Lukas 9:2 - Kaa n Kəzə̀ n fəghə mə

² Sey, tə n tûm shi ndòw ghə nə ghə ndòw naʼa ghə i fɔɔ u Kəzə̀ nsə ni baŋə ghəə a dzaŋa ghə

Lukas 9:2 Mawu Ofanana

Matyo 10:5

Yeso n tûm shi ndòw ghə̂ ghən ighəm n ghii ghə abəghə, kii naŋa ndow ghə dza nə̀, “I kə̂ wù ghaa nə ndòwnə n luʼu tey ghə̂ ghən ghə way ghə̂ a Təjuu a loʼnə tii, kə ghaa nə nyiə soʼonə n nàʼa tey ghə̂ a Samaria a muunə a tii.

Matyo 13:19

Ghə̂ ghey ghə zownə ghɔɔmə i fɔɔ u Kəzə̀ wə, ka zowkeeli, vəətsəə ghə n bə bəkeeli nuu kɔʼ ghəə ghey ghə zəllə naŋa n fə̀ŋ tə ghə. Ghə sey loʼ tə a loʼ ndzoʼ tey tə â tsɔʼlənə nə təmbwu.

Matyo 24:14

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Malakus 16:15

Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm.

Malakus 6:12

Sey, ghə n nuu shi i ndòw naʼlə kaabə tûm Kəzə̀ nə̀ ghə̂ a kweyyə fə̀ŋ tə ghə.

Lukas 10:1

Abə ghəə ghən tsəghə tsu nə̀, Mûkəbii n say shi bə tədzûmə nghəm nsəghəmbəghə ghi ghə abəghə, tûm shi ndow ghə abəghə, abəghə isə n naʼa tən tədzəm n luʼu tey tə â khə ni nam ndow fu.

Lukas 10:11

“Kasə̀ bvə kə naʼ i ghaa, kə i doʼo way n fuu i ghey, a sa buʼu maʼanu. Seykə keeli tsu na nə fɔɔ u Kəzə̀ wə n shɔd.

Lukas 10:9

Baŋŋə na ghə̂ a dzaŋa ghə, ghaa i naʼa ndòw tə̀ ghə̂ ghə nə̀ fɔɔ u Kəzə̀ wə n shɔd.

Lukas 16:16

Laŋ u Mushi nsə tûm tə Kəzə̀ tə â gaamə tsə ghaa ni keeli ghəə a Kəzə̀ ni bə kùm tə̀ Jɔn wù fuu u mmuu Kəzə̀ mə â bə nə. Ni ney nuu bə n nəŋŋə i tii zə, n sa naʼlə kə tûm i dzuŋu zə bòʼ fɔɔ u Kəzə̀, ghə̂ ghə a fuʼunə ni nyi fu tii nə kədaʼa.

Lukas 9:11

Nghee tə̀ ghə̂ a keeli tsunə luʼu key tə loʼnə tii, ghə n dzûmə ndòw wi. Tə n kpii ney kɔʼ ghə, ghɔɔmə tə̀ ghə bòʼ fɔɔ u Kəzə̀, baŋŋə a ghey ghə â loʼ nə̀ ghə khə tədzaŋa.