Lukas 8:13 - Kaa n Kəzə̀ n fəghə mə

¹³ Tə tey tə â tsɔʼlənə n luʼu kə atay, à lòʼ ghə̂ ghey ghə zownə ghɔɔmə i Kəzə̀ zə, ney naŋa nə iduʼlə, zə n ka nyi təmi dzə n fə̀ŋ tə ghə, ghə bəghəm kɔʼɔ kə n tɔŋɔ fə inəŋə, ambə mɔɔmə koʼ i bənə, ghə n bwùlə doʼo i ndòw.

Lukas 8:13 Mawu Ofanana

Malakus 6:20

Helɔd â tsəŋənu Jɔn n təŋkey tə â khə nə̀ Jɔn loʼ wù tsətsəghə, loʼ soʼo wù zow wə. Sey Helɔd n baʼa mbaŋ n tow kə wi. Tə â ləghənu ni zəllə ghɔɔmə i Jɔn zə, a kee loʼ nə̀ tə â ləghə way ghəə ghey Jɔn â dzanə.

Lukas 8:12

Tə tey tə â tsɔʼlənə n jii fə usum, a loʼ ghə̂ ghey ghə zownə ghɔɔmə i Kəzə̀ zə, vəətsəə ghə n bə ney nuu kɔʼ ghɔɔmə i Kəzə̀ i tii zə n fə̀ŋ tə ghə, nə kə ghə nə keeli bəghəm i fə̀ŋ zə tə ghə keeli ibəghəshi.

Lukas 8:14

Ndzoʼ tey tə â tsɔʼlə bənə nə ukaakaa, à lòʼ ghə̂ ghey ghə zownə ghɔɔmə i Kəzə̀ zə, ambə ghə nuu ndownə, chɔd u mbi, ikum, nsə laabə i mbi zə n zɔʼi naŋa tsu ghəə a Kəzə̀, ghə n way ni nyim taw n bəghəm fə̀ŋ i ghə.

Tùm i dzuŋu zə kuum Yeso Klisto tə Jɔn â tɔɔnə 15:2

Abə kpìi kə loʼ kə məə way tam wə, tə n khəə maʼa i tsu, u wey u məənə tam wə, tə n faalə kad naŋa kɔʼ nə̀ wə i ngii məə tsu.

Tùm i dzuŋu zə kuum Yeso Klisto tə Jɔn â tɔɔnə 15:6

Wù wey tə way ghi mə nə kəfə kəmɔʼ, a khəə maʼa shiə ndow wi tə a loʼ kpìi kə fəkaʼ kə bəbə kə, kə n fɔbi zum kɔʼ, ghə n kuumə kpəghə ndow nə uvəllə, kə n fə fu.

Tùm i dzuŋu zə kuum Yeso Klisto tə Jɔn â tɔɔnə 5:35

Jɔn â loʼ tə̀ a loʼ kədaa kə baŋanə, ghaa n saŋŋə n ghɔɔmə i wi zən zə â loʼnə tə a loʼ kədaa tə̀ ghaa n tɔŋɔ fə inəŋə.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

1 Kɔrint 15:2

À loʼ tûm i dzuŋu zən zə i ghəŋŋənə nə̀ Zə̀ kə bəghəshi ghaa abə ghaa tɔʼ kwu keeli tsu dzənə ghɔɔmə i Kəzə̀ zən mə â naʼanə tə̀ ghaa. Nə̀ à way sey, i sey dii nə̀ ghəə zey ghaa â bəghəmnə tii, ghaa â maŋ bəghəm nə kənunu.

Galeshia 3:1

Ghaa ghə̂ a Galeshya ghən, ghaa ngii laʼlənu! À ghaa ləŋ naŋa ndee? N dza ghə mâ mgbaŋ tiilə dìi bə zuŋ key ghə â baa Yeso Klisto tii n zat kə fəkaʼ a?

Galeshia 3:4

I sey dii nə̀ n ghəə ghən ghaa tsəghənə tii, ghaa maŋ fwaʼ nay nə kənunu ə? N moʼlə nə̀ ghaa â ka fwaʼ dzə nə kənunu!

