Lukas 8:42 - Kaa n Kəzə̀ n fəghə mə

⁴² n təŋkey sɔʼi fə waa fə wi fə zən fə, fə â lòʼ nə num tə ighəm nsə num tə təbəghə, fə â kpuu kɔʼɔ bənu. Nghee tə̀ Yeso ndownə, nɔɔ kə aghə̂ kə n zuʼu ndòw n kow wi.

Lukas 8:42 Mawu Ofanana

Malakus 5:24

Yeso n daŋŋə nuu ndòw ghi wù wey. Ndəmə aghə̂ ghə â ndow dzəŋi ghi Yeso, sey ghə n zoʼlə nyiə bə wi badla tədzəm.

Lukas 7:12

Nghee tə̀ ghə kuʼlə may ndòwnə ni nyi inaʼ, ghə n kpii tsu ghi və̀n i wù zə ghə boʼlə shiə bənə, à n lòʼ sey nə̀ â loʼ sɔ̀ʼi fə waa u num ə zən ə kpusə u lòʼ wə. Ndəmə aghə̂ n lòʼ ghi wi.

Lukas 8:41

Wù lòʼ n ndòw bə fu tə â lòʼnə wù nii wə n ndaw kədzəŋi ə ghə i lòʼ zə ghə â tɔŋŋənə wi nə̀ a lòʼ Jayrus. Tə n bə təm bə tənguʼ n səə Yeso, buʼ kəwɔɔ tə̀ wi nə̀ tə bə n ndaw wi,

Lukas 8:43

Weyzən u lòʼ wə̀ n lòʼ fu nə̀ tə n muu num tə ighəm nsə num tə təbəghə nə̀ tə bam ndzɔŋ. Tə n lòʼ nə̀ tə n bəəbə may khəə u wi wə udzəm n wɔ ghə̂ a təngaŋ ghə, wù umɔʼ ə ghə n tsəm way ni baŋŋə wi.

Lukas 8:45

Yeso n bəb tsu nə̀, “A mə mɔm ndee?” Ghə̂ ghey ghə â lòʼnə n səə wi n tuu tsu kə adzəm. Pita n dza ndòw tə̀ wi nə̀, “Mûkəbii, ghə̂ à zuʼu kaabə n kow wɔ nə təbadla tədzəm, wə sə lòʼ ngee ni bəb nə̀ a mə mɔm ndee?”

Roma 5:12

Bəb zə â bə fa n mbi nə̀ a ney bə wù umɔʼ. Bəb i tii zə n ney bə ivə. Sey, və zə n daŋ ndow aghə̂ adzəm n mbi n təŋkey, aghə̂ adzəm fa n mbi n ghəŋə bəb zə.