Lukas 7:47 - Kaa n Kəzə̀ n fəghə mə

⁴⁷ Sey, n dza bə tə wɔ nə ndzoʼo ləghə zən tə dii bə nə̀, lòʼ ni dii bə nə ghə n ghəə a wi a bəbə ghə neyzəə may adzəm, a sə downə. Abə wù wən tə diinə nyaŋi fə iləghə fə, a sey lòʼ nə ghə n neyzəə nyaŋi fə ibəb fə wi fə.”

Lukas 7:47 Mawu Ofanana

Matyo 10:37

Wù wey tə ləghənə bày wi nkee này wi tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. Tə wey tə ləghənə waa wi ù nûm wə̀ nkee ù zən wə̀ tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ.

Lukas 7:39

Ambə wù Falasi wey tə mə naʼanə Yeso koʼ tsunə sey, tə n moʼlə n fə̀ŋ ə wi nə̀, “Abə wù wən mə ndzəm lòʼnə wù tûm Kəzə̀, tə̂ tə mə khə wù wey tə mɔmmə nə wi, ndzoʼo weyzən wən tə lòʼ ghii wi, nə a loʼ weyzən u bəbə wə.”

Lukas 7:46

Wə ka kuu soʼo mmbvə mə n tow kuŋ, tə u tsoʼlənə fuu zuŋ zə n mmbvə n ləmmə mə

Lukas 7:48

Sey, Yeso n dza ndow tə weyzən wey nə̀, “Ghə n neyzəə ghəə ghə a bəbə ə ghə.”

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

Roma 5:20

Zə̀ kə fuu bə laŋ kə wi nə̀ ghə̂ adzəm i loʼ ni koʼo ndow ghəə a bəbə ghən ghə ghəŋŋənə. A n kee bə ghə̂ a ghəŋŋə nduŋŋə ndow kə ghəə bəbə ghə, Zə̀ kə n baa kəm dii bə ndzuŋ ə wi tə̀ ghə̂ ghə naʼ idzəm nə̀ maŋ kwɔɔlə tsu isî.

2 Kɔrint 5:14

À loʼ ləghə zey Klisto khənə n kow saa, i taalinə saa n təŋkey, ghey n zowkeeli nə̀ wù umɔʼ mâ kpu n tow kə ghə̂ adzəm, dii tsuu nə̀ ghə̂ adzəm mâ dzəŋi kpu ghi wi.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 6:24

N gɔŋŋə nə̀ ndzuŋ ə Kəzə̀ i loʼ ghi ghə̂ ghən adzəm ghə ləghənə Mûkəbii ə saa Yeso Klisto n fə̀ŋ tə ghə tə tədzəm.

Filipi 1:9

N gɔŋŋə nə̀ ləghə zey ghaa khənə n wû i ghaa zə i nyîmmə kɔʼɔ ndòw naʼ idzəm. N gɔŋŋə soʼo nə ghaa i loʼ ni keeli isəŋə zey i loʼ nə bòʼ Kəzə̀ sey nə̀ ghaa loʼ ni keeli ghəə zey i kpiilənə nsə i zey i kpiilə way,

1 Timoti 1:14

Mûkəbii ə saa n dii bə ndzuŋ ə wi tə mə naʼ idzəm. Tə n ghəŋə soʼo nə̀ n keeli bəghəm i fə̀ŋ nsə ləghə zən i loʼnə i saa zə abə saa loʼnə nə kəfə kəmɔʼ ghi Yeso Klisto.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.

1 Jɔn 4:19

Saa khə iləghə n wû i saa nsə tə Zə̀ kə, n təŋkey, Zə̀ kə a khə ləghə zey bə saa isə.

1 Jɔn 5:3

Ni ndzəmə ləghə Zə̀ kə, loʼ ni naŋŋə laŋ u wi wə. Laŋ u tii wə a loʼ nə u taw way ni naŋa.