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 2:7

Ghaŋ tə ghaa tə khə ni nyi taw tsu n kow wi, ghaa bəghə kɔʼ bə muu i ghaa n kow wi, sey, bəghəm i fə̀ŋ i ghaa zə i nyîmmə nə isəŋə zən ghə â diinə tə ghaa, ghaa i fuu soʼo zɔŋŋə kə tə Zə̀ kə naʼ idzəm.

1 Tesalonika 3:5

À wey loʼ ghə i tii zə mə â koʼ tsunə nə̀ i dzɔbənu tə mə ni tûm bə Timoti n təŋkey, mə â kəm way ni kow fə̀ŋ. Sey, mə n tûm bə Timoti nə̀ tə bə koʼ tsu nə̀ ghaa loʼ ngee n bəghəm i fə̀ŋ i ghaa. Mə â tsəŋənu nə̀ n nəŋə i loʼ i, vəətsəə ghə n ghaa nəb fuu nə̀ ghaa bwu n ghəə a bəbə ghə ni ghəŋə nə̀ fwaʼ kə ghey kədzəm kə maŋ doʼo kɔʼ kənunu.

1 Timoti 1:19

Tɔʼɔ təmi taw tsu kə n bəghəm i fə̀ŋ zey wə khənə n kow Klisto, wə i khə soʼo fə̀ŋ i zow zə. Ghə̂ a loʼnu nə̀ ghə n ndzəm tuu ni keeli fə̀ŋ tə zow tə, sey, ghə a bəəbə maʼa kɔʼ bəghəm i fə̀ŋ i ghə zə.

Hibru 10:39

I loʼ nə̀, saa way dzəŋi n ndzoʼo ghə̂ ghən ghə bwu khə̂mmə tsunə, Zə̀ kə u ləŋi maʼa tsunə ghə. Saa fəd loʼ ghə̂ ghey ghə khənə bəghəm i fə̀ŋ zə n kow Zə̀ kə, kə i bəghəshiənu saa.

Jems 2:26

Nghee tə i loʼ nə̀ wù wey tə loʼ nə̀ zay kə wi kə nuu n shi, loʼ wù kpuu, a loʼ soʼo ighələ ghi wù wey tə dza nə̀ i khə bəghəm i fə̀ŋ nə̀ tə ghəŋŋə way ghəə a dzuŋu ghə loʼ nə̀ bəghəm i fə̀ŋ i wi tii i maŋ loʼ kənunu.

2 Pita 2:20

Abə ghə̂ a nɔb shi bə n wɔ bəb i mbi zən bòʼ nə̀ ghə n keeli Mûkəbii saa nsə bəghəshi ə saa Yeso Klisto, kəm bə bwu dzəŋŋə nyi ndow ni ghəŋŋə ghəə a bəbə ghə, ndzoʼo ghə̂ a tii ghə loʼ ghə̂ a bəbə ghə nya tsəghəshi nghee ghə â loʼ nə̀ ghə ka kam keeli Klisto.

2 Pita 2:22

Mwam u ghə u dii bənu nə̀ ghɔɔmə i fənkəfən zən loʼ isəŋə nə̀, “Bvə kəm ndow dzəŋŋə ibam ni zə̂ zaa u wən i mə zaa maʼanə.” Wə a dza soʼo nə̀, “Feelibu kən ghə sow dzənə dzəŋŋə ndow kə nə kətsaʼ ni nyuʼ uwû.”

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.

Màʼlə kə Jud tə̀ ghə̂ a Kəzə̀ ghə 1:12

Ghə̂ ghən loʼ tə a loʼ udzə, u dzəələnə ghaa abə ghaa ghi ghə dzəŋi zə̂ənə n kuubə tə. Ghə zə̂ə ghi ghaa nə̀ ghə khə way tow kə dədlə kə loʼ kə, ghə sə laalə tsu kənə ghow kə ibwey kə ghə kə. Ghə maŋ loʼ tə a loʼ mbaʼ tə ighow n bikighow, zəŋ maŋa fəəbə kaabə tsənə nə̀ tə way ni fuu koʼ ighow. Ghə loʼ soʼo tə a loʼ kaʼ fən abə nùm tii bənə, tam wə n way ni mə̂ koʼ tsə tii. Ghə loʼ tə a loʼ kàʼ mən ghə dənnə nuu shi kɔʼ bənə a ghəlitsə, mə u loʼ nə̀ mə n fɔɔ zum nuu.