lukas 17:25

Ghə i sə̂ isə i loʼ nə̀ tə nə fəʼlə dzənu n ndəmə tə aghəə, ghə̂ a num tə tən nə tuu maʼa soʼo wi.

Lukas 24:26

N dza i mâ dii may nə̀ Wù wən Zə̀ kə â dza naŋa nə̀ i tûm bənu î khə ni koʼ ndəmə uchɔd tə̀ wi ni kəm ndòw dzəŋŋə n nkɔʼlə n wi ə?”

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Lukas 24:7

Tə â dza nə̀ ‘Ghə khə ni teeli fu ndòw Waa wù sɔŋtsuʼ n wɔɔ kə ghə̂ a bəbə ghə, ghə i baa wi n zat kə fəkaʼ, nə ntsuʼu ntəghə tə i kəm zhim dzəŋi bə.’”

Lukas 9:44

“Kə ghaa nə neyzəənə ghəə zən n ndza n dza bə tə̀ ghaa nya, ghə nə ney tsəʼlə ndòw Waa wù sɔŋtsuʼ n wɔɔ kə ghə̂ a bwû ghə.”

1 Kɔrint 15:4

I tɔ̀ɔ doʼo soʼo n màʼlə K-a-zə̀ nə̀, tə â kpu tsunu, ghə n tsəllə tsu wi, ambə tsuʼu n tsəghə tsunə ntəghə, Zə̀ kə n zhəm dzəŋŋə bə wi nə ivə.

1 Pita 1:11

Ghə n dəm tsu ni kəŋ keeli shi kɔʼ nəŋə i tii zə nsə jìi zey ghəə a tii ghə i neynə bənə kə. Â wən loʼ nəŋə zey Zay kə Klisto key kə loʼnə n kow ghə â dii naŋa ndownə ghə nghee wù wən Zə̀ kə â dza naŋa nə̀ i tûm bənu, i bə fəʼlənə tii nsə kɔʼlə mey tə i bə keelinə.