Lukas 9:11 - Kaa n Kəzə̀ n fəghə mə

¹¹ Nghee tə̀ ghə̂ a keeli tsunə luʼu key tə loʼnə tii, ghə n dzûmə ndòw wi. Tə n kpii ney kɔʼ ghə, ghɔɔmə tə̀ ghə bòʼ fɔɔ u Kəzə̀, baŋŋə a ghey ghə â loʼ nə̀ ghə khə tədzaŋa.

Lukas 9:11 Mawu Ofanana

Matyo 12:15

Ambə Yeso keeli tsunə nə̀ falasi tə bii wi, tə n nuu tsu fu. Nɔɔ kə aghə̂ kə n nuu ndòw soʼo n bàa wi. Tə n baŋŋə ghə̂ ghey ghə a dzaŋanə adzəm.

Matyo 14:14

Ambə Yeso shi tsunə nə kəfə̀n, koʼ ndòw nɔɔ kə aghə̂ key, tə n kwɔɔlə isî n kow ghə, sey, tə n baŋŋə kɔʼ ghə̂ ghey ghə â dzaŋanə.

Matyo 21:31

À loʼ waa u ghaa wə tə â ghəŋənə ghəə zey bày â ləghənə ə?” Ghə n dza, “U sə isə wey.” Sey, Yeso n dza tə̀ ghə nə̀, “N kuum dza bə tə̀ ghaa nə̀, ghə̂ a kwɔɔ a màʼlə kə tsow kə nsə gheyzən a kəkpala a nə ndow nyiənu n Fɔɔ u Kəzə̀ isə n kow ghaa.

Matyo 21:43

Sey, n dza bə tə̀ ghaa nə̀, “Ghə î ney nuulənu fɔɔ u Kəzə̀ wə n wɔɔ kə ghaa, ghə fuu ndòw tə̀ naʼa tey tə î ghəŋŋənə ghəə zey Zə̀ kə ləghənə.”

Lukas 1:53

Tə n chi ghə̂ ghey ghə â loʼnə n dzəŋ n fə u dzuŋu wə, kee dzùm dzəŋŋə ghə̂ a kùm ghə̀ n wɔ a zum ghə̀.

Lukas 5:31

Yeso n beeli ndòw ghə nə̀, “Ghə̂ ghey ghə dzaŋa way, ghə kəŋə tsə way wù ngàŋ, a loʼ ghə̂ ghey ghə dzaŋanə ghə kəŋənə wù ngàŋ.

Lukas 8:1

Ambə ghəə ghən a tsəghə tsunə, Yeso n bwey ndòw naʼa tə naʼa, naʼlə ndòw tûm i dzuŋu zə bòʼ fɔɔ u Kəzə̀. Tsətəndəghə tə wi tey ighəm n ghə̂ ghə abəghə ghə n lòʼ ghi wi,

Lukas 8:10

Tə n beeli ndow ghə nə̀, “Ghə n fu ghaa n tɔb u tii wə ni zowkeeli sad i fɔɔ u Kəzə̀, abə ghə̂ a lòʼ ghey n khə kə ni ghɔɔmə tə ghə n ghɔɔmə i fənkəfən; sey, ghə i lòʼ ni laalə, koʼo keeli way; zəllə zowkeeli way.

Lukas 9:10

Ambə ngəd tə Yeso tə dzəŋŋə bənə tə̀ Yeso â tûm shinə ghə, nə̀ ghə ndòw naʼa tûm Kəzə̀. Ghə n bə dza bə tə̀ wi nghee tə ghə fwaʼ kuumnə. Yeso n ney ndow ghə n luʼu k-a-nyi n naʼ i Bedsayda.

Lukas 9:12

Ambə nyi i nəmə tsu ndownə, tsətəndəghə tə wi tey ighəm n ghə̂ ghə abəghə n bə dza tə̀ wi nə̀, “Zəghə ndòw ghə̂ ghey, ghə ndòw nə tə naʼa, nsə nə tə mbvə̀nə̀ n mboʼ zən tə̀ ghə lòʼ ni keeli fə kə zəə kə nsə luʼu kə bweeli kə kûm nə saa fa loʼ n mbvə̀nə̀ ntsaŋ.”

Lukas 9:2

Sey, tə n tûm shi ndòw ghə nə ghə ndòw naʼa ghə i fɔɔ u Kəzə̀ nsə ni baŋə ghəə a dzaŋa ghə

Tùm i dzuŋu zə kuum Yeso Klisto tə Jɔn â tɔɔnə 4:34

Yeso n dza ndòw tə̀ ghə nə̀, “Fəzəə wuŋ u loʼ ni fwaʼ fwaʼ key wù wey tə tûm bənə mə, ləghənə nə̀ n fwaʼ, nsə ni mayyə fwaʼ key tə fuunə tə̀ mə nə̀ n fwaʼ.

Tùm i dzuŋu zə kuum Yeso Klisto tə Jɔn â tɔɔnə 6:37

Ghə̂ ghey adzəm Bày wuŋ fuu naŋanə tə̀ mə, î teeli bə doʼlə ghi mə. Abə wù bə doʼo bənə ghi mə, mə î dzum nuu koʼ way wi.

Kəfwaʼ 28:31

Tə n naʼlə tûm i dzuŋu zə bòʼ fɔɔ u Kəzə̀, dii ndow soʼo aghə̂ kuum Mûkəbii Yeso Klisto n mgbaŋ, nə tə tsəŋə way, wù loʼ n ka tsəm təʼlə soʼo wi.

Roma 10:14

Nya, ghə̂ a sə loʼ ngee ni nɔɔ igaamə n wɔ wi nə̀ ghə ka tə wi bəghəm ə? Ghə loʼ soʼo ngee ni bəghəm tə wi nə̀ ghə ka kam zow koʼ tsə ghə i loʼ zə kuum wi ə? Ghə a loʼ soʼo ngee ni zow aghəə kuum wi nə̀ wù loʼ ka bə naʼa bə tûm tii tə̀ ghə ə?

Roma 10:17

Sey, wù bəghəm kə tûm nə̀ tə n zow tûm tii. À loʼ abə ghə naʼlənə tûm i dzuŋu zə bòʼ Klisto wù zow soʼonə tûm i tii zə.

Roma 15:3

N dza sey təŋkey, Klisto n wû u wi wə â ka ghəŋə dzə ghəə ghey a dzɔbə kənə tə wi. I loʼ tə i tɔ̀ɔ doʼonə n màʼlə K-a-zə̀ nə̀, “Kpaalə zən ghə̂ ghə â kpaalənə wɔ, À loʼ mə n boʼonə kpaalə i tii zə.”

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Hibru 4:16

Abə saa ləghənə fə kə, saa n ndow bəb ndow tə̀ Zə̀ kə saa kən kə diinə saa n fə̀ŋ ə wi i dzuŋu zə nə̀ saa tsəŋə way. Saa khənu nə̀ tə i kwɔɔlənu sî zə n kow saa, tə fuu saa n fə key kə kpiinə tə̀ saa.