Lukas 8:15 - Kaa n Kəzə̀ n fəghə mə

¹⁵ Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Lukas 8:15 Mawu Ofanana

Matyo 24:13

À kee loʼ nə̀, wù wey tə i kow tsunə fə̀ŋ ndòw kùm i ndòw, tə i keeli ibəghəshi.

Lukas 11:28

Yeso n beeli ndòw wi dza, “buulə i fəd loʼ tə̀ ghə̂ ghey ghə zownə ghɔɔmə i Kəzə̀ zə naŋŋə.”

Lukas 6:45

Wù dzuŋu ghəŋə kə ghəə a dzuŋu ghey a shi kɔʼ bənə n fə̀ŋ ə wi. Wù bəbə ghəŋə kə ghəə a bəbə ghey a shi kɔʼ bənə n fəŋ ə wi, kuumnə wù ghɔɔmə kə ghəə ghey a kuʼ doʼonə n fəŋ ə wi.

Lukas 8:14

Ndzoʼ tey tə â tsɔʼlə bənə nə ukaakaa, à lòʼ ghə̂ ghey ghə zownə ghɔɔmə i Kəzə̀ zə, ambə ghə nuu ndownə, chɔd u mbi, ikum, nsə laabə i mbi zə n zɔʼi naŋa tsu ghəə a Kəzə̀, ghə n way ni nyim taw n bəghəm fə̀ŋ i ghə.

Lukas 8:16

Wù daa way daa kə tə n kəm tsət naŋa tsu nə̀ ifuʼ nkee n tənə ukay. Ghə daa kə naŋŋə tsə nə kənyələ nə abə ghə̂ a nyiə bənə ghə n koʼo asə̂ tii.

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 15:10

Abə ghaa naŋŋə laŋ wuŋ wə, mə i ləghə ghaa, ighələ tə̀ n naŋŋənə laŋ u Bày wuŋ wə, tə u ləghənə mə.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 6:22

Nya wən Zə̀ kə bəghəshinə ghaa n ghəə a ghaa a bəbə ghə, ghaa u doʼo bənə kɔd u wi, naamə kə ghaa kə loʼ nə̀ ghaa nya loʼ ni muu muu zən i zownə tə̀ Zə̀ kə, sey nə̀ ghaa keeli muu zən i nə may way.

Roma 7:18

N khənu nə̀ ndzuŋ i loʼ i way dzə n kow mə n təŋkey n maŋa ghəŋə aghəə tə̀ vən fə uwû fuŋ ləghənə. N mgbaŋ khənu moʼlə zə ni ghəŋŋə ghəə zey i kpiilənə, mə n kee dəmə kiʼi ni ghəŋə ghə i tii zə.

Roma 7:4

Waazə ghə, a loʼ soʼo ghə i mɔʼɔ zə ghi ghaa. Abə a bənə n ghəə a kəlaŋ, ghaa loʼ tə̀ a loʼ ghə̂ a kpuu ghə tə̀ laŋ kə n təŋkey, ghaa mâ kpu dzəŋi ghi Klisto. Ghaa nya loʼ nə kəfə kəmɔʼ ghi wù wən Zə̀ kə â zhəm nuu dzəŋŋə bənə nə ivə, sey nə̀, saa loʼ ni ghəŋə ghəə ghey a fuunə kɔʼləmə tə̀ Zə̀ kə.

Roma 8:25

Abə saa ləmmənə fə kə nə̀ saa kam khə way, saa n kow tsu kə fə̀ŋ ni ləmə fə kə tii kə.

1 Kɔrint 7:19

I loʼ sey n təŋkey, abə wə səghənə tyi kə kə̀ mɔ wə ka səghə, Zə̀ kə ney way n taŋ. Ghəə zey Zə̀ kə baa neynə n taŋ loʼ nə̀ wə i naŋŋə laŋ u wi wə.

Efesus 2:8

À loʼ bòʼ ndzuŋ ə Kəzə̀ ghaa keelinə bəghəshi zə n bam i bəghəm i fə̀ŋ. Â ka ghaa ghəŋə dzə, à maŋ loʼ naamə K-a-zə̀.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

Hibru 10:36

Ghaa khə ni kow tsu kə təfə̀ŋ sey nə̀, abə ghaa ghəŋə tsunə ghəə ghey Zə̀ kə ləghənə, tə i fuu ghaa n fə key tə â təb naŋanə tə ghaa.

Hibru 2:1

À wey loʼ ghə i tii zə saa khə ni tɔʼ ney ighə̂mə n ghəə ghən saa zownə. Sey nə̀, kə ghə i loʼ i nə sìi dzəŋŋənə saa.

Jems 1:4

Təmi taw tsu kə n na nə aghəə adzəm sey nə̀ ghaa loʼ ni tɔʼ beyyə n bəghəm i fə̀ŋ i ghaa, laʼa soʼ way fə kə loʼ kə n bəghəm i fə̀ŋ i ghaa.

1 Jɔn 2:3

Abə saa naŋŋənə laŋ u Kəzə̀ wə, i sey dii nə̀ saa kuum khənu wi.