Lukas 8:8 - Kaa n Kəzə̀ n fəghə mə

⁸ Ndzoʼ tə loʼ tə n tsɔʼlə bə n zub tə dzuŋu tə, tə n nyim i kɔʼ, bɔŋ dzɔb kɔʼ nə ukaʼ, sə̂ ghə asaŋ ghə n loʼ fəbɔm, fəbɔm nə ikey.” Ambə Yeso ghɔɔmə may tsunə, tə n dza shi kɔʼnə, “Wù wey tə khənə tuŋŋə wə, tə zow.”

Lukas 8:8 Mawu Ofanana

Matyo 11:15

Wù wey tə khənə tuŋŋə wə, tə zow!”

Matyo 13:23

Abə tə tey tə â tsɔʼlənə n zub tə dzuŋu tə, a loʼ ghə̂ ghey ghə zow tsuu ghɔɔmə i tii zə, ghə n ndzəm zowkeeli i tsu, ghə a nyim bɔŋ dzɔb tsu buʼ a dzuŋu ghə, buʼ a loʼ ghə n fuu kɔʼɔ asə̂ fəbɔm, a loʼ ghə n fuu kɔʼ asə̂ nghəm ntuubə, a loʼ ghə nghəm ntəghə.”

Malakus 4:20

Ghə̂ a loʼ ghə a kee loʼ tə̀ a loʼ ndzoʼ tey tə â tsɔʼlə bənə n zub tə dzuŋu tə̀. À wən loʼ ghə̂ ghey ghə zow tsunə ghɔɔmə i Kəzə̀ zə, ghə n bəghəm kɔʼ n fə̀ŋ ə ghə idzəm, mə̂ bə utam. À loʼ ghə nghəm ntəghə, a loʼ ghə n nghəm ntuubə, a loʼ ghə n mə̂ bə utam fəbɔm.”

Malakus 4:23

Wù wey tə khə tuŋŋə wə tə zow.”

Malakus 4:8

Ndzoʼ tə loʼ tə n tsɔʼlə ndòw n zub tə dzuŋu tə. Tə n nyim dzɔb kɔʼ, bɔŋ i kɔʼ, keeli tsu ndəmə asə̂ n jìi zey tə loʼ â fuu bənə sə̂ ghə nghəm ntəghə, tə loʼ tə n fuu bə nghəm ntuubə, tə loʼ tə n loʼ asə̂ fəbɔm.”

Malakus 7:16

[Wù wey tə khənə tuŋŋə wə, tə zow].

Lukas 14:35

N kəm dzɔbə way ni kuu nə təzub n kee nə kəduŋ, N nya loʼ kə ni feeli maʼa. Abə wù khənə tuŋŋə wə ni zow, tə zow.”

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Lukas 8:7

Tə lòʼ tə n tsɔʼlə bə nə ukaakaa. Ambə tə fòw kɔʼnə, nyîmmə, kaakaa wə n nyîmmə soʼo, nyim zɔʼi naŋa tsu ndzoʼ tə tii tə.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Chi dii 13:9

Wù wən tə khə tuŋŋə wə, tə zow.

Chi dii 2:11

Wù wən tə khənə tuŋŋə wə, tə zow ghəə zey Zay kə Zow kə dzanə tə̀ dzəŋi u dzûmə tə Klisto tə. Wù wən tə təm zənə bəb zə, tə i kəm bə kpu way n bùʼ kə uvələ.”

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”

Chi dii 3:13

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wə.”

Chi dii 3:6

Wù wey tə khə tuŋŋə wə, tə zow ghəə zey Zay kə Zow kə dzanə tə dzəŋi u dzûmə tə Klisto wə.”