Lukas 9:20 - Kaa n Kəzə̀ n fəghə mə

²⁰ Yeso n bəb tə̀ ghə nə̀, “Abə ghaa, ghaa dza nə̀ N loʼ ndee?” Pita n beeli ndòw wi dza, “Wə loʼ Klisto Waa Kəzə̀.”

Lukas 9:20 Mawu Ofanana

Matyo 22:42

Ghaa moʼlə nə̀ ngee bòʼ wù wən Zə̀ kə â dza naŋa nə̀ i tûm bənu ə? Tə baa loʼ waa ndee? Ghə n beeli ndòw wi dza nə̀, “Tə loʼ waa Devid.”

Matyo 26:63

Yeso n zow kə mɔŋ. Fɔɔngili u nii nii wə n dza kpiʼi tsu tə̀ wi nə̀, “N bəbə bə tə wɔ n zəd i Zə̀ kən kə loʼnə utaw nə̀ wə̀ dza bə tə̀ ghey nə̀, wə̀ loʼ Klisto Waa Kəzə̀ ə?”

Matyo 5:47

Abə ghaa shiə dzɔbə kə ghi waazə a ghaa ghə, ghaa sey ghəŋŋə dzə way ghəə i loʼ zə i loʼnə n nəŋ. N təŋkey ghə̂ ghey ghə bəghəm way tə̀ Zə̀ kə ngəŋŋə ghəŋŋə soʼo sey.

Malakus 14:61

Yeso n zow kə mɔŋ ka beeli wi. Fɔɔngili u nii nii wey n bəb kpiʼi ndòw tə̀ wi nə̀, “Wə loʼ wù wey Zə̀ kə â dza naŋa nə̀ i tûm bənu tɔŋŋə Waa Zə̀ kən kə khənə kɔʼlə mə ə?”

Malakus 8:29

Yeso n bəb ndòw tə̀ ghə nə̀, “Abə ghaa, ghaa dza nə̀ n loʼ ndee” Pita n dza tə wi nə̀, “Wə loʼ wù wey Zə̀ kə â dza naŋa nə̀ i tûm bənu.”

Lukas 22:67

Sey, ghə n bəb tə wi nə̀, “Dza bə tə ghey na, a ndzəm loʼ wɔ wù wən Zə̀ kə â dza naŋa nə̀ i tûm bənu ə?” Yeso n fəd beeli ndòw ghə dza, “Abə n dza bə nə̀, ghaa i bəghəm way.”

Lukas 9:19

Ghə n beeli ndòw wi nə̀, “Ghə̂ a loʼ a dzanə wə loʼ Jɔn wù fuu n mmuu n Kəzə̀ mə. À loʼ ghə a dzanə wə loʼ Elayja, a loʼ ghə a kəm dzanə wə loʼ tûm Kəzə̀ u wey wə tə zhəm dzəŋŋə bənə nə ivə.”

Tùm i dzuŋu zə kuum Yeso Klisto tə Jɔn â tɔɔnə 1:41

Ambə Andria zəghə tsunə Yeso, ghə i sə̂ isə zey tə â ghəŋənə â loʼ ni ndow kəŋ ndòw waazə ə wi Shimun. Tə n dza tə̀ wi nə̀, “Ghey n koʼo wù wey Zə̀ kə â dza naŋa nə̀ i tûm bənu.” (Wù wən Zə̀ kə â dza nə̀ i tûm bənu n ghɔɔmə i Grik loʼ Klisto).

Tùm i dzuŋu zə kuum Yeso Klisto tə Jɔn â tɔɔnə 1:49

Natanyə n beeli ndòw wi dza nə̀, “Wù dii wə, wə̀ ndzəm loʼ Waa Kəzə̀! Wə̀ loʼ də̀ŋ kə naʼ zə Izree!”

Tùm i dzuŋu zə kuum Yeso Klisto tə Jɔn â tɔɔnə 11:27

Mata n bəghəm dza nə̀, “Ow a Mûkəbii! N bəghəmnu nə̀ wə loʼ wù wey Zə̀ kə â dza naŋa nə̀ i tûm bənu, Waa Kəzə̀ wən tə â khənə ni bə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 4:29

“Bə koʼo na wù loʼ tə tiilə dza bənə mə n ghəə ghey n ghəŋə koʼ tsənə adzəm ə. I loʼ ni doʼo nə̀ a loʼ wù wey Zə̀ kə â dza naŋa nə̀ i tûm bənu ə?”

Tùm i dzuŋu zə kuum Yeso Klisto tə Jɔn â tɔɔnə 4:42

Ghə n dza tə̀ weyzən wey nə̀, “Ghey ka maŋ bəghəm dzə bòʼ ghɔɔmə zə, ghey bəghəm n təŋkey, ghey n baa zow ghɔɔmə i wi zə n wû i ghey zə, ghey u koʼ tsu soʼonə nə̀ wù wən ndzəm loʼ bəghəshi ə mbi.”

Tùm i dzuŋu zə kuum Yeso Klisto tə Jɔn â tɔɔnə 7:41

Ghə̂ a loʼ ghə n dza, “Tə loʼ wù wən Zə̀ kə â dza naŋa nə̀ i tûm bənu.” A loʼ ghə n kee dza, “Wù wey Zə̀ kə â dza naŋa nə̀ i tûm bənu, way dzə ni shi n Galili.

Kəfwaʼ 17:3

Tə n tiilə dza ghəə ghey a loʼnə n màʼlə K-a-zə̀ tə ghə, dii kɔʼ bə soʼo tə ghə nə̀ wù wey Zə̀ kə â dza naŋa nə̀ i tûm bənu â khənu ni fəghə, tə kpu, tə kəm zhəm dzəŋŋə bə nə̀ ivə. Tə n dza ndow tə̀ ghə nə̀, “Yeso wən n naʼlə bənə tə̀ ghaa, à loʼ wi tə loʼnə wù wey Zə̀ kə â dza naŋa nə̀ i tûm bənu.”

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Kəfwaʼ 9:22

Sɔl n fəd ndəmi nyi ndow uwû ni naʼa tûm i dzuŋu zə. Tə n dii nə təjìi tədzəm nə̀ Yeso ndzəm loʼ wù wey Zə̀ kə â dza naŋa nə̀ i tûm bənu. Tə n dii n jìi zey ghə̂ a Təjuu ghey n Damaskus n laʼ kii kɔʼ ghə i dza zə.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.